Apr 28, 2014 - Iyov    No Comments

Iyov 14:14

Play

יד  אִם-יָמוּת גֶּבֶר,    הֲיִחְיֶה:  כָּל-יְמֵי צְבָאִי אֲיַחֵל–    עַד-בּוֹא, חֲלִיפָתִי.

טו  תִּקְרָא, וְאָנֹכִי אֶעֱנֶךָּ;    לְמַעֲשֵׂה יָדֶיךָ תִכְסֹף.

טז  כִּי-עַתָּה, צְעָדַי תִּסְפּוֹר;    לֹא-תִשְׁמֹר, עַל-חַטָּאתִי.

יז  חָתֻם בִּצְרוֹר פִּשְׁעִי;    וַתִּטְפֹּל, עַל-עֲו‍ֹנִי.

יח  וְאוּלָם, הַר-נוֹפֵל יִבּוֹל;    וְצוּר, יֶעְתַּק מִמְּקֹמוֹ.

יט  אֲבָנִים, שָׁחֲקוּ מַיִם–    תִּשְׁטֹף-סְפִיחֶיהָ עֲפַר-אָרֶץ;   וְתִקְוַת אֱנוֹשׁ    הֶאֱבַדְתָּ.

כ  תִּתְקְפֵהוּ לָנֶצַח, וַיַּהֲלֹךְ;    מְשַׁנֶּה פָנָיו, וַתְּשַׁלְּחֵהוּ.

כא  יִכְבְּדוּ בָנָיו, וְלֹא יֵדָע;    וְיִצְעֲרוּ, וְלֹא-יָבִין לָמוֹ.

VN:F [1.9.21_1169]
Rating: 5.0/5 (1 vote cast)
Iyov 14:14, 5.0 out of 5 based on 1 rating