Browsing "Iyov"
Jul 11, 2014 - Iyov    No Comments

Iyov 34:30

Play

ל  מִמְּלֹךְ, אָדָם חָנֵף–    מִמֹּקְשֵׁי עָם.

לא  כִּי-אֶל-אֵל, הֶאָמַר נָשָׂאתִי–    לֹא אֶחְבֹּל.

לב  בִּלְעֲדֵי אֶחֱזֶה, אַתָּה הֹרֵנִי;    אִם-עָוֶל פָּעַלְתִּי, לֹא אֹסִיף.

לג  הֲמֵעִמְּךָ יְשַׁלְּמֶנָּה, כִּי-מָאַסְתָּ–כִּי-אַתָּה תִבְחַר וְלֹא-אָנִי;    וּמַה-יָּדַעְתָּ דַבֵּר.

לד  אַנְשֵׁי לֵבָב, יֹאמְרוּ לִי;    וְגֶבֶר חָכָם, שֹׁמֵעַ לִי.

לה  אִיּוֹב, לֹא-בְדַעַת יְדַבֵּר;    וּדְבָרָיו, לֹא בְהַשְׂכֵּיל.

לו  אָבִי–יִבָּחֵן אִיּוֹב עַד-נֶצַח:    עַל-תְּשֻׁבֹת, בְּאַנְשֵׁי-אָוֶן.

לז  כִּי יֹסִיף עַל-חַטָּאתוֹ פֶשַׁע, בֵּינֵינוּ יִשְׂפּוֹק;    וְיֶרֶב אֲמָרָיו לָאֵל.

VN:F [1.9.21_1169]
Rating: 5.0/5 (1 vote cast)
Jul 10, 2014 - Iyov    No Comments

Iyov 34:17

Play

יז  הַאַף שׂוֹנֵא מִשְׁפָּט יַחֲבוֹשׁ;    וְאִם-צַדִּיק כַּבִּיר תַּרְשִׁיעַ.

יח  הַאֲמֹר לְמֶלֶךְ בְּלִיָּעַל–    רָשָׁע, אֶל-נְדִיבִים.

יט  אֲשֶׁר לֹא-נָשָׂא, פְּנֵי שָׂרִים,    וְלֹא נִכַּר-שׁוֹעַ, לִפְנֵי-דָל:  כִּי-מַעֲשֵׂה יָדָיו    כֻּלָּם.

כ  רֶגַע, יָמֻתוּ–    וַחֲצוֹת לָיְלָה: יְגֹעֲשׁוּ עָם וְיַעֲבֹרוּ;    וְיָסִירוּ אַבִּיר, לֹא בְיָד.

כא  כִּי-עֵינָיו, עַל-דַּרְכֵי-אִישׁ;    וְכָל-צְעָדָיו יִרְאֶה.

כב  אֵין-חֹשֶׁךְ, וְאֵין צַלְמָוֶת–    לְהִסָּתֶר שָׁם, פֹּעֲלֵי אָוֶן.

כג  כִּי לֹא עַל-אִישׁ, יָשִׂים עוֹד–    לַהֲלֹךְ אֶל-אֵל, בַּמִּשְׁפָּט.

כד  יָרֹעַ כַּבִּירִים לֹא-חֵקֶר;    וַיַּעֲמֵד אֲחֵרִים תַּחְתָּם.

כה  לָכֵן–יַכִּיר, מַעְבָּדֵיהֶם;    וְהָפַךְ לַיְלָה, וְיִדַּכָּאוּ.

כו  תַּחַת-רְשָׁעִים סְפָקָם–    בִּמְקוֹם רֹאִים.

כז  אֲשֶׁר עַל-כֵּן, סָרוּ מֵאַחֲרָיו;    וְכָל-דְּרָכָיו, לֹא הִשְׂכִּילוּ.

כח  לְהָבִיא עָלָיו, צַעֲקַת-דָּל;    וְצַעֲקַת עֲנִיִּים יִשְׁמָע.

כט  וְהוּא יַשְׁקִט, וּמִי יַרְשִׁעַ–    וְיַסְתֵּר פָּנִים, וּמִי יְשׁוּרֶנּוּ;  וְעַל-גּוֹי וְעַל-אָדָם    יָחַד.

VN:F [1.9.21_1169]
Rating: 5.0/5 (1 vote cast)
Jul 9, 2014 - Iyov    No Comments

Iyov 34:1

Play

א    וַיַּעַן אֱלִיהוּא, וַיֹּאמַר.

