Browsing "Daniel"
Dec 26, 2012 - Daniel    No Comments

Daniel 12:11

Play

יא וּמֵעֵת הוּסַר הַתָּמִיד, וְלָתֵת שִׁקּוּץ שֹׁמֵם–יָמִים, אֶלֶף מָאתַיִם וְתִשְׁעִים.

יב אַשְׁרֵי הַמְחַכֶּה, וְיַגִּיעַ:  לְיָמִים–אֶלֶף, שְׁלֹשׁ מֵאוֹת שְׁלֹשִׁים וַחֲמִשָּׁה.

יג וְאַתָּה, לֵךְ לַקֵּץ; וְתָנוּחַ וְתַעֲמֹד לְגֹרָלְךָ, לְקֵץ הַיָּמִין.  {ש}

Dec 25, 2012 - Daniel    No Comments

Daniel 12:7

Play

ז וָאֶשְׁמַע אֶת-הָאִישׁ לְבוּשׁ הַבַּדִּים, אֲשֶׁר מִמַּעַל לְמֵימֵי הַיְאֹר, וַיָּרֶם יְמִינוֹ וּשְׂמֹאלוֹ אֶל-הַשָּׁמַיִם, וַיִּשָּׁבַע בְּחֵי הָעוֹלָם:  כִּי לְמוֹעֵד מוֹעֲדִים וָחֵצִי, וּכְכַלּוֹת נַפֵּץ יַד-עַם-קֹדֶשׁ–תִּכְלֶינָה כָל-אֵלֶּה.

ח וַאֲנִי שָׁמַעְתִּי, וְלֹא אָבִין; וָאֹמְרָה–אֲדֹנִי, מָה אַחֲרִית אֵלֶּה.  {פ}

ט וַיֹּאמֶר, לֵךְ דָּנִיֵּאל:  כִּי-סְתֻמִים וַחֲתֻמִים הַדְּבָרִים, עַד-עֵת קֵץ.

י יִתְבָּרְרוּ וְיִתְלַבְּנוּ וְיִצָּרְפוּ, רַבִּים, וְהִרְשִׁיעוּ רְשָׁעִים, וְלֹא יָבִינוּ כָּל-רְשָׁעִים; וְהַמַּשְׂכִּלִים, יָבִינוּ.

יא וּמֵעֵת הוּסַר הַתָּמִיד, וְלָתֵת שִׁקּוּץ שֹׁמֵם–יָמִים, אֶלֶף מָאתַיִם וְתִשְׁעִים.

יב אַשְׁרֵי הַמְחַכֶּה, וְיַגִּיעַ:  לְיָמִים–אֶלֶף, שְׁלֹשׁ מֵאוֹת שְׁלֹשִׁים וַחֲמִשָּׁה.

Dec 24, 2012 - Daniel    No Comments

Daniel 12:3

Play

ג וְהַמַּשְׂכִּלִים–יַזְהִרוּ, כְּזֹהַר הָרָקִיעַ; וּמַצְדִּיקֵי, הָרַבִּים, כַּכּוֹכָבִים, לְעוֹלָם וָעֶד.  {פ}

ד
וְאַתָּה דָנִיֵּאל, סְתֹם הַדְּבָרִים וַחֲתֹם הַסֵּפֶר–עַד-עֵת קֵץ; יְשֹׁטְטוּ רַבִּים, וְתִרְבֶּה הַדָּעַת.

ה וְרָאִיתִי אֲנִי דָנִיֵּאל, וְהִנֵּה שְׁנַיִם אֲחֵרִים עֹמְדִים:  אֶחָד הֵנָּה לִשְׂפַת הַיְאֹר, וְאֶחָד הֵנָּה לִשְׂפַת הַיְאֹר.

ו וַיֹּאמֶר, לָאִישׁ לְבוּשׁ הַבַּדִּים, אֲשֶׁר מִמַּעַל, לְמֵימֵי הַיְאֹר:  עַד-מָתַי, קֵץ הַפְּלָאוֹת.

ז וָאֶשְׁמַע אֶת-הָאִישׁ לְבוּשׁ הַבַּדִּים, אֲשֶׁר מִמַּעַל לְמֵימֵי הַיְאֹר, וַיָּרֶם יְמִינוֹ וּשְׂמֹאלוֹ אֶל-הַשָּׁמַיִם, וַיִּשָּׁבַע בְּחֵי הָעוֹלָם:  כִּי לְמוֹעֵד מוֹעֲדִים וָחֵצִי, וּכְכַלּוֹת נַפֵּץ יַד-עַם-קֹדֶשׁ–תִּכְלֶינָה כָל-אֵלֶּה.

