Browsing "Iyov"
Jun 27, 2014 - Iyov    No Comments

Iyov 31:14

Play

יד  וּמָה אֶעֱשֶׂה, כִּי-יָקוּם אֵל;    וְכִי-יִפְקֹד, מָה אֲשִׁיבֶנּוּ.

טו  הֲלֹא-בַבֶּטֶן, עֹשֵׂנִי עָשָׂהוּ;    וַיְכֻנֶנּוּ, בָּרֶחֶם אֶחָד.

טז  אִם-אֶמְנַע, מֵחֵפֶץ דַּלִּים;    וְעֵינֵי אַלְמָנָה אֲכַלֶּה.

יז  וְאֹכַל פִּתִּי לְבַדִּי;    וְלֹא-אָכַל יָתוֹם מִמֶּנָּה.

יח  כִּי מִנְּעוּרַי, גְּדֵלַנִי כְאָב;    וּמִבֶּטֶן אִמִּי אַנְחֶנָּה.

יט  אִם-אֶרְאֶה אוֹבֵד, מִבְּלִי לְבוּשׁ;    וְאֵין כְּסוּת, לָאֶבְיוֹן.

כ  אִם-לֹא בֵרְכוּנִי חֲלָצָו;    וּמִגֵּז כְּבָשַׂי, יִתְחַמָּם.

כא  אִם-הֲנִיפוֹתִי עַל-יָתוֹם יָדִי:    כִּי-אֶרְאֶה בַשַּׁעַר, עֶזְרָתִי.

כב  כְּתֵפִי, מִשִּׁכְמָה תִפּוֹל;    וְאֶזְרֹעִי, מִקָּנָה תִשָּׁבֵר.

כג  כִּי פַחַד אֵלַי, אֵיד אֵל;    וּמִשְּׂאֵתוֹ, לֹא אוּכָל.

כד  אִם-שַׂמְתִּי זָהָב כִּסְלִי;    וְלַכֶּתֶם, אָמַרְתִּי מִבְטַחִי.

כה  אִם-אֶשְׂמַח, כִּי-רַב חֵילִי;    וְכִי-כַבִּיר, מָצְאָה יָדִי.

כו  אִם-אֶרְאֶה אוֹר, כִּי יָהֵל;    וְיָרֵחַ, יָקָר הֹלֵךְ.

כז  וַיִּפְתְּ בַּסֵּתֶר לִבִּי;    וַתִּשַּׁק יָדִי לְפִי.

כח  גַּם-הוּא, עָו‍ֹן פְּלִילִי:    כִּי-כִחַשְׁתִּי לָאֵל מִמָּעַל.

Jun 26, 2014 - Iyov    No Comments

Iyov 31:2

Play

ב  גַּם-כֹּחַ יְדֵיהֶם, לָמָּה לִּי;    עָלֵימוֹ, אָבַד כָּלַח.

ג  בְּחֶסֶר וּבְכָפָן, גַּלְמוּד:    הַעֹרְקִים צִיָּה–אֶמֶשׁ, שׁוֹאָה וּמְשֹׁאָה.

ד  הַקֹּטְפִים מַלּוּחַ עֲלֵי-שִׂיחַ;    וְשֹׁרֶשׁ רְתָמִים לַחְמָם.

ה  מִן-גֵּו יְגֹרָשׁוּ;    יָרִיעוּ עָלֵימוֹ, כַּגַּנָּב.

ו  בַּעֲרוּץ נְחָלִים לִשְׁכֹּן;    חֹרֵי עָפָר וְכֵפִים.

ז  בֵּין-שִׂיחִים יִנְהָקוּ;    תַּחַת חָרוּל יְסֻפָּחוּ.

ח  בְּנֵי-נָבָל, גַּם-בְּנֵי בְלִי-שֵׁם–    נִכְּאוּ, מִן-הָאָרֶץ.

ט  וְעַתָּה, נְגִינָתָם הָיִיתִי;    וָאֱהִי לָהֶם לְמִלָּה.

