Browsing "Ezra"
Jan 18, 2013 - Ezra    No Comments

Ezra 6:1

Play

א בֵּאדַיִן דָּרְיָוֶשׁ מַלְכָּא, שָׂם טְעֵם; וּבַקַּרוּ בְּבֵית סִפְרַיָּא, דִּי גִנְזַיָּא מְהַחֲתִין תַּמָּה–בְּבָבֶל.

ב וְהִשְׁתְּכַח בְּאַחְמְתָא, בְּבִירְתָא דִּי בְּמָדַי מְדִינְתָּא–מְגִלָּה חֲדָה; וְכֵן-כְּתִיב בְּגַוַּהּ, דִּכְרוֹנָה.  {פ}

ג בִּשְׁנַת חֲדָה לְכוֹרֶשׁ מַלְכָּא, כּוֹרֶשׁ מַלְכָּא שָׂם טְעֵם–בֵּית-אֱלָהָא בִירוּשְׁלֶם בַּיְתָא יִתְבְּנֵא, אֲתַר דִּי-דָבְחִין דִּבְחִין וְאֻשּׁוֹהִי מְסוֹבְלִין; רוּמֵהּ אַמִּין שִׁתִּין, פְּתָיֵהּ אַמִּין שִׁתִּין.

ד נִדְבָּכִין דִּי-אֶבֶן גְּלָל, תְּלָתָא, וְנִדְבָּךְ, דִּי-אָע חֲדַת; וְנִפְקְתָא–מִן-בֵּית מַלְכָּא, תִּתְיְהִב.

ה וְאַף מָאנֵי בֵית-אֱלָהָא, דִּי דַהֲבָה וְכַסְפָּא, דִּי נְבוּכַדְנֶצַּר הַנְפֵּק מִן-הֵיכְלָא דִי-בִירוּשְׁלֶם, וְהֵיבֵל לְבָבֶל–יַהֲתִיבוּן, וִיהָךְ לְהֵיכְלָא דִי-בִירוּשְׁלֶם לְאַתְרֵהּ, וְתַחֵת, בְּבֵית אֱלָהָא.  {ס}

ו כְּעַן תַּתְּנַי פַּחַת עֲבַר-נַהֲרָה שְׁתַר בּוֹזְנַי, וּכְנָוָתְהוֹן, אֲפַרְסְכָיֵא, דִּי בַּעֲבַר נַהֲרָה–רַחִיקִין הֲווֹ, מִן-תַּמָּה.

ז שְׁבֻקוּ, לַעֲבִידַת בֵּית-אֱלָהָא דֵךְ; פַּחַת יְהוּדָיֵא וּלְשָׂבֵי יְהוּדָיֵא, בֵּית-אֱלָהָא דֵךְ יִבְנוֹן עַל-אַתְרֵהּ.

ח וּמִנִּי, שִׂים טְעֵם–לְמָא דִי-תַעַבְדוּן עִם-שָׂבֵי יְהוּדָיֵא אִלֵּךְ, לְמִבְנֵא בֵּית-אֱלָהָא דֵךְ; וּמִנִּכְסֵי מַלְכָּא, דִּי מִדַּת עֲבַר נַהֲרָה, אָסְפַּרְנָא נִפְקְתָא תֶּהֱוֵא מִתְיַהֲבָא לְגֻבְרַיָּא אִלֵּךְ, דִּי-לָא לְבַטָּלָא.

ט וּמָה חַשְׁחָן וּבְנֵי תוֹרִין וְדִכְרִין וְאִמְּרִין לַעֲלָוָן לֶאֱלָהּ שְׁמַיָּא חִנְטִין מְלַח חֲמַר וּמְשַׁח, כְּמֵאמַר כָּהֲנַיָּא דִי-בִירוּשְׁלֶם לֶהֱוֵא מִתְיְהֵב לְהֹם יוֹם בְּיוֹם–דִּי-לָא שָׁלוּ.

י דִּי-לֶהֱו‍ֹן מְהַקְרְבִין נִיחוֹחִין, לֶאֱלָהּ שְׁמַיָּא; וּמְצַלַּיִן, לְחַיֵּי מַלְכָּא וּבְנוֹהִי.

