Browsing "Mishlei"
Jan 23, 2015 - Mishlei    No Comments

Mishlei 19:21

Play

כא  רַבּוֹת מַחֲשָׁבוֹת בְּלֶב-אִישׁ;    וַעֲצַת יְהוָה, הִיא תָקוּם.

כב  תַּאֲוַת אָדָם חַסְדּוֹ;    וְטוֹב-רָשׁ, מֵאִישׁ כָּזָב.

כג  יִרְאַת יְהוָה לְחַיִּים;    וְשָׂבֵעַ יָלִין, בַּל-יִפָּקֶד רָע.

כד  טָמַן עָצֵל יָדוֹ, בַּצַּלָּחַת;    גַּם-אֶל-פִּיהוּ, לֹא יְשִׁיבֶנָּה.

Jan 22, 2015 - Mishlei    No Comments

Mishlei 19:17

Play

יז  מַלְוֵה יְהוָה, חוֹנֵן דָּל;    וּגְמֻלוֹ, יְשַׁלֶּם-לוֹ.

יח  יַסֵּר בִּנְךָ, כִּי-יֵשׁ תִּקְוָה;    וְאֶל-הֲמִיתוֹ, אַל-תִּשָּׂא נַפְשֶׁךָ.

יט  גרל- (גְּדָל-) חֵמָה, נֹשֵׂא עֹנֶשׁ:    כִּי אִם-תַּצִּיל, וְעוֹד תּוֹסִף.

כ  שְׁמַע עֵצָה, וְקַבֵּל מוּסָר–    לְמַעַן, תֶּחְכַּם בְּאַחֲרִיתֶךָ.

כא  רַבּוֹת מַחֲשָׁבוֹת בְּלֶב-אִישׁ;    וַעֲצַת יְהוָה, הִיא תָקוּם.

Jan 21, 2015 - Mishlei    No Comments

Mishlei 19:11

Play

יא  שֵׂכֶל אָדָם, הֶאֱרִיךְ אַפּוֹ;    וְתִפְאַרְתּוֹ, עֲבֹר עַל-פָּשַׁע.

יב  נַהַם כַּכְּפִיר, זַעַף מֶלֶךְ;    וּכְטַל עַל-עֵשֶׂב רְצוֹנוֹ.

יג  הַוּ‍ֹת לְאָבִיו, בֵּן כְּסִיל;    וְדֶלֶף טֹרֵד, מִדְיְנֵי אִשָּׁה.

יד  בַּיִת וָהוֹן, נַחֲלַת אָבוֹת;    וּמֵיְהוָה, אִשָּׁה מַשְׂכָּלֶת.

טו  עַצְלָה, תַּפִּיל תַּרְדֵּמָה;    וְנֶפֶשׁ רְמִיָּה תִרְעָב.

טז  שֹׁמֵר מִצְוָה, שֹׁמֵר נַפְשׁוֹ;    בּוֹזֵה דְרָכָיו יומת (יָמוּת).

Jan 20, 2015 - Mishlei    No Comments

Mishlei 19:4

Play

ד  הוֹן–יֹסִיף, רֵעִים רַבִּים;    וְדָל, מֵרֵעֵהוּ יִפָּרֵד.

ה  עֵד שְׁקָרִים, לֹא יִנָּקֶה;    וְיָפִיחַ כְּזָבִים, לֹא יִמָּלֵט.

ו  רַבִּים, יְחַלּוּ פְנֵי-נָדִיב;    וְכָל-הָרֵעַ, לְאִישׁ מַתָּן.

ז  כָּל אֲחֵי-רָשׁ, שְׂנֵאֻהוּ–    אַף כִּי מְרֵעֵהוּ, רָחֲקוּ מִמֶּנּוּ;  מְרַדֵּף אֲמָרִים    לא- (לוֹ-) הֵמָּה.