י  תִּעֲבוּנִי, רָחֲקוּ מֶנִּי;    וּמִפָּנַי, לֹא-חָשְׂכוּ רֹק.

יא  כִּי-יתרו (יִתְרִי) פִתַּח, וַיְעַנֵּנִי;    וְרֶסֶן, מִפָּנַי שִׁלֵּחוּ.

יב  עַל-יָמִין, פִּרְחַח יָקוּמוּ:    רַגְלַי שִׁלֵּחוּ; וַיָּסֹלּוּ עָלַי, אָרְחוֹת אֵידָם.

יג  נָתְסוּ, נְתִיבָתִי:    לְהַוָּתִי יֹעִילוּ; לֹא עֹזֵר לָמוֹ.

Jun 25, 2014 - Iyov    No Comments

Iyov 30:23

Play

כג  כִּי-יָדַעְתִּי, מָוֶת תְּשִׁיבֵנִי;    וּבֵית מוֹעֵד לְכָל-חָי.

כד  אַךְ לֹא-בְעִי, יִשְׁלַח-יָד;    אִם-בְּפִידוֹ, לָהֶן שׁוּעַ.

כה  אִם-לֹא בָכִיתִי, לִקְשֵׁה-יוֹם;    עָגְמָה נַפְשִׁי, לָאֶבְיוֹן.

כו  כִּי טוֹב קִוִּיתִי, וַיָּבֹא רָע;    וַאֲיַחֲלָה לְאוֹר, וַיָּבֹא אֹפֶל.

כז  מֵעַי רֻתְּחוּ וְלֹא-דָמּוּ;    קִדְּמֻנִי יְמֵי-עֹנִי.

כח  קֹדֵר הִלַּכְתִּי, בְּלֹא חַמָּה;    קַמְתִּי בַקָּהָל אֲשַׁוֵּעַ.

כט  אָח, הָיִיתִי לְתַנִּים;    וְרֵעַ, לִבְנוֹת יַעֲנָה.

ל  עוֹרִי, שָׁחַר מֵעָלָי;    וְעַצְמִי-חָרָה, מִנִּי-חֹרֶב.

לא  וַיְהִי לְאֵבֶל, כִּנֹּרִי;    וְעֻגָבִי, לְקוֹל בֹּכִים.

פרק לא

א  בְּרִית, כָּרַתִּי לְעֵינָי;    וּמָה אֶתְבּוֹנֵן, עַל-בְּתוּלָה.

Jun 24, 2014 - Iyov    No Comments

Iyov 30:12

Play

יב  עַל-יָמִין, פִּרְחַח יָקוּמוּ:    רַגְלַי שִׁלֵּחוּ; וַיָּסֹלּוּ עָלַי, אָרְחוֹת אֵידָם.

יג  נָתְסוּ, נְתִיבָתִי:    לְהַוָּתִי יֹעִילוּ; לֹא עֹזֵר לָמוֹ.

יד  כְּפֶרֶץ רָחָב יֶאֱתָיוּ;    תַּחַת שֹׁאָה, הִתְגַּלְגָּלוּ.

טו  הָהְפַּךְ עָלַי,    בַּלָּהוֹת:  תִּרְדֹּף כָּרוּחַ, נְדִבָתִי;    וּכְעָב, עָבְרָה יְשֻׁעָתִי.

טז  וְעַתָּה–עָלַי, תִּשְׁתַּפֵּךְ נַפְשִׁי;    יֹאחֲזוּנִי יְמֵי-עֹנִי.

יז  לַיְלָה–עֲצָמַי, נִקַּר מֵעָלָי;    וְעֹרְקַי, לֹא יִשְׁכָּבוּן.

יח  בְּרָב-כֹּחַ, יִתְחַפֵּשׂ לְבוּשִׁי;    כְּפִי כֻתָּנְתִּי יַאַזְרֵנִי.

יט  הֹרָנִי לַחֹמֶר;    וָאֶתְמַשֵּׁל, כֶּעָפָר וָאֵפֶר.