Dec 21, 2012 - Daniel    No Comments

Daniel 11:41

Play

מ וּבְעֵת קֵץ, יִתְנַגַּח עִמּוֹ מֶלֶךְ הַנֶּגֶב, וְיִשְׂתָּעֵר עָלָיו מֶלֶךְ הַצָּפוֹן בְּרֶכֶב וּבְפָרָשִׁים, וּבָאֳנִיּוֹת רַבּוֹת; וּבָא בַאֲרָצוֹת, וְשָׁטַף וְעָבָר.

מא וּבָא בְּאֶרֶץ הַצְּבִי, וְרַבּוֹת יִכָּשֵׁלוּ; וְאֵלֶּה, יִמָּלְטוּ מִיָּדוֹ–אֱדוֹם וּמוֹאָב, וְרֵאשִׁית בְּנֵי עַמּוֹן.

מב וְיִשְׁלַח יָדוֹ, בַּאֲרָצוֹת; וְאֶרֶץ מִצְרַיִם, לֹא תִהְיֶה לִפְלֵיטָה.

מג וּמָשַׁל, בְּמִכְמַנֵּי הַזָּהָב וְהַכֶּסֶף, וּבְכֹל, חֲמֻדוֹת מִצְרָיִם–וְלֻבִים וְכֻשִׁים, בְּמִצְעָדָיו.

מד וּשְׁמֻעוֹת יְבַהֲלֻהוּ, מִמִּזְרָח וּמִצָּפוֹן; וְיָצָא בְּחֵמָא גְדֹלָה, לְהַשְׁמִיד וּלְהַחֲרִים רַבִּים.

מה וְיִטַּע אָהֳלֵי אַפַּדְנוֹ, בֵּין יַמִּים לְהַר-צְבִי-קֹדֶשׁ; וּבָא, עַד-קִצּוֹ, וְאֵין עוֹזֵר, לוֹ.

פרק יב

א וּבָעֵת הַהִיא יַעֲמֹד מִיכָאֵל הַשַּׂר הַגָּדוֹל, הָעֹמֵד עַל-בְּנֵי עַמֶּךָ, וְהָיְתָה עֵת צָרָה, אֲשֶׁר לֹא-נִהְיְתָה מִהְיוֹת גּוֹי עַד הָעֵת הַהִיא; וּבָעֵת הַהִיא יִמָּלֵט עַמְּךָ, כָּל-הַנִּמְצָא כָּתוּב בַּסֵּפֶר.

ב וְרַבִּים, מִיְּשֵׁנֵי אַדְמַת-עָפָר יָקִיצוּ; אֵלֶּה לְחַיֵּי עוֹלָם, וְאֵלֶּה לַחֲרָפוֹת לְדִרְאוֹן עוֹלָם.  {ס}

ג וְהַמַּשְׂכִּלִים–יַזְהִרוּ, כְּזֹהַר הָרָקִיעַ; וּמַצְדִּיקֵי, הָרַבִּים, כַּכּוֹכָבִים, לְעוֹלָם וָעֶד.  {פ}

Dec 20, 2012 - Daniel    No Comments

Daniel 11:38

Play

לח וְלֶאֱלֹהַּ, מָעֻזִּים, עַל-כַּנּוֹ, יְכַבֵּד; וְלֶאֱלוֹהַּ אֲשֶׁר לֹא-יְדָעֻהוּ אֲבֹתָיו, יְכַבֵּד בְּזָהָב וּבְכֶסֶף וּבְאֶבֶן יְקָרָה–וּבַחֲמֻדוֹת

לט וְעָשָׂה לְמִבְצְרֵי מָעֻזִּים, עִם-אֱלוֹהַּ נֵכָר, אֲשֶׁר הכיר (יַכִּיר), יַרְבֶּה כָבוֹד; וְהִמְשִׁילָם, בָּרַבִּים, וַאֲדָמָה, יְחַלֵּק בִּמְחִיר.

מ וּבְעֵת קֵץ, יִתְנַגַּח עִמּוֹ מֶלֶךְ הַנֶּגֶב, וְיִשְׂתָּעֵר עָלָיו מֶלֶךְ הַצָּפוֹן בְּרֶכֶב וּבְפָרָשִׁים, וּבָאֳנִיּוֹת רַבּוֹת; וּבָא בַאֲרָצוֹת, וְשָׁטַף וְעָבָר.

Dec 19, 2012 - Daniel    No Comments

Daniel 11:36

Play

לו וְעָשָׂה כִרְצֹנוֹ הַמֶּלֶךְ, וְיִתְרוֹמֵם וְיִתְגַּדֵּל עַל-כָּל-אֵל, וְעַל אֵל אֵלִים, יְדַבֵּר נִפְלָאוֹת; וְהִצְלִיחַ עַד-כָּלָה זַעַם, כִּי נֶחֱרָצָה נֶעֱשָׂתָה.

לז וְעַל-אֱלֹהֵי אֲבֹתָיו לֹא יָבִין, וְעַל-חֶמְדַּת נָשִׁים וְעַל-כָּל-אֱלוֹהַּ לֹא יָבִין:  כִּי עַל-כֹּל, יִתְגַּדָּל.

