Browsing "Iyov"
Jul 25, 2014 - Iyov    No Comments

Iyov 37:17

Play

יז  אֲשֶׁר-בְּגָדֶיךָ חַמִּים–    בְּהַשְׁקִט אֶרֶץ, מִדָּרוֹם.

יח  תַּרְקִיעַ עִמּוֹ, לִשְׁחָקִים;    חֲזָקִים, כִּרְאִי מוּצָק.

יט  הוֹדִיעֵנוּ, מַה-נֹּאמַר לוֹ;    לֹא-נַעֲרֹךְ, מִפְּנֵי-חֹשֶׁךְ.

כ  הַיְסֻפַּר-לוֹ, כִּי אֲדַבֵּר;    אִם-אָמַר אִישׁ, כִּי יְבֻלָּע.

כא  וְעַתָּה, לֹא רָאוּ אוֹר–    בָּהִיר הוּא, בַּשְּׁחָקִים;  וְרוּחַ עָבְרָה,    וַתְּטַהֲרֵם.

כב  מִצָּפוֹן, זָהָב יֶאֱתֶה;    עַל-אֱלוֹהַּ, נוֹרָא הוֹד.

VN:F [1.9.21_1169]
Rating: 5.0/5 (1 vote cast)
Jul 24, 2014 - Iyov    No Comments

Iyov 37:8

Play

ח  וַתָּבוֹא חַיָּה בְמוֹ-אָרֶב;    וּבִמְעוֹנֹתֶיהָ תִשְׁכֹּן.

ט  מִן-הַחֶדֶר, תָּבוֹא סוּפָה;    וּמִמְּזָרִים קָרָה.

י  מִנִּשְׁמַת-אֵל יִתֶּן-קָרַח;    וְרֹחַב מַיִם בְּמוּצָק.

יא  אַף-בְּרִי, יַטְרִיחַ עָב;    יָפִיץ, עֲנַן אוֹרוֹ.

יב  וְהוּא מְסִבּוֹת, מִתְהַפֵּךְ בְּתַחְבּוּלֹתָו    לְפָעֳלָם:   כֹּל אֲשֶׁר יְצַוֵּם,    עַל-פְּנֵי תֵבֵל אָרְצָה.

יג  אִם-לְשֵׁבֶט אִם-לְאַרְצוֹ–    אִם-לְחֶסֶד, יַמְצִאֵהוּ.

יד  הַאֲזִינָה זֹּאת אִיּוֹב;    עֲמֹד, וְהִתְבּוֹנֵן נִפְלְאוֹת אֵל.

טו  הֲתֵדַע, בְּשׂוּם-אֱלוֹהַּ עֲלֵיהֶם;    וְהֹפִיעַ, אוֹר עֲנָנוֹ.

טז  הֲתֵדַע, עַל-מִפְלְשֵׂי-עָב;    מִפְלְאוֹת, תְּמִים דֵּעִים.

VN:F [1.9.21_1169]
Rating: 5.0/5 (1 vote cast)
Jul 22, 2014 - Iyov    No Comments

Iyov 37:1

Play

א  אַף-לְזֹאת, יֶחֱרַד לִבִּי;    וְיִתַּר, מִמְּקוֹמוֹ.

ב  שִׁמְעוּ שָׁמוֹעַ בְּרֹגֶז קֹלוֹ;    וְהֶגֶה, מִפִּיו יֵצֵא.

ג  תַּחַת-כָּל-הַשָּׁמַיִם יִשְׁרֵהוּ;    וְאוֹרוֹ, עַל-כַּנְפוֹת הָאָרֶץ.

ד  אַחֲרָיו, יִשְׁאַג-קוֹל–    יַרְעֵם, בְּקוֹל גְּאוֹנוֹ;  וְלֹא יְעַקְּבֵם,    כִּי-יִשָּׁמַע קוֹלוֹ.

ה  יַרְעֵם אֵל בְּקוֹלוֹ, נִפְלָאוֹת;    עֹשֶׂה גְדֹלוֹת, וְלֹא נֵדָע.

ו  כִּי לַשֶּׁלֶג, יֹאמַר–    הֱוֵא-אָרֶץ:   וְגֶשֶׁם מָטָר;    וְגֶשֶׁם, מִטְרוֹת עֻזּוֹ.

ז  בְּיַד-כָּל-אָדָם יַחְתּוֹם–    לָדַעַת, כָּל-אַנְשֵׁי מַעֲשֵׂהוּ.

VN:F [1.9.21_1169]
Rating: 5.0/5 (1 vote cast)
Jul 21, 2014 - Iyov    No Comments

Iyov 36:29

Play

כט  אַף אִם-יָבִין, מִפְרְשֵׂי-עָב;    תְּשֻׁאוֹת, סֻכָּתוֹ.