כ  אֲשַׁוַּע אֵלֶיךָ, וְלֹא תַעֲנֵנִי;    עָמַדְתִּי, וַתִּתְבֹּנֶן בִּי.

כא  תֵּהָפֵךְ לְאַכְזָר לִי;    בְּעֹצֶם יָדְךָ תִשְׂטְמֵנִי.

כב  תִּשָּׂאֵנִי אֶל-רוּחַ, תַּרְכִּיבֵנִי;    וּתְמֹגְגֵנִי, תשוה (תֻּשִׁיָּה).

Jun 23, 2014 - Iyov    No Comments

Iyov 29:21

Play

כא  לִי-שָׁמְעוּ וְיִחֵלּוּ;    וְיִדְּמוּ, לְמוֹ עֲצָתִי.

כב  אַחֲרֵי דְבָרִי, לֹא יִשְׁנוּ;    וְעָלֵימוֹ, תִּטֹּף מִלָּתִי.

כג  וְיִחֲלוּ כַמָּטָר לִי;    וּפִיהֶם, פָּעֲרוּ לְמַלְקוֹשׁ.

כד  אֶשְׂחַק אֲלֵהֶם, לֹא יַאֲמִינוּ;    וְאוֹר פָּנַי, לֹא יַפִּילוּן.

כה  אֶבְחַר דַּרְכָּם,    וְאֵשֵׁב רֹאשׁ:  וְאֶשְׁכּוֹן, כְּמֶלֶךְ בַּגְּדוּד;    כַּאֲשֶׁר אֲבֵלִים יְנַחֵם.

פרק ל

א  וְעַתָּה, שָׂחֲקוּ עָלַי–    צְעִירִים מִמֶּנִּי, לְיָמִים:  אֲשֶׁר-מָאַסְתִּי אֲבוֹתָם–    לָשִׁית, עִם-כַּלְבֵי צֹאנִי.

ב  גַּם-כֹּחַ יְדֵיהֶם, לָמָּה לִּי;    עָלֵימוֹ, אָבַד כָּלַח.

ג  בְּחֶסֶר וּבְכָפָן, גַּלְמוּד:    הַעֹרְקִים צִיָּה–אֶמֶשׁ, שׁוֹאָה וּמְשֹׁאָה.

ד  הַקֹּטְפִים מַלּוּחַ עֲלֵי-שִׂיחַ;    וְשֹׁרֶשׁ רְתָמִים לַחְמָם.

ה  מִן-גֵּו יְגֹרָשׁוּ;    יָרִיעוּ עָלֵימוֹ, כַּגַּנָּב.

ו  בַּעֲרוּץ נְחָלִים לִשְׁכֹּן;    חֹרֵי עָפָר וְכֵפִים.

ז  בֵּין-שִׂיחִים יִנְהָקוּ;    תַּחַת חָרוּל יְסֻפָּחוּ.

ח  בְּנֵי-נָבָל, גַּם-בְּנֵי בְלִי-שֵׁם–    נִכְּאוּ, מִן-הָאָרֶץ.

ט  וְעַתָּה, נְגִינָתָם הָיִיתִי;    וָאֱהִי לָהֶם לְמִלָּה.

י  תִּעֲבוּנִי, רָחֲקוּ מֶנִּי;    וּמִפָּנַי, לֹא-חָשְׂכוּ רֹק.

יא  כִּי-יתרו (יִתְרִי) פִתַּח, וַיְעַנֵּנִי;    וְרֶסֶן, מִפָּנַי שִׁלֵּחוּ.

Jun 20, 2014 - Iyov    No Comments

Iyov 29:11

Play

יא  כִּי אֹזֶן שָׁמְעָה, וַתְּאַשְּׁרֵנִי;    וְעַיִן רָאֲתָה, וַתְּעִידֵנִי.

יב  כִּי-אֲמַלֵּט, עָנִי מְשַׁוֵּעַ;    וְיָתוֹם, וְלֹא-עֹזֵר לוֹ.

