May 13, 2013 - Divrei Hayamim    No Comments

Divrei Hayamim I 2:9 (1)

Play

ט וּבְנֵי חֶצְרוֹן, אֲשֶׁר נוֹלַד-לוֹ–אֶת-יְרַחְמְאֵל וְאֶת-רָם, וְאֶת-כְּלוּבָי.

י וְרָם, הוֹלִיד אֶת-עַמִּינָדָב; וְעַמִּינָדָב הוֹלִיד אֶת-נַחְשׁוֹן, נְשִׂיא בְּנֵי יְהוּדָה.

יא וְנַחְשׁוֹן הוֹלִיד אֶת-שַׂלְמָא, וְשַׂלְמָא הוֹלִיד אֶת-בֹּעַז.

יב וּבֹעַז הוֹלִיד אֶת-עוֹבֵד, וְעוֹבֵד הוֹלִיד אֶת-יִשָׁי.

יג וְאִישַׁי הוֹלִיד אֶת-בְּכֹרוֹ, אֶת-אֱלִיאָב–וַאֲבִינָדָב, הַשֵּׁנִי, וְשִׁמְעָא, הַשְּׁלִשִׁי.

יד נְתַנְאֵל, הָרְבִיעִי, רַדַּי, הַחֲמִישִׁי.

טו אֹצֶם, הַשִּׁשִּׁי, דָּוִיד, הַשְּׁבִעִי.

טז וְאַחְיֹתֵיהֶם, צְרוּיָה וַאֲבִיגָיִל; וּבְנֵי צְרוּיָה, אַבְשַׁי וְיוֹאָב וַעֲשָׂהאֵל–שְׁלֹשָׁה.

יז וַאֲבִיגַיִל, יָלְדָה אֶת-עֲמָשָׂא; וַאֲבִי עֲמָשָׂא, יֶתֶר הַיִּשְׁמְעֵאלִי.

יח וְכָלֵב בֶּן-חֶצְרוֹן, הוֹלִיד אֶת-עֲזוּבָה אִשָּׁה–וְאֶת-יְרִיעוֹת; וְאֵלֶּה בָנֶיהָ, יֵשֶׁר וְשׁוֹבָב וְאַרְדּוֹן.

יט וַתָּמָת, עֲזוּבָה; וַיִּקַּח-לוֹ כָלֵב אֶת-אֶפְרָת, וַתֵּלֶד לוֹ אֶת-חוּר.

כ וְחוּר הוֹלִיד אֶת-אוּרִי, וְאוּרִי הוֹלִיד אֶת-בְּצַלְאֵל.  {ס}

VN:F [1.9.21_1169]
Rating: 5.0/5 (1 vote cast)
Divrei Hayamim I 2:9 (1), 5.0 out of 5 based on 1 rating