May 22, 2014 - Iyov No Comments
Iyov 21:31
Podcast: Play in new window | Download (Duration: 1:01:05 — 21.0MB)
לא מִי-יַגִּיד עַל-פָּנָיו דַּרְכּוֹ; וְהוּא-עָשָׂה, מִי יְשַׁלֶּם-לוֹ.
לב וְהוּא, לִקְבָרוֹת יוּבָל; וְעַל-גָּדִישׁ יִשְׁקוֹד.
לג מָתְקוּ-לוֹ, רִגְבֵי-נָחַל: וְאַחֲרָיו, כָּל-אָדָם יִמְשׁוֹךְ; וּלְפָנָיו, אֵין מִסְפָּר.
לד וְאֵיךְ, תְּנַחֲמוּנִי הָבֶל; וּתְשׁוּבֹתֵיכֶם, נִשְׁאַר-מָעַל.
פרק כב
א וַיַּעַן, אֱלִיפַז הַתֵּמָנִי; וַיֹּאמַר.
ב הַלְאֵל יִסְכָּן-גָּבֶר– כִּי-יִסְכֹּן עָלֵימוֹ מַשְׂכִּיל.
ג הַחֵפֶץ לְשַׁדַּי, כִּי תִצְדָּק; וְאִם-בֶּצַע, כִּי-תַתֵּם דְּרָכֶיךָ.
ד הֲמִיִּרְאָתְךָ יֹכִיחֶךָ; יָבוֹא עִמְּךָ, בַּמִּשְׁפָּט.
ה הֲלֹא רָעָתְךָ רַבָּה; וְאֵין-קֵץ, לַעֲוֹנֹתֶיךָ.