Jan 17, 2013 - Ezra    No Comments

Ezra 5:13

Play

יג בְּרַם בִּשְׁנַת חֲדָה, לְכוֹרֶשׁ מַלְכָּא דִּי בָבֶל–כּוֹרֶשׁ מַלְכָּא שָׂם טְעֵם, בֵּית-אֱלָהָא דְנָה לִבְּנֵא.

יד וְאַף מָאנַיָּא דִי-בֵית-אֱלָהָא, דִּי דַהֲבָה וְכַסְפָּא, דִּי נְבוּכַדְנֶצַּר הַנְפֵּק מִן-הֵיכְלָא דִּי בִירוּשְׁלֶם, וְהֵיבֵל הִמּוֹ לְהֵיכְלָא דִּי בָבֶל–הַנְפֵּק הִמּוֹ כּוֹרֶשׁ מַלְכָּא, מִן-הֵיכְלָא דִּי בָבֶל, וִיהִיבוּ לְשֵׁשְׁבַּצַּר שְׁמֵהּ, דִּי פֶחָה שָׂמֵהּ.

טו וַאֲמַר-לֵהּ–אלה (אֵל) מָאנַיָּא, שֵׂא אֵזֶל-אֲחֵת הִמּוֹ בְּהֵיכְלָא דִּי בִירוּשְׁלֶם; וּבֵית אֱלָהָא, יִתְבְּנֵא עַל-אַתְרֵהּ.  {ס}

טז אֱדַיִן, שֵׁשְׁבַּצַּר דֵּךְ, אֲתָא יְהַב אֻשַּׁיָּא דִּי-בֵית אֱלָהָא, דִּי בִירוּשְׁלֶם; וּמִן-אֱדַיִן וְעַד-כְּעַן מִתְבְּנֵא, וְלָא שְׁלִם.

יז וּכְעַן הֵן עַל-מַלְכָּא טָב, יִתְבַּקַּר בְּבֵית גִּנְזַיָּא דִּי-מַלְכָּא תַמָּה דִּי בְּבָבֶל, הֵן אִיתַי דִּי-מִן-כּוֹרֶשׁ מַלְכָּא שִׂים טְעֵם, לְמִבְנֵא בֵּית-אֱלָהָא דֵךְ בִּירוּשְׁלֶם; וּרְעוּת מַלְכָּא עַל-דְּנָה, יִשְׁלַח עֲלֶינָא.  {ס}

Jan 16, 2013 - Ezra    No Comments

Ezra 5:4

Play

ד אֱדַיִן כְּנֵמָא, אֲמַרְנָא לְּהֹם:  מַן-אִנּוּן שְׁמָהָת גֻּבְרַיָּא, דִּי-דְנָה בִנְיָנָא בָּנַיִן.

ה וְעֵין אֱלָהֲהֹם, הֲוָת עַל-שָׂבֵי יְהוּדָיֵא, וְלָא-בַטִּלוּ הִמּוֹ, עַד-טַעְמָא לְדָרְיָוֶשׁ יְהָךְ; וֶאֱדַיִן יְתִיבוּן נִשְׁתְּוָנָא, עַל-דְּנָה.  {פ}

ו פַּרְשֶׁגֶן אִגַּרְתָּא דִּי-שְׁלַח תַּתְּנַי פַּחַת עֲבַר-נַהֲרָה, וּשְׁתַר בּוֹזְנַי וּכְנָוָתֵהּ, אֲפַרְסְכָיֵא, דִּי בַּעֲבַר נַהֲרָה–עַל-דָּרְיָוֶשׁ, מַלְכָּא.

 ז פִּתְגָמָא, שְׁלַחוּ עֲלוֹהִי; וְכִדְנָה כְּתִיב בְּגַוֵּהּ, לְדָרְיָוֶשׁ מַלְכָּא שְׁלָמָא כֹלָּא.  {ס}

ח יְדִיעַ לֶהֱוֵא לְמַלְכָּא, דִּי-אֲזַלְנָא לִיהוּד מְדִינְתָּא לְבֵית אֱלָהָא רַבָּא, וְהוּא מִתְבְּנֵא אֶבֶן גְּלָל, וְאָע מִתְּשָׂם בְּכֻתְלַיָּא; וַעֲבִידְתָּא דָךְ אָסְפַּרְנָא מִתְעַבְדָא, וּמַצְלַח בְּיֶדְהֹם.  {ס}

ט אֱדַיִן, שְׁאֵלְנָא לְשָׂבַיָּא אִלֵּךְ, כְּנֵמָא, אֲמַרְנָא לְּהֹם:  מַן-שָׂם לְכֹם טְעֵם, בַּיְתָא דְנָה לְמִבְנְיָה, וְאֻשַּׁרְנָא דְנָה, לְשַׁכְלָלָה.

