Dec 3, 2014 - Mishlei    No Comments

Mishlei 12:26

Play

כו  יָתֵר מֵרֵעֵהוּ צַדִּיק;    וְדֶרֶךְ רְשָׁעִים תַּתְעֵם.

כז  לֹא-יַחֲרֹךְ רְמִיָּה צֵידוֹ;    וְהוֹן-אָדָם יָקָר חָרוּץ.

כח  בְּאֹרַח-צְדָקָה חַיִּים;    וְדֶרֶךְ נְתִיבָה אַל-מָוֶת.

פרק יג

א  בֵּן חָכָם, מוּסַר אָב;    וְלֵץ, לֹא-שָׁמַע גְּעָרָה.

ב  מִפְּרִי פִי-אִישׁ, יֹאכַל טוֹב;    וְנֶפֶשׁ בֹּגְדִים חָמָס.

ג  נֹצֵר פִּיו, שֹׁמֵר נַפְשׁוֹ;    פֹּשֵׂק שְׂפָתָיו, מְחִתָּה-לוֹ.

ד  מִתְאַוָּה וָאַיִן, נַפְשׁוֹ עָצֵל;    וְנֶפֶשׁ חָרֻצִים תְּדֻשָּׁן.

ה  דְּבַר-שֶׁקֶר, יִשְׂנָא צַדִּיק;    וְרָשָׁע, יַבְאִישׁ וְיַחְפִּיר.

ו  צְדָקָה, תִּצֹּר תָּם-דָּרֶךְ;    וְרִשְׁעָה, תְּסַלֵּף חַטָּאת.

ז  יֵשׁ מִתְעַשֵּׁר, וְאֵין כֹּל;    מִתְרוֹשֵׁשׁ, וְהוֹן רָב.

VN:F [1.9.21_1169]
Rating: 0.0/5 (0 votes cast)