יג  בִּרְכַּת אֹבֵד, עָלַי תָּבֹא;    וְלֵב אַלְמָנָה אַרְנִן.

יד  צֶדֶק לָבַשְׁתִּי, וַיִּלְבָּשֵׁנִי;    כִּמְעִיל וְצָנִיף, מִשְׁפָּטִי.

טו  עֵינַיִם הָיִיתִי, לַעִוֵּר;    וְרַגְלַיִם לַפִּסֵּחַ אָנִי.

טז  אָב אָנֹכִי, לָאֶבְיוֹנִים;    וְרִב לֹא-יָדַעְתִּי אֶחְקְרֵהוּ.

יז  וָאֲשַׁבְּרָה, מְתַלְּעוֹת עַוָּל;    וּמִשִּׁנָּיו, אַשְׁלִיךְ טָרֶף.

יח  וָאֹמַר, עִם-קִנִּי אֶגְוָע;    וְכַחוֹל, אַרְבֶּה יָמִים.

יט  שָׁרְשִׁי פָתוּחַ אֱלֵי-מָיִם;    וְטַל, יָלִין בִּקְצִירִי.

כ  כְּבוֹדִי, חָדָשׁ עִמָּדִי;    וְקַשְׁתִּי, בְּיָדִי תַחֲלִיף.

כא  לִי-שָׁמְעוּ וְיִחֵלּוּ;    וְיִדְּמוּ, לְמוֹ עֲצָתִי.

Jun 19, 2014 - Iyov    No Comments

Iyov 28:28

Play

כח  וַיֹּאמֶר, לָאָדָם–הֵן יִרְאַת אֲדֹנָי, הִיא חָכְמָה;    וְסוּר מֵרָע בִּינָה.

פרק כט

א  וַיֹּסֶף אִיּוֹב, שְׂאֵת מְשָׁלוֹ; וַיֹּאמַר.

ב  מִי-יִתְּנֵנִי כְיַרְחֵי-קֶדֶם;    כִּימֵי, אֱלוֹהַּ יִשְׁמְרֵנִי.

ג  בְּהִלּוֹ נֵרוֹ, עֲלֵי רֹאשִׁי;    לְאוֹרוֹ, אֵלֶךְ חֹשֶׁךְ.

ד  כַּאֲשֶׁר הָיִיתִי, בִּימֵי חָרְפִּי;    בְּסוֹד אֱלוֹהַּ, עֲלֵי אָהֳלִי.

ה  בְּעוֹד שַׁדַּי, עִמָּדִי;    סְבִיבוֹתַי נְעָרָי.

ו  בִּרְחֹץ הֲלִיכַי בְּחֵמָה;    וְצוּר יָצוּק עִמָּדִי, פַּלְגֵי-שָׁמֶן.

ז  בְּצֵאתִי שַׁעַר עֲלֵי-קָרֶת;    בָּרְחוֹב, אָכִין מוֹשָׁבִי.

ח  רָאוּנִי נְעָרִים וְנֶחְבָּאוּ;    וִישִׁישִׁים, קָמוּ עָמָדוּ.

ט  שָׂרִים, עָצְרוּ בְמִלִּים;    וְכַף, יָשִׂימוּ לְפִיהֶם.

י  קוֹל-נְגִידִים נֶחְבָּאוּ;    וּלְשׁוֹנָם, לְחִכָּם דָּבֵקָה.

Jun 18, 2014 - Iyov    No Comments

Iyov 28:23

Play

כג  אֱלֹהִים, הֵבִין דַּרְכָּהּ;    וְהוּא, יָדַע אֶת-מְקוֹמָהּ.

כד  כִּי-הוּא, לִקְצוֹת-הָאָרֶץ יַבִּיט;    תַּחַת כָּל-הַשָּׁמַיִם יִרְאֶה.

כה  לַעֲשׂוֹת לָרוּחַ מִשְׁקָל;    וּמַיִם, תִּכֵּן בְּמִדָּה.

