Browsing "Mishlei"
Feb 23, 2015 - Mishlei    No Comments

Mishlei 23:9

Play

ט  בְּאָזְנֵי כְסִיל, אַל-תְּדַבֵּר:    כִּי-יָבוּז, לְשֵׂכֶל מִלֶּיךָ.

י  אַל-תַּסֵּג, גְּבוּל עוֹלָם;    וּבִשְׂדֵי יְתוֹמִים, אַל-תָּבֹא.

יא  כִּי-גֹאֲלָם חָזָק;    הוּא-יָרִיב אֶת-רִיבָם אִתָּךְ.

יב  הָבִיאָה לַמּוּסָר לִבֶּךָ;    וְאָזְנֶךָ, לְאִמְרֵי-דָעַת.

יג  אַל-תִּמְנַע מִנַּעַר מוּסָר:    כִּי-תַכֶּנּוּ בַשֵּׁבֶט, לֹא יָמוּת.

יד  אַתָּה, בַּשֵּׁבֶט תַּכֶּנּוּ;    וְנַפְשׁוֹ, מִשְּׁאוֹל תַּצִּיל.

טו  בְּנִי, אִם-חָכַם לִבֶּךָ–    יִשְׂמַח לִבִּי גַם-אָנִי.טז  וְתַעְלֹזְנָה כִלְיוֹתָי–    בְּדַבֵּר שְׂפָתֶיךָ, מֵישָׁרִים.

יז  אַל-יְקַנֵּא לִבְּךָ, בַּחַטָּאִים:    כִּי אִם-בְּיִרְאַת-יְהוָה, כָּל-הַיּוֹם.

VN:F [1.9.21_1169]
Rating: 0.0/5 (0 votes cast)
Feb 20, 2015 - Mishlei    No Comments

Mishlei 23:4

Play

ד  אַל-תִּיגַע לְהַעֲשִׁיר;    מִבִּינָתְךָ חֲדָל.

ה  התעוף (הֲתָעִיף) עֵינֶיךָ בּוֹ,    וְאֵינֶנּוּ:  כִּי עָשֹׂה יַעֲשֶׂה-לּוֹ כְנָפַיִם;    כְּנֶשֶׁר, ועיף (יָעוּף) הַשָּׁמָיִם.

ו  אַל-תִּלְחַם–אֶת-לֶחֶם, רַע עָיִן;    וְאַל-תִּתְאָו, לְמַטְעַמֹּתָיו.

ז  כִּי, כְּמוֹ שָׁעַר בְּנַפְשׁוֹ–    כֶּן-הוּא:  אֱכוֹל וּשְׁתֵה, יֹאמַר לָךְ;    וְלִבּוֹ, בַּל-עִמָּךְ.

ח  פִּתְּךָ-אָכַלְתָּ תְקִיאֶנָּה;    וְשִׁחַתָּ, דְּבָרֶיךָ הַנְּעִימִים.

VN:F [1.9.21_1169]
Rating: 0.0/5 (0 votes cast)
Feb 19, 2015 - Mishlei    No Comments

Mishlei 22:29

Play

כט  חָזִיתָ אִישׁ, מָהִיר בִּמְלַאכְתּוֹ–    לִפְנֵי-מְלָכִים יִתְיַצָּב;  בַּל-יִתְיַצֵּב,    לִפְנֵי חֲשֻׁכִּים.

פרק כג

א  כִּי-תֵשֵׁב, לִלְחוֹם אֶת-מוֹשֵׁל–    בִּין תָּבִין, אֶת-אֲשֶׁר לְפָנֶיךָ.

ב  וְשַׂמְתָּ שַׂכִּין בְּלֹעֶךָ–    אִם-בַּעַל נֶפֶשׁ אָתָּה.

ג  אַל-תִּתְאָו, לְמַטְעַמּוֹתָיו;    וְהוּא, לֶחֶם כְּזָבִים.

ד  אַל-תִּיגַע לְהַעֲשִׁיר;    מִבִּינָתְךָ חֲדָל.

VN:F [1.9.21_1169]
Rating: 5.0/5 (1 vote cast)
Feb 18, 2015 - Mishlei    No Comments

Mishlei 22:20

Play

כ  הֲלֹא כָתַבְתִּי לְךָ, שלשום (שָׁלִשִׁים)–    בְּמֹעֵצוֹת וָדָעַת.

כא  לְהוֹדִיעֲךָ–קֹשְׁטְ, אִמְרֵי אֱמֶת;    לְהָשִׁיב אֲמָרִים אֱמֶת, לְשֹׁלְחֶיךָ.

כב  אַל-תִּגְזָל-דָּל, כִּי דַל-הוּא;    וְאַל-תְּדַכֵּא עָנִי בַשָּׁעַר.

כג  כִּי-יְהוָה, יָרִיב רִיבָם;    וְקָבַע אֶת-קֹבְעֵיהֶם נָפֶשׁ.

כד  אַל-תִּתְרַע, אֶת-בַּעַל אָף;    וְאֶת-אִישׁ חֵמוֹת, לֹא תָבוֹא.

כה  פֶּן-תֶּאֱלַף אֹרְחֹתָו;    וְלָקַחְתָּ מוֹקֵשׁ לְנַפְשֶׁךָ.