ב  שִׁמְעוּ חֲכָמִים מִלָּי;    וְיֹדְעִים, הַאֲזִינוּ לִי.

ג  כִּי-אֹזֶן, מִלִּין תִּבְחָן;    וְחֵךְ, יִטְעַם לֶאֱכֹל.

ד  מִשְׁפָּט נִבְחֲרָה-לָּנוּ;    נֵדְעָה בֵינֵינוּ מַה-טּוֹב.

ה  כִּי-אָמַר אִיּוֹב צָדַקְתִּי;    וְאֵל, הֵסִיר מִשְׁפָּטִי.

ו  עַל-מִשְׁפָּטִי אֲכַזֵּב;    אָנוּשׁ חִצִּי בְלִי-פָשַׁע.

ז  מִי-גֶבֶר כְּאִיּוֹב;    יִשְׁתֶּה-לַּעַג כַּמָּיִם.

ח  וְאָרַח לְחֶבְרָה, עִם-פֹּעֲלֵי אָוֶן;    וְלָלֶכֶת, עִם-אַנְשֵׁי-רֶשַׁע.

ט  כִּי-אָמַר, לֹא יִסְכָּן-גָּבֶר–    בִּרְצֹתוֹ, עִם-אֱלֹהִים.

י  לָכֵן, אַנְשֵׁי לֵבָב–    שִׁמְעוּ-לִי:   חָלִלָה לָאֵל מֵרֶשַׁע;    וְשַׁדַּי מֵעָוֶל.

יא  כִּי פֹעַל אָדָם, יְשַׁלֶּם-לוֹ;    וּכְאֹרַח אִישׁ, יַמְצִאֶנּוּ.

יב  אַף-אָמְנָם, אֵל לֹא-יַרְשִׁיעַ;    וְשַׁדַּי, לֹא-יְעַוֵּת מִשְׁפָּט.

יג  מִי-פָקַד עָלָיו אָרְצָה;    וּמִי שָׂם, תֵּבֵל כֻּלָּהּ.

יד  אִם-יָשִׂים אֵלָיו לִבּוֹ;    רוּחוֹ וְנִשְׁמָתוֹ, אֵלָיו יֶאֱסֹף.

טו  יִגְוַע כָּל-בָּשָׂר יָחַד;    וְאָדָם, עַל-עָפָר יָשׁוּב.

טז  וְאִם-בִּינָה, שִׁמְעָה-זֹּאת;    הַאֲזִינָה, לְקוֹל מִלָּי.

VN:F [1.9.21_1169]
Rating: 5.0/5 (1 vote cast)
Jul 8, 2014 - Iyov    No Comments

Iyov 33:25

Play

כה  רֻטְפַשׁ בְּשָׂרוֹ מִנֹּעַר;    יָשׁוּב, לִימֵי עֲלוּמָיו.

כו  יֶעְתַּר אֶל-אֱלוֹהַּ, וַיִּרְצֵהוּ,    וַיַּרְא פָּנָיו, בִּתְרוּעָה;  וַיָּשֶׁב לֶאֱנוֹשׁ,    צִדְקָתוֹ.

כז  יָשֹׁר, עַל-אֲנָשִׁים, וַיֹּאמֶר, חָטָאתִי וְיָשָׁר הֶעֱוֵיתִי;    וְלֹא-שָׁוָה לִי.

כח  פָּדָה נפשי (נַפְשׁוֹ), מֵעֲבֹר בַּשָּׁחַת;    וחיתי (וְחַיָּתוֹ), בָּאוֹר תִּרְאֶה.

כט  הֶן-כָּל-אֵלֶּה, יִפְעַל-אֵל–    פַּעֲמַיִם שָׁלוֹשׁ עִם-גָּבֶר.

ל  לְהָשִׁיב נַפְשׁוֹ, מִנִּי-שָׁחַת–    לֵאוֹר, בְּאוֹר הַחַיִּים.

לא  הַקְשֵׁב אִיּוֹב שְׁמַע-לִי;    הַחֲרֵשׁ, וְאָנֹכִי אֲדַבֵּר.

לב  אִם-יֵשׁ-מִלִּין הֲשִׁיבֵנִי;    דַּבֵּר, כִּי-חָפַצְתִּי צַדְּקֶךָּ.

