Aug 14, 2014 - Iyov    No Comments

Iyov 40:9

Play

ט  וְאִם-זְרוֹעַ כָּאֵל לָךְ;    וּבְקוֹל, כָּמֹהוּ תַרְעֵם.

י  עֲדֵה נָא גָאוֹן וָגֹבַהּ;    וְהוֹד וְהָדָר תִּלְבָּשׁ.

יא  הָפֵץ, עֶבְרוֹת אַפֶּךָ;    וּרְאֵה כָל-גֵּאֶה, וְהַשְׁפִּילֵהוּ.

יב  רְאֵה כָל-גֵּאֶה, הַכְנִיעֵהוּ;    וַהֲדֹךְ רְשָׁעִים תַּחְתָּם.

יג  טָמְנֵם בֶּעָפָר יָחַד;    פְּנֵיהֶם, חֲבֹשׁ בַּטָּמוּן.

יד  וְגַם-אֲנִי אוֹדֶךָּ:    כִּי-תוֹשִׁעַ לְךָ יְמִינֶךָ.

טו  הִנֵּה-נָא בְהֵמוֹת, אֲשֶׁר-עָשִׂיתִי עִמָּךְ;    חָצִיר, כַּבָּקָר יֹאכֵל.

טז  הִנֵּה-נָא כֹחוֹ בְמָתְנָיו;    וְאוֹנוֹ, בִּשְׁרִירֵי בִטְנוֹ.

יז  יַחְפֹּץ זְנָבוֹ כְמוֹ-אָרֶז;    גִּידֵי פַחֲדָו יְשֹׂרָגוּ.

יח  עֲצָמָיו, אֲפִיקֵי נְחֻשָׁה;    גְּרָמָיו, כִּמְטִיל בַּרְזֶל.

VN:F [1.9.21_1169]
Rating: 5.0/5 (1 vote cast)
Iyov 40:9, 5.0 out of 5 based on 1 rating