Apr 11, 2014 - Iyov    No Comments

Iyov 13:7

Play

ז  הַלְאֵל, תְּדַבְּרוּ עַוְלָה;    וְלוֹ, תְּדַבְּרוּ רְמִיָּה.

ח  הֲפָנָיו תִּשָּׂאוּן;    אִם-לָאֵל תְּרִיבוּן.

ט  הֲטוֹב, כִּי-יַחְקֹר אֶתְכֶם;    אִם-כְּהָתֵל בֶּאֱנוֹשׁ, תְּהָתֵלּוּ בוֹ.

י  הוֹכֵחַ יוֹכִיחַ אֶתְכֶם–    אִם-בַּסֵּתֶר, פָּנִים תִּשָּׂאוּן.

יא  הֲלֹא שְׂאֵתוֹ, תְּבַעֵת אֶתְכֶם;    וּפַחְדּוֹ, יִפֹּל עֲלֵיכֶם.

יב  זִכְרֹנֵיכֶם, מִשְׁלֵי-אֵפֶר;    לְגַבֵּי-חֹמֶר, גַּבֵּיכֶם.

יג  הַחֲרִישׁוּ מִמֶּנִּי, וַאֲדַבְּרָה-אָנִי;    וְיַעֲבֹר עָלַי מָה.

יד  עַל-מָה, אֶשָּׂא בְשָׂרִי בְשִׁנָּי;    וְנַפְשִׁי, אָשִׂים בְּכַפִּי.

טו  הֵן יִקְטְלֵנִי, לא (לוֹ) אֲיַחֵל;    אַךְ-דְּרָכַי, אֶל-פָּנָיו אוֹכִיחַ.

VN:F [1.9.21_1169]
Rating: 5.0/5 (1 vote cast)
Iyov 13:7, 5.0 out of 5 based on 1 rating