י וְאַף שְׁמָהָתְהֹם שְׁאֵלְנָא לְהֹם, לְהוֹדָעוּתָךְ–דִּי נִכְתֻּב שֻׁם-גֻּבְרַיָּא, דִּי בְרָאשֵׁיהֹם.  {ס}

יא וּכְנֵמָא פִתְגָמָא, הֲתִיבוּנָא לְמֵמַר:  אֲנַחְנָא הִמּוֹ עַבְדוֹהִי דִי-אֱלָהּ שְׁמַיָּא וְאַרְעָא, וּבָנַיִן בַּיְתָא דִּי-הֲוָא בְנֵה מִקַּדְמַת דְּנָה שְׁנִין שַׂגִּיאָן, וּמֶלֶךְ לְיִשְׂרָאֵל רַב, בְּנָהִי וְשַׁכְלְלֵהּ.

יב לָהֵן, מִן-דִּי הַרְגִּזוּ אֲבָהָתַנָא לֶאֱלָהּ שְׁמַיָּא–יְהַב הִמּוֹ, בְּיַד נְבוּכַדְנֶצַּר מֶלֶךְ-בָּבֶל כסדיא (כַּסְדָּאָה); וּבַיְתָה דְנָה סַתְרֵהּ, וְעַמָּה הַגְלִי לְבָבֶל.  {ס}

Jan 15, 2013 - Ezra    No Comments

Ezra 5:1

Play

א וְהִתְנַבִּי חַגַּי נְבִיָּאה, וּזְכַרְיָה בַר-עִדּוֹא נְבִיַּאיָּא, עַל-יְהוּדָיֵא, דִּי בִיהוּד וּבִירוּשְׁלֶם–בְּשֻׁם אֱלָהּ יִשְׂרָאֵל, עֲלֵיהוֹן.  {ס}

ב בֵּאדַיִן קָמוּ זְרֻבָּבֶל בַּר-שְׁאַלְתִּיאֵל, וְיֵשׁוּעַ בַּר-יוֹצָדָק, וְשָׁרִיו לְמִבְנֵא, בֵּית אֱלָהָא דִּי בִירוּשְׁלֶם; וְעִמְּהוֹן נְבִיַּאיָּא דִי-אֱלָהָא, מְסָעֲדִין לְהוֹן.  {פ}

ג בֵּהּ-זִמְנָא אֲתָה עֲלֵיהוֹן תַּתְּנַי פַּחַת עֲבַר-נַהֲרָה, וּשְׁתַר בּוֹזְנַי–וּכְנָוָתְהוֹן; וְכֵן, אָמְרִין לְהֹם–מַן-שָׂם לְכֹם טְעֵם בַּיְתָא דְנָה לִבְּנֵא, וְאֻשַּׁרְנָא דְנָה לְשַׁכְלָלָה.  {ס}

Jan 14, 2013 - Ezra    No Comments

Ezra 4:18

Play

יח נִשְׁתְּוָנָא, דִּי שְׁלַחְתּוּן עֲלֶינָא–מְפָרַשׁ קֱרִי, קָדָמָי.

יט וּמִנִּי, שִׂים טְעֵם, וּבַקַּרוּ וְהַשְׁכַּחוּ, דִּי קִרְיְתָא דָךְ מִן-יוֹמָת עָלְמָא עַל-מַלְכִין מִתְנַשְּׂאָה; וּמְרַד וְאֶשְׁתַּדּוּר, מִתְעֲבֶד-בַּהּ.

כ וּמַלְכִין תַּקִּיפִין, הֲווֹ עַל-יְרוּשְׁלֶם, וְשַׁלִּיטִין, בְּכֹל עֲבַר נַהֲרָה; וּמִדָּה בְלוֹ וַהֲלָךְ, מִתְיְהֵב לְהוֹן.

