Mar 14, 2014 - Iyov    No Comments

Iyov 5:17

Play

יז  הִנֵּה אַשְׁרֵי אֱנוֹשׁ, יוֹכִחֶנּוּ אֱלוֹהַּ;    וּמוּסַר שַׁדַּי, אַל-תִּמְאָס.

יח  כִּי הוּא יַכְאִיב וְיֶחְבָּשׁ;    יִמְחַץ, וְיָדָו תִּרְפֶּינָה.

יט  בְּשֵׁשׁ צָרוֹת, יַצִּילֶךָּ;    וּבְשֶׁבַע, לֹא-יִגַּע בְּךָ רָע.

כ  בְּרָעָב, פָּדְךָ מִמָּוֶת;    וּבְמִלְחָמָה, מִידֵי חָרֶב.

כא  בְּשׁוֹט לָשׁוֹן, תֵּחָבֵא;    וְלֹא-תִירָא מִשֹּׁד, כִּי יָבוֹא.

כב  לְשֹׁד וּלְכָפָן תִּשְׂחָק;    וּמֵחַיַּת הָאָרֶץ, אַל-תִּירָא.

כג  כִּי עִם-אַבְנֵי הַשָּׂדֶה בְרִיתֶךָ;    וְחַיַּת הַשָּׂדֶה, הָשְׁלְמָה-לָּךְ.

VN:F [1.9.21_1169]
Rating: 0.0/5 (0 votes cast)