Jul 14, 2014 - Iyov No Comments
Iyov 34:37
Podcast: Play in new window | Download (Duration: 1:04:29 — 22.1MB)
לז כִּי יֹסִיף עַל-חַטָּאתוֹ פֶשַׁע, בֵּינֵינוּ יִשְׂפּוֹק; וְיֶרֶב אֲמָרָיו לָאֵל.
פרק לה
א וַיַּעַן אֱלִיהוּ, וַיֹּאמַר.
ב הֲזֹאת, חָשַׁבְתָּ לְמִשְׁפָּט; אָמַרְתָּ, צִדְקִי מֵאֵל.
ג כִּי-תֹאמַר, מַה-יִּסְכָּן-לָךְ; מָה-אֹעִיל, מֵחַטָּאתִי.
ד אֲנִי, אֲשִׁיבְךָ מִלִּין– וְאֶת-רֵעֶיךָ עִמָּךְ.
ה הַבֵּט שָׁמַיִם וּרְאֵה; וְשׁוּר שְׁחָקִים, גָּבְהוּ מִמֶּךָּ.
ו אִם-חָטָאתָ, מַה-תִּפְעָל-בּוֹ; וְרַבּוּ פְשָׁעֶיךָ, מַה-תַּעֲשֶׂה-לּוֹ.
ז אִם-צָדַקְתָּ, מַה-תִּתֶּן-לוֹ; אוֹ מַה-מִּיָּדְךָ יִקָּח.
ח לְאִישׁ-כָּמוֹךָ רִשְׁעֶךָ; וּלְבֶן-אָדָם, צִדְקָתֶךָ.