Sep 3, 2014 - Mishlei    No Comments

Mishlei 1:26

Play

כו  גַּם-אֲנִי, בְּאֵידְכֶם אֶשְׂחָק;    אֶלְעַג, בְּבֹא פַחְדְּכֶם.

כז  בְּבֹא כשאוה (כְשׁוֹאָה), פַּחְדְּכֶם–    וְאֵידְכֶם, כְּסוּפָה יֶאֱתֶה;  בְּבֹא עֲלֵיכֶם,    צָרָה וְצוּקָה.

כח  אָז יִקְרָאֻנְנִי, וְלֹא אֶעֱנֶה;    יְשַׁחֲרֻנְנִי, וְלֹא יִמְצָאֻנְנִי.

כט  תַּחַת, כִּי-שָׂנְאוּ דָעַת;    וְיִרְאַת יְהוָה, לֹא בָחָרוּ.

ל  לֹא-אָבוּ לַעֲצָתִי;    נָאֲצוּ, כָּל-תּוֹכַחְתִּי.

לא  וְיֹאכְלוּ, מִפְּרִי דַרְכָּם;    וּמִמֹּעֲצֹתֵיהֶם יִשְׂבָּעוּ.

לב  כִּי מְשׁוּבַת פְּתָיִם תַּהַרְגֵם;    וְשַׁלְוַת כְּסִילִים תְּאַבְּדֵם.

לג  וְשֹׁמֵעַ לִי, יִשְׁכָּן-בֶּטַח;    וְשַׁאֲנַן, מִפַּחַד רָעָה.

פרק ב

א  בְּנִי, אִם-תִּקַּח אֲמָרָי;    וּמִצְו‍ֹתַי, תִּצְפֹּן אִתָּךְ.

VN:F [1.9.21_1169]
Rating: 0.0/5 (0 votes cast)