Nov 12, 2013 - Divrei Hayamim    No Comments

Divrei Hayamim II 4:14

Play

יד וְאֶת-הַמְּכֹנוֹת, עָשָׂה; וְאֶת-הַכִּיֹּרוֹת עָשָׂה, עַל-הַמְּכֹנוֹת.

טו אֶת-הַיָּם, אֶחָד; וְאֶת-הַבָּקָר שְׁנֵים-עָשָׂר, תַּחְתָּיו.

טז וְאֶת-הַסִּירוֹת וְאֶת-הַיָּעִים וְאֶת-הַמִּזְלָגוֹת, וְאֶת-כָּל-כְּלֵיהֶם, עָשָׂה חוּרָם אָבִיו לַמֶּלֶךְ שְׁלֹמֹה, לְבֵית יְהוָה–נְחֹשֶׁת, מָרוּק.

יז בְּכִכַּר הַיַּרְדֵּן יְצָקָם הַמֶּלֶךְ, בַּעֲבִי הָאֲדָמָה, בֵּין סֻכּוֹת, וּבֵין צְרֵדָתָה.

יח וַיַּעַשׂ שְׁלֹמֹה כָּל-הַכֵּלִים הָאֵלֶּה, לָרֹב מְאֹד:  כִּי לֹא נֶחְקַר, מִשְׁקַל הַנְּחֹשֶׁת.  {ס}

יט וַיַּעַשׂ שְׁלֹמֹה–אֵת כָּל-הַכֵּלִים, אֲשֶׁר בֵּית הָאֱלֹהִים; וְאֵת, מִזְבַּח הַזָּהָב, וְאֶת-הַשֻּׁלְחָנוֹת, וַעֲלֵיהֶם לֶחֶם הַפָּנִים.

כ וְאֶת-הַמְּנֹרוֹת וְנֵרֹתֵיהֶם, לְבַעֲרָם כַּמִּשְׁפָּט לִפְנֵי הַדְּבִיר–זָהָב סָגוּר.

כא וְהַפֶּרַח וְהַנֵּרוֹת וְהַמֶּלְקַחַיִם, זָהָב; הוּא, מִכְלוֹת זָהָב.

כב וְהַמְזַמְּרוֹת וְהַמִּזְרָקוֹת וְהַכַּפּוֹת וְהַמַּחְתּוֹת, זָהָב סָגוּר; וּפֶתַח הַבַּיִת דַּלְתוֹתָיו הַפְּנִימִיּוֹת לְקֹדֶשׁ הַקֳּדָשִׁים, וְדַלְתֵי הַבַּיִת לַהֵיכָל–זָהָב.

VN:F [1.9.21_1169]
Rating: 0.0/5 (0 votes cast)