Dec 3, 2013 - Divrei Hayamim    No Comments

Divrei Hayamim II 9:13

Play

יג וַיְהִי מִשְׁקַל הַזָּהָב, אֲשֶׁר-בָּא לִשְׁלֹמֹה בְּשָׁנָה אֶחָת–שֵׁשׁ מֵאוֹת וְשִׁשִּׁים וָשֵׁשׁ, כִּכְּרֵי זָהָב.

יד לְבַד מֵאַנְשֵׁי הַתָּרִים וְהַסֹּחֲרִים, מְבִיאִים; וְכָל-מַלְכֵי עֲרַב וּפַחוֹת הָאָרֶץ, מְבִיאִים זָהָב וָכֶסֶף לִשְׁלֹמֹה.

טו וַיַּעַשׂ הַמֶּלֶךְ שְׁלֹמֹה מָאתַיִם צִנָּה, זָהָב שָׁחוּט:  שֵׁשׁ מֵאוֹת זָהָב שָׁחוּט, יַעֲלֶה עַל-הַצִּנָּה הָאֶחָת.

טז וּשְׁלֹשׁ-מֵאוֹת מָגִנִּים, זָהָב שָׁחוּט–שְׁלֹשׁ מֵאוֹת זָהָב, יַעֲלֶה עַל-הַמָּגֵן הָאֶחָת; וַיִּתְּנֵם הַמֶּלֶךְ, בְּבֵית יַעַר הַלְּבָנוֹן.

יז וַיַּעַשׂ הַמֶּלֶךְ כִּסֵּא-שֵׁן, גָּדוֹל; וַיְצַפֵּהוּ, זָהָב טָהוֹר.

יח וְשֵׁשׁ מַעֲלוֹת לַכִּסֵּא וְכֶבֶשׁ בַּזָּהָב לַכִּסֵּא, מָאֳחָזִים, וְיָדוֹת מִזֶּה וּמִזֶּה, עַל-מְקוֹם הַשָּׁבֶת; וּשְׁנַיִם אֲרָיוֹת, עֹמְדִים אֵצֶל הַיָּדוֹת.

יט וּשְׁנֵים עָשָׂר אֲרָיוֹת, עֹמְדִים שָׁם עַל-שֵׁשׁ הַמַּעֲלוֹת–מִזֶּה וּמִזֶּה; לֹא-נַעֲשָׂה כֵן, לְכָל-מַמְלָכָה.

VN:F [1.9.21_1169]
Rating: 0.0/5 (0 votes cast)