כא כְּעַן שִׂימוּ טְּעֵם, לְבַטָּלָא גֻּבְרַיָּא אִלֵּךְ; וְקִרְיְתָא דָךְ לָא תִתְבְּנֵא, עַד-מִנִּי טַעְמָא יִתְּשָׂם.

כב וּזְהִירִין הֱווֹ שָׁלוּ, לְמֶעְבַּד עַל-דְּנָה; לְמָה יִשְׂגֵּא חֲבָלָא, לְהַנְזָקַת מַלְכִין.  {ס}

כג אֱדַיִן, מִן-דִּי פַּרְשֶׁגֶן נִשְׁתְּוָנָא דִּי אַרְתַּחְשַׁשְׂתְּא מַלְכָּא, קֱרִי קֳדָם-רְחוּם וְשִׁמְשַׁי סָפְרָא, וּכְנָוָתְהוֹן; אֲזַלוּ בִבְהִילוּ לִירוּשְׁלֶם עַל-יְהוּדָיֵא, וּבַטִּלוּ הִמּוֹ בְּאֶדְרָע וְחָיִל.  {ס}

כד בֵּאדַיִן, בְּטֵלַת עֲבִידַת בֵּית-אֱלָהָא, דִּי, בִּירוּשְׁלֶם; וַהֲוָת, בָּטְלָא, עַד שְׁנַת תַּרְתֵּין, לְמַלְכוּת דָּרְיָוֶשׁ מֶלֶךְ-פָּרָס.  {פ}

Jan 11, 2013 - Ezra    No Comments

Ezra 4:11

Play

יא דְּנָה, פַּרְשֶׁגֶן אִגַּרְתָּא, דִּי שְׁלַחוּ עֲלוֹהִי, עַל-אַרְתַּחְשַׁשְׂתְּא מַלְכָּא–עבדיך (עַבְדָךְ) אֱנָשׁ עֲבַר-נַהֲרָה, וּכְעֶנֶת.  {פ}

יב יְדִיעַ, לֶהֱוֵא לְמַלְכָּא, דִּי יְהוּדָיֵא דִּי סְלִקוּ מִן-לְוָתָךְ, עֲלֶינָא אֲתוֹ לִירוּשְׁלֶם; קִרְיְתָא מָרָדְתָּא וּבִאישְׁתָּא, בָּנַיִן, ושורי אשכללו (וְשׁוּרַיָּא שַׁכְלִלוּ), וְאֻשַּׁיָּא יַחִיטוּ.

יג כְּעַן, יְדִיעַ לֶהֱוֵא לְמַלְכָּא, דִּי הֵן קִרְיְתָא דָךְ תִּתְבְּנֵא, וְשׁוּרַיָּא יִשְׁתַּכְלְלוּן–מִנְדָּה-בְלוֹ וַהֲלָךְ לָא יִנְתְּנוּן, וְאַפְּתֹם מַלְכִים תְּהַנְזִק.

יד כְּעַן, כָּל-קֳבֵל דִּי-מְלַח הֵיכְלָא מְלַחְנָא, וְעַרְוַת מַלְכָּא, לָא אֲרִיךְ-לַנָא לְמֶחֱזֵא; עַל-דְּנָה–שְׁלַחְנָא, וְהוֹדַעְנָא לְמַלְכָּא.

טו דִּי יְבַקַּר בִּסְפַר-דָּכְרָנַיָּא דִּי אֲבָהָתָךְ, וּתְהַשְׁכַּח בִּסְפַר דָּכְרָנַיָּא וְתִנְדַּע, דִּי קִרְיְתָא דָךְ קִרְיָא מָרָדָא וּמְהַנְזְקַת מַלְכִין וּמְדִנָן, וְאֶשְׁתַּדּוּר עָבְדִין בְּגַוַּהּ מִן-יוֹמָת עָלְמָא; עַל-דְּנָה–קִרְיְתָא דָךְ, הָחָרְבַת.