כו  בַּעֲשֹׂתוֹ לַמָּטָר חֹק;    וְדֶרֶךְ, לַחֲזִיז קֹלוֹת.

כז  אָז רָאָהּ, וַיְסַפְּרָהּ;    הֱכִינָהּ, וְגַם-חֲקָרָהּ.

כח  וַיֹּאמֶר, לָאָדָם–הֵן יִרְאַת אֲדֹנָי, הִיא חָכְמָה;    וְסוּר מֵרָע בִּינָה.

Jun 17, 2014 - Iyov    No Comments

Iyov 28:14

Play

יד  תְּהוֹם אָמַר, לֹא בִי-הִיא;    וְיָם אָמַר, אֵין עִמָּדִי.

טו  לֹא-יֻתַּן סְגוֹר תַּחְתֶּיהָ;    וְלֹא יִשָּׁקֵל, כֶּסֶף מְחִירָהּ.

טז  לֹא-תְסֻלֶּה, בְּכֶתֶם אוֹפִיר;    בְּשֹׁהַם יָקָר וְסַפִּיר.

יז  לֹא-יַעַרְכֶנָּה זָהָב, וּזְכוֹכִית;    וּתְמוּרָתָהּ כְּלִי-פָז.

יח  רָאמוֹת וְגָבִישׁ, לֹא יִזָּכֵר;    וּמֶשֶׁךְ חָכְמָה, מִפְּנִינִים.

יט  לֹא-יַעַרְכֶנָּה, פִּטְדַת-כּוּשׁ;    בְּכֶתֶם טָהוֹר, לֹא תְסֻלֶּה.

כ  וְהַחָכְמָה, מֵאַיִן תָּבוֹא;    וְאֵי זֶה, מְקוֹם בִּינָה.

כא  וְנֶעֶלְמָה, מֵעֵינֵי כָל-חָי;    וּמֵעוֹף הַשָּׁמַיִם נִסְתָּרָה.

כב  אֲבַדּוֹן וָמָוֶת, אָמְרוּ;    בְּאָזְנֵינוּ, שָׁמַעְנוּ שִׁמְעָהּ.

כג  אֱלֹהִים, הֵבִין דַּרְכָּהּ;    וְהוּא, יָדַע אֶת-מְקוֹמָהּ.

Jun 16, 2014 - Iyov    No Comments

Iyov 28:4

Play

ד  פָּרַץ נַחַל, מֵעִם-גָּר–הַנִּשְׁכָּחִים מִנִּי-רָגֶל;    דַּלּוּ מֵאֱנוֹשׁ נָעוּ.

ה  אֶרֶץ–מִמֶּנָּה יֵצֵא-לָחֶם;    וְתַחְתֶּיהָ, נֶהְפַּךְ כְּמוֹ-אֵשׁ.

ו  מְקוֹם-סַפִּיר אֲבָנֶיהָ;    וְעַפְרֹת זָהָב לוֹ.

ז  נָתִיב, לֹא-יְדָעוֹ עָיִט;    וְלֹא שְׁזָפַתּוּ, עֵין אַיָּה.

ח  לֹא-הִדְרִיכוּהוּ בְנֵי-שָׁחַץ;    לֹא-עָדָה עָלָיו שָׁחַל.

ט  בַּחַלָּמִישׁ, שָׁלַח יָדוֹ;    הָפַךְ מִשֹּׁרֶשׁ הָרִים.

י  בַּצּוּרוֹת, יְאֹרִים בִּקֵּעַ;    וְכָל-יְקָר, רָאֲתָה עֵינוֹ.

יא  מִבְּכִי, נְהָרוֹת חִבֵּשׁ;    וְתַעֲלֻמָהּ, יֹצִא אוֹר.

יב  וְהַחָכְמָה, מֵאַיִן תִּמָּצֵא;    וְאֵי זֶה, מְקוֹם בִּינָה.

יג  לֹא-יָדַע אֱנוֹשׁ עֶרְכָּהּ;    וְלֹא תִמָּצֵא, בְּאֶרֶץ הַחַיִּים.