כו  אַל-תְּהִי בְתֹקְעֵי-כָף;    בַּעֹרְבִים, מַשָּׁאוֹת.

כז  אִם-אֵין-לְךָ לְשַׁלֵּם–    לָמָּה יִקַּח מִשְׁכָּבְךָ, מִתַּחְתֶּיךָ.

כח  אַל-תַּסֵּג, גְּבוּל עוֹלָם–    אֲשֶׁר עָשׂוּ אֲבוֹתֶיךָ.

VN:F [1.9.21_1169]
Rating: 0.0/5 (0 votes cast)
Feb 17, 2015 - Mishlei    No Comments

Mishlei 22:17

Play

יז  הַט אָזְנְךָ–וּשְׁמַע, דִּבְרֵי חֲכָמִים;    וְלִבְּךָ, תָּשִׁית לְדַעְתִּי.

יח  כִּי-נָעִים, כִּי-תִשְׁמְרֵם בְּבִטְנֶךָ;    יִכֹּנוּ יַחְדָּו, עַל-שְׂפָתֶיךָ.

יט  לִהְיוֹת בַּיהוָה, מִבְטַחֶךָ–    הוֹדַעְתִּיךָ הַיּוֹם אַף-אָתָּה.

 

VN:F [1.9.21_1169]
Rating: 0.0/5 (0 votes cast)
Feb 16, 2015 - Mishlei    No Comments

MIshlei 22:10

Play

י  גָּרֵשׁ לֵץ, וְיֵצֵא מָדוֹן;    וְיִשְׁבֹּת, דִּין וְקָלוֹן.

יא  אֹהֵב טהור- (טְהָר-) לֵב–    חֵן שְׂפָתָיו, רֵעֵהוּ מֶלֶךְ.

יב  עֵינֵי יְהוָה, נָצְרוּ דָעַת;    וַיְסַלֵּף, דִּבְרֵי בֹגֵד.

יג  אָמַר עָצֵל, אֲרִי בַחוּץ;    בְּתוֹךְ רְחֹבוֹת, אֵרָצֵחַ.

יד  שׁוּחָה עֲמֻקָּה, פִּי זָרוֹת;    זְעוּם יְהוָה, יפול- (יִפָּל-) שָׁם.

טו  אִוֶּלֶת, קְשׁוּרָה בְלֶב-נָעַר;    שֵׁבֶט מוּסָר, יַרְחִיקֶנָּה מִמֶּנּוּ.

טז  עֹשֵׁק דָּל, לְהַרְבּוֹת לוֹ–    נֹתֵן לְעָשִׁיר, אַךְ-לְמַחְסוֹר.

VN:F [1.9.21_1169]
Rating: 0.0/5 (0 votes cast)
Feb 11, 2015 - Mishlei    No Comments

Mishlei 21:30

Play

ל  אֵין חָכְמָה, וְאֵין תְּבוּנָה–    וְאֵין עֵצָה, לְנֶגֶד יְהוָה.

לא  סוּס–מוּכָן, לְיוֹם מִלְחָמָה;    וְלַיהוָה, הַתְּשׁוּעָה.

פרק כב

א  נִבְחָר שֵׁם, מֵעֹשֶׁר רָב:    מִכֶּסֶף וּמִזָּהָב, חֵן טוֹב.

ב  עָשִׁיר וָרָשׁ נִפְגָּשׁוּ;    עֹשֵׂה כֻלָּם יְהוָה.

ג  עָרוּם, רָאָה רָעָה ויסתר (וְנִסְתָּר);    וּפְתָיִים, עָבְרוּ וְנֶעֱנָשׁוּ.

VN:F [1.9.21_1169]
Rating: 0.0/5 (0 votes cast)
Feb 10, 2015 - Mishlei    No Comments

Mishlei 21:21

Play

כא  רֹדֵף, צְדָקָה וָחָסֶד–    יִמְצָא חַיִּים, צְדָקָה וְכָבוֹד.

כב  עִיר גִּבֹּרִים, עָלָה חָכָם;    וַיֹּרֶד, עֹז מִבְטֶחָה.

כג  שֹׁמֵר פִּיו, וּלְשׁוֹנוֹ–    שֹׁמֵר מִצָּרוֹת נַפְשׁוֹ.

כד  זֵד יָהִיר, לֵץ שְׁמוֹ–    עוֹשֶׂה, בְּעֶבְרַת זָדוֹן.

כה  תַּאֲוַת עָצֵל תְּמִיתֶנּוּ:    כִּי-מֵאֲנוּ יָדָיו לַעֲשׂוֹת.

כו  כָּל-הַיּוֹם, הִתְאַוָּה תַאֲוָה;    וְצַדִּיק יִתֵּן, וְלֹא יַחְשֹׂךְ.

כז  זֶבַח רְשָׁעִים, תּוֹעֵבָה;    אַף, כִּי-בְזִמָּה יְבִיאֶנּוּ.

כח  עֵד-כְּזָבִים יֹאבֵד;    וְאִישׁ שׁוֹמֵעַ, לָנֶצַח יְדַבֵּר.

כט  הֵעֵז אִישׁ רָשָׁע בְּפָנָיו;    וְיָשָׁר, הוּא יכין דרכיו (יָבִין דַּרְכּוֹ).

VN:F [1.9.21_1169]
Rating: 0.0/5 (0 votes cast)
Pages:«123456789...17»