טז מְהוֹדְעִין אֲנַחְנָה, לְמַלְכָּא, דִּי הֵן קִרְיְתָא דָךְ תִּתְבְּנֵא, וְשׁוּרַיָּה יִשְׁתַּכְלְלוּן:  לָקֳבֵל דְּנָה–חֲלָק בַּעֲבַר נַהֲרָא, לָא אִיתַי לָךְ.  {פ}

יז פִּתְגָמָא שְׁלַח מַלְכָּא, עַל-רְחוּם בְּעֵל-טְעֵם וְשִׁמְשַׁי סָפְרָא, וּשְׁאָר כְּנָוָתְהוֹן, דִּי יָתְבִין בְּשָׁמְרָיִן–וּשְׁאָר עֲבַר-נַהֲרָה שְׁלָם, וּכְעֶת.  {ס}

Jan 9, 2013 - Ezra    No Comments

Ezra 4:8

Play

ח רְחוּם בְּעֵל-טְעֵם, וְשִׁמְשַׁי סָפְרָא, כְּתַבוּ אִגְּרָה חֲדָה, עַל-יְרוּשְׁלֶם–לְאַרְתַּחְשַׁשְׂתְּא מַלְכָּא, כְּנֵמָא.

ט אֱדַיִן רְחוּם בְּעֵל-טְעֵם, וְשִׁמְשַׁי סָפְרָא, וּשְׁאָר, כְּנָוָתְהוֹן–דִּינָיֵא וַאֲפַרְסַתְכָיֵא טַרְפְּלָיֵא אֲפָרְסָיֵא, ארכוי (אַרְכְּוָיֵא) בָבְלָיֵא שׁוּשַׁנְכָיֵא, דהוא (דֶּהָיֵא), עֵלְמָיֵא.

י וּשְׁאָר אֻמַּיָּא, דִּי הַגְלִי אָסְנַפַּר רַבָּא וְיַקִּירָא, וְהוֹתֵב הִמּוֹ, בְּקִרְיָה דִּי שָׁמְרָיִן–וּשְׁאָר עֲבַר-נַהֲרָה, וּכְעֶנֶת.

Jan 8, 2013 - Ezra    No Comments

Ezra 4:1

Play

א וַיִּשְׁמְעוּ, צָרֵי יְהוּדָה וּבִנְיָמִן:  כִּי-בְנֵי הַגּוֹלָה בּוֹנִים הֵיכָל, לַיהוָה אֱלֹהֵי יִשְׂרָאֵל.

ב וַיִּגְּשׁוּ אֶל-זְרֻבָּבֶל וְאֶל-רָאשֵׁי הָאָבוֹת, וַיֹּאמְרוּ לָהֶם נִבְנֶה עִמָּכֶם–כִּי כָכֶם, נִדְרוֹשׁ לֵאלֹהֵיכֶם; ולא (וְלוֹ) אֲנַחְנוּ זֹבְחִים, מִימֵי אֵסַר חַדֹּן מֶלֶךְ אַשּׁוּר, הַמַּעֲלֶה אֹתָנוּ, פֹּה.

ג וַיֹּאמֶר לָהֶם זְרֻבָּבֶל וְיֵשׁוּעַ, וּשְׁאָר רָאשֵׁי הָאָבוֹת לְיִשְׂרָאֵל–לֹא-לָכֶם וָלָנוּ, לִבְנוֹת בַּיִת לֵאלֹהֵינוּ:  כִּי אֲנַחְנוּ יַחַד נִבְנֶה, לַיהוָה אֱלֹהֵי יִשְׂרָאֵל, כַּאֲשֶׁר צִוָּנוּ, הַמֶּלֶךְ כּוֹרֶשׁ מֶלֶךְ-פָּרָס.

ד וַיְהִי, עַם-הָאָרֶץ–מְרַפִּים, יְדֵי עַם-יְהוּדָה; ומבלהים (וּמְבַהֲלִים) אוֹתָם, לִבְנוֹת.

ה וְסֹכְרִים עֲלֵיהֶם יוֹעֲצִים, לְהָפֵר עֲצָתָם–כָּל-יְמֵי, כּוֹרֶשׁ מֶלֶךְ פָּרַס, וְעַד-מַלְכוּת, דָּרְיָוֶשׁ מֶלֶךְ-פָּרָס.

