Divrei Hayamim II 6:38
Podcast: Play in new window | Download (Duration: 1:11:24 — 24.5MB)
לח וְשָׁבוּ אֵלֶיךָ, בְּכָל-לִבָּם וּבְכָל-נַפְשָׁם, בְּאֶרֶץ שִׁבְיָם, אֲשֶׁר-שָׁבוּ אֹתָם; וְהִתְפַּלְלוּ, דֶּרֶךְ אַרְצָם אֲשֶׁר נָתַתָּה לַאֲבוֹתָם, וְהָעִיר אֲשֶׁר בָּחַרְתָּ, וְלַבַּיִת אֲשֶׁר-בָּנִיתִי לִשְׁמֶךָ.
לט וְשָׁמַעְתָּ מִן-הַשָּׁמַיִם מִמְּכוֹן שִׁבְתְּךָ, אֶת-תְּפִלָּתָם וְאֶת-תְּחִנֹּתֵיהֶם, וְעָשִׂיתָ, מִשְׁפָּטָם; וְסָלַחְתָּ לְעַמְּךָ, אֲשֶׁר חָטְאוּ-לָךְ.
מ עַתָּה אֱלֹהַי, יִהְיוּ-נָא עֵינֶיךָ פְּתֻחוֹת, וְאָזְנֶיךָ, קַשֻּׁבוֹת–לִתְפִלַּת, הַמָּקוֹם הַזֶּה. {ס}
מא וְעַתָּה, קוּמָה יְהוָה אֱלֹהִים לְנוּחֶךָ–אַתָּה, וַאֲרוֹן עֻזֶּךָ; כֹּהֲנֶיךָ יְהוָה אֱלֹהִים, יִלְבְּשׁוּ תְשׁוּעָה, וַחֲסִידֶיךָ, יִשְׂמְחוּ בַטּוֹב.
מב יְהוָה אֱלֹהִים, אַל-תָּשֵׁב פְּנֵי מְשִׁיחֶךָ: זָכְרָה, לְחַסְדֵי דָּוִיד עַבְדֶּךָ. {פ}