ח  קֹנֶה-לֵּב, אֹהֵב נַפְשׁוֹ;    שֹׁמֵר תְּבוּנָה, לִמְצֹא-טוֹב.

ט  עֵד שְׁקָרִים, לֹא יִנָּקֶה;    וְיָפִיחַ כְּזָבִים יֹאבֵד.

י  לֹא-נָאוֶה לִכְסִיל תַּעֲנוּג;    אַף, כִּי-לְעֶבֶד מְשֹׁל בְּשָׂרִים.

Jan 16, 2015 - Mishlei    No Comments

Mishlei 18:21

Play

כא  מָוֶת וְחַיִּים, בְּיַד-לָשׁוֹן;    וְאֹהֲבֶיהָ, יֹאכַל פִּרְיָהּ.

כב  מָצָא אִשָּׁה, מָצָא טוֹב;    וַיָּפֶק רָצוֹן, מֵיְהוָה.

כג  תַּחֲנוּנִים יְדַבֶּר-רָשׁ;    וְעָשִׁיר, יַעֲנֶה עַזּוֹת.

כד  אִישׁ רֵעִים, לְהִתְרֹעֵעַ;    וְיֵשׁ אֹהֵב, דָּבֵק מֵאָח.

פרק יט

א  טוֹב-רָשׁ, הוֹלֵךְ בְּתֻמּוֹ–    מֵעִקֵּשׁ שְׂפָתָיו, וְהוּא כְסִיל.

ב  גַּם בְּלֹא-דַעַת נֶפֶשׁ לֹא-טוֹב;    וְאָץ בְּרַגְלַיִם חוֹטֵא.

ג  אִוֶּלֶת אָדָם, תְּסַלֵּף דַּרְכּוֹ;    וְעַל-יְהוָה, יִזְעַף לִבּוֹ.

Jan 15, 2015 - Mishlei    No Comments

Mishlei 18:17

Play

יז  צַדִּיק הָרִאשׁוֹן בְּרִיבוֹ;    יבא- (וּבָא-) רֵעֵהוּ, וַחֲקָרוֹ.

יח  מִדְיָנִים, יַשְׁבִּית הַגּוֹרָל;    וּבֵין עֲצוּמִים יַפְרִיד.

יט  אָח–נִפְשָׁע מִקִּרְיַת-עֹז;    ומדונים (וּמִדְיָנִים), כִּבְרִיחַ אַרְמוֹן.

כ  מִפְּרִי פִי-אִישׁ, תִּשְׂבַּע בִּטְנוֹ;    תְּבוּאַת שְׂפָתָיו יִשְׂבָּע.

כא  מָוֶת וְחַיִּים, בְּיַד-לָשׁוֹן;    וְאֹהֲבֶיהָ, יֹאכַל פִּרְיָהּ.

Jan 14, 2015 - Mishlei    No Comments

Mishlei 18:10

Play

י  מִגְדַּל-עֹז, שֵׁם יְהוָה;    בּוֹ-יָרוּץ צַדִּיק וְנִשְׂגָּב.

יא  הוֹן עָשִׁיר, קִרְיַת עֻזּוֹ;    וּכְחוֹמָה נִשְׂגָּבָה, בְּמַשְׂכִּתוֹ.

יב  לִפְנֵי-שֶׁבֶר, יִגְבַּהּ לֶב-אִישׁ;    וְלִפְנֵי כָבוֹד עֲנָוָה.

יג  מֵשִׁיב דָּבָר, בְּטֶרֶם יִשְׁמָע–    אִוֶּלֶת הִיא-לוֹ, וּכְלִמָּה.

יד  רוּחַ-אִישׁ, יְכַלְכֵּל מַחֲלֵהוּ;    וְרוּחַ נְכֵאָה, מִי יִשָּׂאֶנָּה.

טו  לֵב נָבוֹן, יִקְנֶה-דָּעַת;    וְאֹזֶן חֲכָמִים, תְּבַקֶּשׁ-דָּעַת.