ו וּבְמַלְכוּת, אֲחַשְׁוֵרוֹשׁ, בִּתְחִלַּת, מַלְכוּתוֹ–כָּתְבוּ שִׂטְנָה, עַל-יֹשְׁבֵי יְהוּדָה וִירוּשָׁלִָם.  {ס}

ז וּבִימֵי אַרְתַּחְשַׁשְׂתָּא, כָּתַב בִּשְׁלָם מִתְרְדָת טָבְאֵל וּשְׁאָר כְּנָו‍ֹתָו, עַל-אַרְתַּחְשַׁשְׂתְּא, מֶלֶךְ פָּרָס; וּכְתָב, הַנִּשְׁתְּוָן, כָּתוּב אֲרָמִית, וּמְתֻרְגָּם אֲרָמִית.  {פ}

Jan 7, 2013 - Ezra    No Comments

Ezra 3:8

Play

ח וּבַשָּׁנָה הַשֵּׁנִית, לְבוֹאָם אֶל-בֵּית הָאֱלֹהִים לִירוּשָׁלִַם, בַּחֹדֶשׁ, הַשֵּׁנִי–הֵחֵלּוּ זְרֻבָּבֶל בֶּן-שְׁאַלְתִּיאֵל וְיֵשׁוּעַ בֶּן-יוֹצָדָק וּשְׁאָר אֲחֵיהֶם הַכֹּהֲנִים וְהַלְוִיִּם, וְכָל-הַבָּאִים מֵהַשְּׁבִי יְרוּשָׁלִַם, וַיַּעֲמִידוּ אֶת-הַלְוִיִּם מִבֶּן עֶשְׂרִים שָׁנָה וָמַעְלָה, לְנַצֵּחַ עַל-מְלֶאכֶת בֵּית-יְהוָה.  {פ}

ט וַיַּעֲמֹד יֵשׁוּעַ בָּנָיו וְאֶחָיו קַדְמִיאֵל וּבָנָיו בְּנֵי-יְהוּדָה, כְּאֶחָד, לְנַצֵּחַ עַל-עֹשֵׂה הַמְּלָאכָה, בְּבֵית הָאֱלֹהִים:  {ס}  בְּנֵי, חֵנָדָד, בְּנֵיהֶם וַאֲחֵיהֶם, הַלְוִיִּם.

י וְיִסְּדוּ הַבֹּנִים, אֶת-הֵיכַל יְהוָה; וַיַּעֲמִידוּ הַכֹּהֲנִים מְלֻבָּשִׁים בַּחֲצֹצְרוֹת, וְהַלְוִיִּם בְּנֵי-אָסָף בַּמְצִלְתַּיִם–לְהַלֵּל אֶת-יְהוָה, עַל-יְדֵי דָּוִיד מֶלֶךְ-יִשְׂרָאֵל.

יא וַיַּעֲנוּ בְּהַלֵּל וּבְהוֹדֹת לַיהוָה, כִּי טוֹב–כִּי-לְעוֹלָם חַסְדּוֹ, עַל-יִשְׂרָאֵל; וְכָל-הָעָם הֵרִיעוּ תְרוּעָה גְדוֹלָה בְהַלֵּל, לַיהוָה, עַל, הוּסַד בֵּית-יְהוָה.  {ס}

יב וְרַבִּים מֵהַכֹּהֲנִים וְהַלְוִיִּם וְרָאשֵׁי הָאָבוֹת הַזְּקֵנִים, אֲשֶׁר רָאוּ אֶת-הַבַּיִת הָרִאשׁוֹן בְּיָסְדוֹ–זֶה הַבַּיִת בְּעֵינֵיהֶם, בֹּכִים בְּקוֹל גָּדוֹל; וְרַבִּים בִּתְרוּעָה בְשִׂמְחָה, לְהָרִים קוֹל.

יג וְאֵין הָעָם, מַכִּירִים קוֹל תְּרוּעַת הַשִּׂמְחָה, לְקוֹל, בְּכִי הָעָם:  כִּי הָעָם, מְרִיעִים תְּרוּעָה גְדוֹלָה, וְהַקּוֹל נִשְׁמַע, עַד-לְמֵרָחוֹק.  {פ}

Jan 4, 2013 - Ezra    No Comments

Ezra 2:66

Play

סו סוּסֵיהֶם, שְׁבַע מֵאוֹת שְׁלֹשִׁים וְשִׁשָּׁה; פִּרְדֵיהֶם, מָאתַיִם אַרְבָּעִים וַחֲמִשָּׁה.