ל  הֵן-פָּרַשׂ עָלָיו אוֹרוֹ;    וְשָׁרְשֵׁי הַיָּם כִּסָּה.

לא  כִּי-בָם, יָדִין עַמִּים;    יִתֶּן-אֹכֶל לְמַכְבִּיר.

לב  עַל-כַּפַּיִם כִּסָּה-אוֹר;    וַיְצַו עָלֶיהָ בְמַפְגִּיעַ.

לג  יַגִּיד עָלָיו רֵעוֹ;    מִקְנֶה, אַף עַל-עוֹלֶה.

VN:F [1.9.21_1169]
Rating: 5.0/5 (1 vote cast)
Jul 21, 2014 - Iyov    No Comments

Iyov 36:21

Play

כא  הִשָּׁמֶר, אַל-תֵּפֶן אֶל-אָוֶן:    כִּי-עַל-זֶה, בָּחַרְתָּ מֵעֹנִי.

כב  הֶן-אֵל, יַשְׂגִּיב בְּכֹחוֹ;    מִי כָמֹהוּ מוֹרֶה.

כג  מִי-פָקַד עָלָיו דַּרְכּוֹ;    וּמִי-אָמַר, פָּעַלְתָּ עַוְלָה.

כד  זְכֹר, כִּי-תַשְׂגִּיא פָעֳלוֹ–    אֲשֶׁר שֹׁרְרוּ אֲנָשִׁים.

כה  כָּל-אָדָם חָזוּ-בוֹ;    אֱנוֹשׁ, יַבִּיט מֵרָחוֹק.

כו  הֶן-אֵל שַׂגִּיא, וְלֹא נֵדָע;    מִסְפַּר שָׁנָיו וְלֹא-חֵקֶר.

כז  כִּי, יְגָרַע נִטְפֵי-מָיִם;    יָזֹקּוּ מָטָר לְאֵדוֹ.

כח  אֲשֶׁר-יִזְּלוּ שְׁחָקִים;    יִרְעֲפוּ, עֲלֵי אָדָם רָב.

VN:F [1.9.21_1169]
Rating: 5.0/5 (1 vote cast)
Jul 18, 2014 - Iyov    No Comments

Iyov 36:14

Play

יד  תָּמֹת בַּנֹּעַר נַפְשָׁם;    וְחַיָּתָם, בַּקְּדֵשִׁים.

טו  יְחַלֵּץ עָנִי בְעָנְיוֹ;    וְיִגֶל בַּלַּחַץ אָזְנָם.

טז  וְאַף הֲסִיתְךָ, מִפִּי-צָר–    רַחַב, לֹא-מוּצָק תַּחְתֶּיהָ;  וְנַחַת שֻׁלְחָנְךָ,    מָלֵא דָשֶׁן.

יז  וְדִין-רָשָׁע מָלֵאתָ;    דִּין וּמִשְׁפָּט יִתְמֹכוּ.

יח  כִּי-חֵמָה, פֶּן-יְסִיתְךָ בְסָפֶק;    וְרָב-כֹּפֶר, אַל-יַטֶּךָּ.

יט  הֲיַעֲרֹךְ שׁוּעֲךָ, לֹא בְצָר;    וְכֹל, מַאֲמַצֵּי-כֹחַ.

כ  אַל-תִּשְׁאַף הַלָּיְלָה–    לַעֲלוֹת עַמִּים תַּחְתָּם.

VN:F [1.9.21_1169]
Rating: 5.0/5 (1 vote cast)
Jul 17, 2014 - Iyov    No Comments

Iyov 36:5

Play

ה  הֶן-אֵל כַּבִּיר, וְלֹא יִמְאָס:    כַּבִּיר, כֹּחַ לֵב.

ו  לֹא-יְחַיֶּה רָשָׁע;    וּמִשְׁפַּט עֲנִיִּים יִתֵּן.

ז  לֹא-יִגְרַע מִצַּדִּיק,    עֵינָיו:  וְאֶת-מְלָכִים לַכִּסֵּא;    וַיֹּשִׁיבֵם לָנֶצַח, וַיִּגְבָּהוּ.

ח  וְאִם-אֲסוּרִים בַּזִּקִּים;    יִלָּכְדוּן, בְּחַבְלֵי-עֹנִי.

ט  וַיַּגֵּד לָהֶם פָּעֳלָם;    וּפִשְׁעֵיהֶם, כִּי יִתְגַּבָּרוּ.

י  וַיִּגֶל אָזְנָם, לַמּוּסָר;    וַיֹּאמֶר, כִּי-יְשׁוּבוּן מֵאָוֶן.

יא  אִם-יִשְׁמְעוּ, וְיַעֲבֹדוּ:    יְכַלּוּ יְמֵיהֶם בַּטּוֹב; וּשְׁנֵיהֶם, בַּנְּעִימִים.