טז  מַתָּן אָדָם, יַרְחִיב לוֹ;    וְלִפְנֵי גְדֹלִים יַנְחֶנּוּ.

Jan 13, 2015 - Mishlei    No Comments

Mishlei 18:2

Play

ב  לֹא-יַחְפֹּץ כְּסִיל, בִּתְבוּנָה:    כִּי, אִם-בְּהִתְגַּלּוֹת לִבּוֹ.

ג  בְּבוֹא-רָשָׁע, בָּא גַם-בּוּז;    וְעִם-קָלוֹן חֶרְפָּה.

ד  מַיִם עֲמֻקִּים, דִּבְרֵי פִי-אִישׁ;    נַחַל נֹבֵעַ, מְקוֹר חָכְמָה.

ה  שְׂאֵת פְּנֵי-רָשָׁע לֹא-טוֹב–    לְהַטּוֹת צַדִּיק, בַּמִּשְׁפָּט.

ו  שִׂפְתֵי כְסִיל, יָבֹאוּ בְרִיב;    וּפִיו, לְמַהֲלֻמוֹת יִקְרָא.

ז  פִּי-כְסִיל, מְחִתָּה-לוֹ;    וּשְׂפָתָיו, מוֹקֵשׁ נַפְשׁוֹ.

ח  דִּבְרֵי נִרְגָּן, כְּמִתְלַהֲמִים;    וְהֵם, יָרְדוּ חַדְרֵי-בָטֶן.

ט  גַּם, מִתְרַפֶּה בִמְלַאכְתּוֹ–    אָח הוּא, לְבַעַל מַשְׁחִית.

Jan 12, 2015 - Mishlei    No Comments

Mishlei 17:26

Play

כו  גַּם עֲנוֹשׁ לַצַּדִּיק לֹא-טוֹב–    לְהַכּוֹת נְדִיבִים עַל-יֹשֶׁר.

כז  חוֹשֵׂךְ אֲמָרָיו, יוֹדֵעַ דָּעַת;    וקר- (יְקַר-) רוּחַ, אִישׁ תְּבוּנָה.

כח  גַּם אֱוִיל מַחֲרִישׁ, חָכָם יֵחָשֵׁב;    אֹטֵם שְׂפָתָיו נָבוֹן.

פרק יח

א  לְתַאֲוָה, יְבַקֵּשׁ נִפְרָד;    בְּכָל-תּוּשִׁיָּה, יִתְגַּלָּע.

Jan 9, 2015 - Mishlei    No Comments

Mishlei 17:19

Play

יט  אֹהֵב פֶּשַׁע, אֹהֵב מַצָּה;    מַגְבִּיהַּ פִּתְחוֹ, מְבַקֶּשׁ-שָׁבֶר.

כ  עִקֶּשׁ-לֵב, לֹא יִמְצָא-טוֹב;    וְנֶהְפָּךְ בִּלְשׁוֹנוֹ, יִפּוֹל בְּרָעָה.

כא  יֹלֵד כְּסִיל, לְתוּגָה לוֹ;    וְלֹא-יִשְׂמַח, אֲבִי נָבָל.

כב  לֵב שָׂמֵחַ, יֵיטִיב גֵּהָה;    וְרוּחַ נְכֵאָה, תְּיַבֶּשׁ-גָּרֶם.

כג  שֹׁחַד מֵחֵק, רָשָׁע יִקָּח–    לְהַטּוֹת, אָרְחוֹת מִשְׁפָּט.

כד  אֶת-פְּנֵי מֵבִין חָכְמָה;    וְעֵינֵי כְסִיל, בִּקְצֵה-אָרֶץ.

כה  כַּעַס לְאָבִיו, בֵּן כְּסִיל;    וּמֶמֶר, לְיוֹלַדְתּוֹ.

Pages:«1...567891011...17»