לג  אִם-אַיִן, אַתָּה שְׁמַע-לִי;    הַחֲרֵשׁ, וַאֲאַלֶּפְךָ חָכְמָה.

VN:F [1.9.21_1169]
Rating: 5.0/5 (1 vote cast)
Jul 7, 2014 - Iyov    No Comments

Iyov 33:13

Play

יג  מַדּוּעַ, אֵלָיו רִיבוֹתָ:    כִּי כָל-דְּבָרָיו, לֹא יַעֲנֶה.

יד  כִּי-בְאַחַת יְדַבֶּר-אֵל;    וּבִשְׁתַּיִם, לֹא יְשׁוּרֶנָּה.

טו  בַּחֲלוֹם, חֶזְיוֹן לַיְלָה–בִּנְפֹל תַּרְדֵּמָה, עַל-אֲנָשִׁים;    בִּתְנוּמוֹת, עֲלֵי מִשְׁכָּב.

טז  אָז יִגְלֶה, אֹזֶן אֲנָשִׁים;    וּבְמֹסָרָם יַחְתֹּם.

יז  לְהָסִיר, אָדָם מַעֲשֶׂה;    וְגֵוָה מִגֶּבֶר יְכַסֶּה.

יח  יַחְשֹׂךְ נַפְשׁוֹ, מִנִּי-שָׁחַת;    וְחַיָּתוֹ, מֵעֲבֹר בַּשָּׁלַח.

יט  וְהוּכַח בְּמַכְאוֹב, עַל-מִשְׁכָּבוֹ;    וריב (וְרוֹב) עֲצָמָיו אֵתָן.

כ  וְזִהֲמַתּוּ חַיָּתוֹ לָחֶם;    וְנַפְשׁוֹ, מַאֲכַל תַּאֲוָה.

כא  יִכֶל בְּשָׂרוֹ מֵרֹאִי;    ושפי (וְשֻׁפּוּ) עַצְמֹתָיו, לֹא רֻאּוּ.

כב  וַתִּקְרַב לַשַּׁחַת נַפְשׁוֹ;    וְחַיָּתוֹ, לַמְמִתִים.

כג  אִם-יֵשׁ עָלָיו, מַלְאָךְ–מֵלִיץ, אֶחָד מִנִּי-אָלֶף:    לְהַגִּיד לְאָדָם יָשְׁרוֹ.

כד  וַיְחֻנֶּנּוּ–וַיֹּאמֶר, פְּדָעֵהוּ מֵרֶדֶת שָׁחַת;    מָצָאתִי כֹפֶר.

VN:F [1.9.21_1169]
Rating: 5.0/5 (1 vote cast)
Jul 4, 2014 - Iyov    No Comments

Iyov 32:22

Play

כב  כִּי לֹא יָדַעְתִּי אֲכַנֶּה;    כִּמְעַט, יִשָּׂאֵנִי עֹשֵׂנִי.

פרק לג

א  וְאוּלָם–שְׁמַע-נָא אִיּוֹב מִלָּי;    וְכָל-דְּבָרַי הַאֲזִינָה.

ב  הִנֵּה-נָא, פָּתַחְתִּי פִי;    דִּבְּרָה לְשׁוֹנִי בְחִכִּי.

ג  יֹשֶׁר-לִבִּי אֲמָרָי;    וְדַעַת שְׂפָתַי, בָּרוּר מִלֵּלוּ.

ד  רוּחַ-אֵל עָשָׂתְנִי;    וְנִשְׁמַת שַׁדַּי תְּחַיֵּנִי.

ה  אִם-תּוּכַל הֲשִׁיבֵנִי;    עֶרְכָה לְפָנַי, הִתְיַצָּבָה.

ו  הֵן-אֲנִי כְפִיךָ לָאֵל;    מֵחֹמֶר, קֹרַצְתִּי גַם-אָנִי.

ז  הִנֵּה אֵמָתִי, לֹא תְבַעֲתֶךָּ;    וְאַכְפִּי, עָלֶיךָ לֹא-יִכְבָּד.

ח  אַךְ, אָמַרְתָּ בְאָזְנָי;    וְקוֹל מִלִּין אֶשְׁמָע.

ט  זַךְ אֲנִי, בְּלִי-פָשַׁע:    חַף אָנֹכִי; וְלֹא עָו‍ֹן לִי.