יב  וְאִם-לֹא יִשְׁמְעוּ, בְּשֶׁלַח יַעֲבֹרוּ;    וְיִגְוְעוּ, בִּבְלִי-דָעַת.

יג  וְחַנְפֵי-לֵב, יָשִׂימוּ אָף;    לֹא יְשַׁוְּעוּ, כִּי אֲסָרָם.

VN:F [1.9.21_1169]
Rating: 5.0/5 (1 vote cast)
Jul 16, 2014 - Iyov    No Comments

Iyov 35:16

Play

טז  וְאִיּוֹב, הֶבֶל יִפְצֶה-פִּיהוּ;    בִּבְלִי-דַעַת, מִלִּין יַכְבִּר.

פרק לו

א  וַיֹּסֶף אֱלִיהוּא, וַיֹּאמַר.

ב  כַּתַּר-לִי זְעֵיר, וַאֲחַוֶּךָּ:    כִּי עוֹד לֶאֱלוֹהַּ מִלִּים.

ג  אֶשָּׂא דֵעִי, לְמֵרָחוֹק;    וּלְפֹעֲלִי, אֶתֵּן-צֶדֶק.

ד  כִּי-אָמְנָם, לֹא-שֶׁקֶר מִלָּי;    תְּמִים דֵּעוֹת עִמָּךְ.

VN:F [1.9.21_1169]
Rating: 5.0/5 (1 vote cast)
Jul 15, 2014 - Iyov    No Comments

Iyov 35:9

Play

ט  מֵרֹב, עֲשׁוּקִים יַזְעִיקוּ;    יְשַׁוְּעוּ מִזְּרוֹעַ רַבִּים.

י  וְלֹא-אָמַר–אַיֵּה, אֱלוֹהַּ עֹשָׂי:    נֹתֵן זְמִרוֹת בַּלָּיְלָה.

יא  מַלְּפֵנוּ, מִבַּהֲמוֹת אָרֶץ;    וּמֵעוֹף הַשָּׁמַיִם יְחַכְּמֵנוּ.

יב  שָׁם יִצְעֲקוּ, וְלֹא יַעֲנֶה–    מִפְּנֵי, גְּאוֹן רָעִים.

יג  אַךְ-שָׁוְא, לֹא-יִשְׁמַע אֵל;    וְשַׁדַּי, לֹא יְשׁוּרֶנָּה.

יד  אַף כִּי-תֹאמַר, לֹא תְשׁוּרֶנּוּ;    דִּין לְפָנָיו, וּתְחוֹלֵל לוֹ.

טו  וְעַתָּה–כִּי-אַיִן, פָּקַד אַפּוֹ;    וְלֹא-יָדַע בַּפַּשׁ מְאֹד.

טז  וְאִיּוֹב, הֶבֶל יִפְצֶה-פִּיהוּ;    בִּבְלִי-דַעַת, מִלִּין יַכְבִּר.

VN:F [1.9.21_1169]
Rating: 5.0/5 (1 vote cast)
Jul 14, 2014 - Iyov    No Comments

Iyov 34:37

Play

לז  כִּי יֹסִיף עַל-חַטָּאתוֹ פֶשַׁע, בֵּינֵינוּ יִשְׂפּוֹק;    וְיֶרֶב אֲמָרָיו לָאֵל.

פרק לה

א   וַיַּעַן אֱלִיהוּ, וַיֹּאמַר.

ב  הֲזֹאת, חָשַׁבְתָּ לְמִשְׁפָּט;    אָמַרְתָּ, צִדְקִי מֵאֵל.

ג  כִּי-תֹאמַר, מַה-יִּסְכָּן-לָךְ;    מָה-אֹעִיל, מֵחַטָּאתִי.

ד  אֲנִי, אֲשִׁיבְךָ מִלִּין–    וְאֶת-רֵעֶיךָ עִמָּךְ.

ה  הַבֵּט שָׁמַיִם וּרְאֵה;    וְשׁוּר שְׁחָקִים, גָּבְהוּ מִמֶּךָּ.

ו  אִם-חָטָאתָ, מַה-תִּפְעָל-בּוֹ;    וְרַבּוּ פְשָׁעֶיךָ, מַה-תַּעֲשֶׂה-לּוֹ.

ז  אִם-צָדַקְתָּ, מַה-תִּתֶּן-לוֹ;    אוֹ מַה-מִּיָּדְךָ יִקָּח.

ח  לְאִישׁ-כָּמוֹךָ רִשְׁעֶךָ;    וּלְבֶן-אָדָם, צִדְקָתֶךָ.

VN:F [1.9.21_1169]
Rating: 5.0/5 (1 vote cast)
Pages:«1234567...12»