Mar 21, 2014 - Iyov    No Comments

Iyov 6:22

Play

כב  הֲכִי-אָמַרְתִּי, הָבוּ לִי;    וּמִכֹּחֲכֶם, שִׁחֲדוּ בַעֲדִי.

כג  וּמַלְּטוּנִי מִיַּד-צָר;    וּמִיַּד עָרִיצִים תִּפְדּוּנִי.

כד  הוֹרוּנִי, וַאֲנִי אַחֲרִישׁ;    וּמַה-שָּׁגִיתִי, הָבִינוּ לִי.

כה  מַה-נִּמְרְצוּ אִמְרֵי-יֹשֶׁר;    וּמַה-יּוֹכִיחַ הוֹכֵחַ מִכֶּם.

כו  הַלְהוֹכַח מִלִּים תַּחְשֹׁבוּ;    וּלְרוּחַ, אִמְרֵי נֹאָשׁ.

כז  אַף-עַל-יָתוֹם תַּפִּילוּ;    וְתִכְרוּ, עַל-רֵיעֲכֶם.

כח  וְעַתָּה, הוֹאִילוּ פְנוּ-בִי;    וְעַל-פְּנֵיכֶם, אִם-אֲכַזֵּב.

כט  שׁוּבוּ-נָא, אַל-תְּהִי עַוְלָה;    ושבי (וְשֻׁבוּ) עוֹד, צִדְקִי-בָהּ.

ל  הֲיֵשׁ-בִּלְשׁוֹנִי עַוְלָה;    אִם-חִכִּי, לֹא-יָבִין הַוּוֹת.

פרק ז

א  הֲלֹא-צָבָא לֶאֱנוֹשׁ על- (עֲלֵי-) אָרֶץ;    וְכִימֵי שָׂכִיר יָמָיו.

ב  כְּעֶבֶד יִשְׁאַף-צֵל;    וּכְשָׂכִיר, יְקַוֶּה פָעֳלוֹ.

ג  כֵּן הָנְחַלְתִּי לִי, יַרְחֵי-שָׁוְא;    וְלֵילוֹת עָמָל, מִנּוּ-לִי.

ד  אִם-שָׁכַבְתִּי–    וְאָמַרְתִּי, מָתַי אָקוּם וּמִדַּד-עָרֶב;   וְשָׂבַעְתִּי נְדֻדִים    עֲדֵי-נָשֶׁף.

VN:F [1.9.21_1169]
Rating: 5.0/5 (1 vote cast)
Iyov 6:22, 5.0 out of 5 based on 1 rating