י  הֵן תְּנוּאוֹת, עָלַי יִמְצָא;    יַחְשְׁבֵנִי לְאוֹיֵב לוֹ.

יא  יָשֵׂם בַּסַּד רַגְלָי;    יִשְׁמֹר, כָּל-אָרְחֹתָי.

יב  הֶן-זֹאת לֹא-צָדַקְתָּ אֶעֱנֶךָּ:    כִּי-יִרְבֶּה אֱלוֹהַּ, מֵאֱנוֹשׁ.

יג  מַדּוּעַ, אֵלָיו רִיבוֹתָ:    כִּי כָל-דְּבָרָיו, לֹא יַעֲנֶה.

יד  כִּי-בְאַחַת יְדַבֶּר-אֵל;    וּבִשְׁתַּיִם, לֹא יְשׁוּרֶנָּה.

VN:F [1.9.21_1169]
Rating: 5.0/5 (1 vote cast)
Jul 3, 2014 - Iyov    No Comments

Iyov 32:9

Play

ט  לֹא-רַבִּים יֶחְכָּמוּ;    וּזְקֵנִים, יָבִינוּ מִשְׁפָּט.

י  לָכֵן אָמַרְתִּי, שִׁמְעָה-לִּי;    אֲחַוֶּה דֵעִי אַף-אָנִי.

יא  הֵן הוֹחַלְתִּי, לְדִבְרֵיכֶם–אָזִין, עַד-תְּבוּנֹתֵיכֶם:    עַד-תַּחְקְרוּן מִלִּין.

יב  וְעָדֵיכֶם, אֶתְבּוֹנָן:    וְהִנֵּה אֵין לְאִיּוֹב מוֹכִיחַ–עוֹנֶה אֲמָרָיו מִכֶּם.

יג  פֶּן-תֹּאמְרוּ, מָצָאנוּ חָכְמָה;    אֵל יִדְּפֶנּוּ לֹא-אִישׁ.

יד  וְלֹא-עָרַךְ אֵלַי מִלִּין;    וּבְאִמְרֵיכֶם, לֹא אֲשִׁיבֶנּוּ.

טו  חַתּוּ, לֹא-עָנוּ עוֹד;    הֶעְתִּיקוּ מֵהֶם מִלִּים.

טז  וְהוֹחַלְתִּי, כִּי-לֹא יְדַבֵּרוּ:    כִּי עָמְדוּ, לֹא-עָנוּ עוֹד.

יז  אַעֲנֶה אַף-אֲנִי חֶלְקִי;    אֲחַוֶּה דֵעִי אַף-אָנִי.

יח  כִּי, מָלֵתִי מִלִּים;    הֱצִיקַתְנִי, רוּחַ בִּטְנִי.

יט  הִנֵּה-בִטְנִי–כְּיַיִן לֹא-יִפָּתֵחַ;    כְּאֹבוֹת חֲדָשִׁים, יִבָּקֵעַ.

כ  אֲדַבְּרָה וְיִרְוַח-לִי;    אֶפְתַּח שְׂפָתַי וְאֶעֱנֶה.

כא  אַל-נָא, אֶשָּׂא פְנֵי-אִישׁ;    וְאֶל-אָדָם, לֹא אֲכַנֶּה.

כב  כִּי לֹא יָדַעְתִּי אֲכַנֶּה;    כִּמְעַט, יִשָּׂאֵנִי עֹשֵׂנִי.

VN:F [1.9.21_1169]
Rating: 5.0/5 (1 vote cast)
Jul 2, 2014 - Iyov    No Comments

Iyov 32:2

Play

ב  וַיִּחַר אַף, אֱלִיהוּא בֶן-בַּרַכְאֵל הַבּוּזִי–    מִמִּשְׁפַּחַת-רָם:  בְּאִיּוֹב, חָרָה אַפּוֹ–    עַל-צַדְּקוֹ נַפְשׁוֹ, מֵאֱלֹהִים.

ג  וּבִשְׁלֹשֶׁת רֵעָיו,    חָרָה אַפּוֹ:  עַל אֲשֶׁר לֹא-מָצְאוּ מַעֲנֶה–    וַיַּרְשִׁיעוּ, אֶת-אִיּוֹב.

ד  וֶאֱלִיהוּ–חִכָּה אֶת-אִיּוֹב, בִּדְבָרִים:    כִּי זְקֵנִים-הֵמָּה מִמֶּנּוּ לְיָמִים.

