Jun 12, 2014 - Iyov No Comments
Iyov 27:11
Podcast: Play in new window | Download (Duration: 1:01:22 — 21.1MB)
יא אוֹרֶה אֶתְכֶם בְּיַד-אֵל; אֲשֶׁר עִם-שַׁדַּי, לֹא אֲכַחֵד.
יב הֵן-אַתֶּם כֻּלְּכֶם חֲזִיתֶם; וְלָמָּה-זֶּה, הֶבֶל תֶּהְבָּלוּ.
יג זֶה, חֵלֶק-אָדָם רָשָׁע עִם-אֵל; וְנַחֲלַת עָרִיצִים, מִשַּׁדַּי יִקָּחוּ.
יד אִם-יִרְבּוּ בָנָיו לְמוֹ-חָרֶב; וְצֶאֱצָאָיו, לֹא יִשְׂבְּעוּ-לָחֶם.
טו שְׂרִידָו, בַּמָּוֶת יִקָּבֵרוּ; וְאַלְמְנֹתָיו, לֹא תִבְכֶּינָה.
טז אִם-יִצְבֹּר כֶּעָפָר כָּסֶף; וְכַחֹמֶר, יָכִין מַלְבּוּשׁ.
יז יָכִין, וְצַדִּיק יִלְבָּשׁ; וְכֶסֶף, נָקִי יַחֲלֹק.