Iyov 23:7
Podcast: Play in new window | Download (Duration: 58:11 — 20.0MB)
ז שָׁם–יָשָׁר, נוֹכָח עִמּוֹ; וַאֲפַלְּטָה לָנֶצַח, מִשֹּׁפְטִי.
ח הֵן קֶדֶם אֶהֱלֹךְ וְאֵינֶנּוּ; וְאָחוֹר, וְלֹא-אָבִין לוֹ.
ט שְׂמֹאול בַּעֲשֹׂתוֹ, וְלֹא-אָחַז; יַעְטֹף יָמִין, וְלֹא אֶרְאֶה.
י כִּי-יָדַע, דֶּרֶךְ עִמָּדִי; בְּחָנַנִי, כַּזָּהָב אֵצֵא.
יא בַּאֲשֻׁרוֹ, אָחֲזָה רַגְלִי; דַּרְכּוֹ שָׁמַרְתִּי וְלֹא-אָט.
יב מִצְוַת שְׂפָתָיו, וְלֹא אָמִישׁ; מֵחֻקִּי, צָפַנְתִּי אִמְרֵי-פִיו.
יג וְהוּא בְאֶחָד, וּמִי יְשִׁיבֶנּוּ; וְנַפְשׁוֹ אִוְּתָה וַיָּעַשׂ.
יד כִּי, יַשְׁלִים חֻקִּי; וְכָהֵנָּה רַבּוֹת עִמּוֹ.
טו עַל-כֵּן, מִפָּנָיו אֶבָּהֵל; אֶתְבּוֹנֵן, וְאֶפְחַד מִמֶּנּוּ.
טז וְאֵל, הֵרַךְ לִבִּי; וְשַׁדַּי, הִבְהִילָנִי.
יז כִּי-לֹא נִצְמַתִּי, מִפְּנֵי-חֹשֶׁךְ; וּמִפָּנַי, כִּסָּה-אֹפֶל.