ה  וַיַּרְא אֱלִיהוּא–כִּי אֵין מַעֲנֶה, בְּפִי שְׁלֹשֶׁת הָאֲנָשִׁים;    וַיִּחַר אַפּוֹ.

ו  וַיַּעַן, אֱלִיהוּא בֶן-בַּרַכְאֵל הַבּוּזִי–    וַיֹּאמַר:   צָעִיר אֲנִי לְיָמִים,    וְאַתֶּם יְשִׁישִׁים;   עַל-כֵּן זָחַלְתִּי וָאִירָא,    מֵחַוֹּת דֵּעִי אֶתְכֶם.

ז  אָמַרְתִּי, יָמִים יְדַבֵּרוּ;    וְרֹב שָׁנִים, יֹדִיעוּ חָכְמָה.

ח  אָכֵן, רוּחַ-הִיא בֶאֱנוֹשׁ;    וְנִשְׁמַת שַׁדַּי תְּבִינֵם.

VN:F [1.9.21_1169]
Rating: 4.0/5 (1 vote cast)
Jul 1, 2014 - Iyov    No Comments

Iyov 31:36

Play

לו  אִם-לֹא עַל-שִׁכְמִי, אֶשָּׂאֶנּוּ;    אֶעֶנְדֶנּוּ עֲטָרוֹת לִי.

לז  מִסְפַּר צְעָדַי, אַגִּידֶנּוּ;    כְּמוֹ-נָגִיד, אֲקָרְבֶנּוּ.

לח  אִם-עָלַי, אַדְמָתִי תִזְעָק;    וְיַחַד, תְּלָמֶיהָ יִבְכָּיוּן.

לט  אִם-כֹּחָהּ, אָכַלְתִּי בְלִי-כָסֶף;    וְנֶפֶשׁ בְּעָלֶיהָ הִפָּחְתִּי.

מ  תַּחַת חִטָּה, יֵצֵא חוֹחַ–וְתַחַת-שְׂעֹרָה בָאְשָׁה:    תַּמּוּ, דִּבְרֵי אִיּוֹב.

פרק לב

א  וַיִּשְׁבְּתוּ, שְׁלֹשֶׁת הָאֲנָשִׁים הָאֵלֶּה–    מֵעֲנוֹת אֶת-אִיּוֹב:  כִּי הוּא צַדִּיק    בְּעֵינָיו.

ב  וַיִּחַר אַף, אֱלִיהוּא בֶן-בַּרַכְאֵל הַבּוּזִי–    מִמִּשְׁפַּחַת-רָם:  בְּאִיּוֹב, חָרָה אַפּוֹ–    עַל-צַדְּקוֹ נַפְשׁוֹ, מֵאֱלֹהִים.

VN:F [1.9.21_1169]
Rating: 5.0/5 (1 vote cast)
Jun 30, 2014 - Iyov    No Comments

Iyov 31:29

Play

כט  אִם-אֶשְׂמַח, בְּפִיד מְשַׂנְאִי;    וְהִתְעֹרַרְתִּי, כִּי-מְצָאוֹ רָע.

ל  וְלֹא-נָתַתִּי לַחֲטֹא חִכִּי–    לִשְׁאֹל בְּאָלָה נַפְשׁוֹ.

לא  אִם-לֹא אָמְרוּ, מְתֵי אָהֳלִי;    מִי-יִתֵּן מִבְּשָׂרוֹ, לֹא נִשְׂבָּע.

לב  בַּחוּץ, לֹא-יָלִין גֵּר;    דְּלָתַי, לָאֹרַח אֶפְתָּח.

לג  אִם-כִּסִּיתִי כְאָדָם פְּשָׁעָי–    לִטְמוֹן בְּחֻבִּי עֲו‍ֹנִי.

לד  כִּי אֶעֱרוֹץ, הָמוֹן רַבָּה–    וּבוּז-מִשְׁפָּחוֹת יְחִתֵּנִי;   וָאֶדֹּם,    לֹא-אֵצֵא פָתַח.

לה  מִי יִתֶּן-לִי, שֹׁמֵעַ לִי–    הֶן-תָּוִי, שַׁדַּי יַעֲנֵנִי;  ְסֵפֶר כָּתַב,    אִישׁ רִיבִי.

VN:F [1.9.21_1169]
Rating: 5.0/5 (1 vote cast)
Pages:«1234567...12»