Dec 18, 2012 - Daniel    No Comments

Daniel 11:34

Play

לד וּבְהִכָּשְׁלָם, יֵעָזְרוּ עֵזֶר מְעָט; וְנִלְווּ עֲלֵיהֶם רַבִּים, בַּחֲלַקְלַקּוֹת

לה וּמִן-הַמַּשְׂכִּילִים יִכָּשְׁלוּ, לִצְרוֹף בָּהֶם וּלְבָרֵר וְלַלְבֵּן–עַד-עֵת קֵץ:  כִּי-עוֹד, לַמּוֹעֵד.

לו וְעָשָׂה כִרְצֹנוֹ הַמֶּלֶךְ, וְיִתְרוֹמֵם וְיִתְגַּדֵּל עַל-כָּל-אֵל, וְעַל אֵל אֵלִים, יְדַבֵּר נִפְלָאוֹת; וְהִצְלִיחַ עַד-כָּלָה זַעַם, כִּי נֶחֱרָצָה נֶעֱשָׂתָה.

Dec 17, 2012 - Daniel    No Comments

Daniel 11:30

Play

ל וּבָאוּ בוֹ צִיִּים כִּתִּים, וְנִכְאָה, וְשָׁב וְזָעַם עַל-בְּרִית-קוֹדֶשׁ, וְעָשָׂה; וְשָׁב וְיָבֵן, עַל-עֹזְבֵי בְּרִית קֹדֶשׁ.

לא וּזְרֹעִים, מִמֶּנּוּ יַעֲמֹדוּ; וְחִלְּלוּ הַמִּקְדָּשׁ הַמָּעוֹז, וְהֵסִירוּ הַתָּמִיד, וְנָתְנוּ, הַשִּׁקּוּץ מְשֹׁמֵם.

לב וּמַרְשִׁיעֵי בְרִית, יַחֲנִיף בַּחֲלַקּוֹת; וְעַם יֹדְעֵי אֱלֹהָיו, יַחֲזִקוּ וְעָשׂוּ.

לג וּמַשְׂכִּילֵי עָם, יָבִינוּ לָרַבִּים; וְנִכְשְׁלוּ בְּחֶרֶב וּבְלֶהָבָה, בִּשְׁבִי וּבְבִזָּה–יָמִים.

Dec 14, 2012 - Daniel    No Comments

Daniel 11:27

Play

כז וּשְׁנֵיהֶם הַמְּלָכִים לְבָבָם לְמֵרָע, וְעַל-שֻׁלְחָן אֶחָד כָּזָב יְדַבֵּרוּ; וְלֹא תִצְלָח, כִּי-עוֹד קֵץ לַמּוֹעֵד.

כח וְיָשֹׁב אַרְצוֹ בִּרְכוּשׁ גָּדוֹל, וּלְבָבוֹ עַל-בְּרִית קֹדֶשׁ; וְעָשָׂה, וְשָׁב לְאַרְצוֹ.

כט לַמּוֹעֵד יָשׁוּב, וּבָא בַנֶּגֶב; וְלֹא-תִהְיֶה כָרִאשֹׁנָה, וְכָאַחֲרוֹנָה.

Dec 13, 2012 - Daniel    No Comments

Daniel 11:23

Play

כג וּמִן-הִתְחַבְּרוּת אֵלָיו, יַעֲשֶׂה מִרְמָה; וְעָלָה וְעָצַם, בִּמְעַט-גּוֹי.

כד בְּשַׁלְוָה וּבְמִשְׁמַנֵּי מְדִינָה, יָבוֹא, וְעָשָׂה אֲשֶׁר לֹא-עָשׂוּ אֲבֹתָיו וַאֲבוֹת אֲבֹתָיו, בִּזָּה וְשָׁלָל וּרְכוּשׁ לָהֶם יִבְזוֹר; וְעַל מִבְצָרִים יְחַשֵּׁב מַחְשְׁבֹתָיו, וְעַד-עֵת.

כה וְיָעֵר כֹּחוֹ וּלְבָבוֹ עַל-מֶלֶךְ הַנֶּגֶב, בְּחַיִל גָּדוֹל, וּמֶלֶךְ הַנֶּגֶב יִתְגָּרֶה לַמִּלְחָמָה, בְּחַיִל-גָּדוֹל וְעָצוּם עַד-מְאֹד; וְלֹא יַעֲמֹד, כִּי-יַחְשְׁבוּ עָלָיו מַחֲשָׁבוֹת.

כו וְאֹכְלֵי פַת-בָּגוֹ יִשְׁבְּרוּהוּ, וְחֵילוֹ יִשְׁטוֹף; וְנָפְלוּ, חֲלָלִים רַבִּים.

Pages:123456»