סז גְּמַלֵּיהֶם–אַרְבַּע מֵאוֹת, שְׁלֹשִׁים וַחֲמִשָּׁה; חֲמֹרִים–שֵׁשֶׁת אֲלָפִים, שְׁבַע מֵאוֹת וְעֶשְׂרִים.  {פ}

סח וּמֵרָאשֵׁי, הָאָבוֹת, בְּבוֹאָם, לְבֵית יְהוָה אֲשֶׁר בִּירוּשָׁלִָם–הִתְנַדְּבוּ לְבֵית הָאֱלֹהִים, לְהַעֲמִידוֹ עַל-מְכוֹנוֹ.

סט כְּכֹחָם, נָתְנוּ לְאוֹצַר הַמְּלָאכָה, זָהָב דַּרְכְּמוֹנִים שֵׁשׁ-רִבֹּאות וָאֶלֶף,  {ס}  וְכֶסֶף מָנִים חֲמֵשֶׁת אֲלָפִים; וְכָתְנֹת כֹּהֲנִים, מֵאָה.  {ס}

ע וַיֵּשְׁבוּ הַכֹּהֲנִים וְהַלְוִיִּם וּמִן-הָעָם וְהַמְשֹׁרְרִים וְהַשּׁוֹעֲרִים, וְהַנְּתִינִים–בְּעָרֵיהֶם; וְכָל-יִשְׂרָאֵל, בְּעָרֵיהֶם.  {ס}

פרק ג

א וַיִּגַּע הַחֹדֶשׁ הַשְּׁבִיעִי, וּבְנֵי יִשְׂרָאֵל בֶּעָרִים;  {ס}  וַיֵּאָסְפוּ הָעָם כְּאִישׁ אֶחָד, אֶל-יְרוּשָׁלִָם.  {ס}

ב וַיָּקָם יֵשׁוּעַ בֶּן-יוֹצָדָק וְאֶחָיו הַכֹּהֲנִים, וּזְרֻבָּבֶל בֶּן-שְׁאַלְתִּיאֵל וְאֶחָיו, וַיִּבְנוּ, אֶת-מִזְבַּח אֱלֹהֵי יִשְׂרָאֵל–לְהַעֲלוֹת עָלָיו, עֹלוֹת, כַּכָּתוּב, בְּתוֹרַת מֹשֶׁה אִישׁ-הָאֱלֹהִים.

ג וַיָּכִינוּ הַמִּזְבֵּחַ, עַל-מְכוֹנֹתָיו, כִּי בְּאֵימָה עֲלֵיהֶם, מֵעַמֵּי הָאֲרָצוֹת; ויעל (וַיַּעֲלוּ) עָלָיו עֹלוֹת לַיהוָה, עֹלוֹת לַבֹּקֶר וְלָעָרֶב.

ד וַיַּעֲשׂוּ אֶת-חַג הַסֻּכּוֹת, כַּכָּתוּב; וְעֹלַת יוֹם בְּיוֹם בְּמִסְפָּר, כְּמִשְׁפַּט דְּבַר-יוֹם בְּיוֹמוֹ.

ה וְאַחֲרֵי-כֵן עֹלַת תָּמִיד, וְלֶחֳדָשִׁים, וּלְכָל-מוֹעֲדֵי יְהוָה, הַמְקֻדָּשִׁים; וּלְכֹל מִתְנַדֵּב נְדָבָה, לַיהוָה.

ו מִיּוֹם אֶחָד, לַחֹדֶשׁ הַשְּׁבִיעִי, הֵחֵלּוּ, לְהַעֲלוֹת עֹלוֹת לַיהוָה; וְהֵיכַל יְהוָה, לֹא יֻסָּד.

ז וַיִּתְּנוּ-כֶסֶף–לַחֹצְבִים, וְלֶחָרָשִׁים; וּמַאֲכָל וּמִשְׁתֶּה וָשֶׁמֶן, לַצִּדֹנִים וְלַצֹּרִים, לְהָבִיא עֲצֵי אֲרָזִים מִן-הַלְּבָנוֹן אֶל-יָם יָפוֹא, כְּרִשְׁיוֹן כּוֹרֶשׁ מֶלֶךְ-פָּרַס עֲלֵיהֶם.  {פ}

Pages:«1234»