Dec 25, 2014 - Mishlei    No Comments

Mishlei 15:23

Play

כג  שִׂמְחָה לָאִישׁ, בְּמַעֲנֵה-פִיו;    וְדָבָר בְּעִתּוֹ מַה-טּוֹב.

כד  אֹרַח חַיִּים, לְמַעְלָה לְמַשְׂכִּיל–    לְמַעַן סוּר, מִשְּׁאוֹל מָטָּה.

כה  בֵּית גֵּאִים, יִסַּח יְהוָה;    וְיַצֵּב, גְּבוּל אַלְמָנָה.

כו  תּוֹעֲבַת יְהוָה, מַחְשְׁבוֹת רָע;    וּטְהֹרִים, אִמְרֵי-נֹעַם.

כז  עֹכֵר בֵּיתוֹ, בּוֹצֵעַ בָּצַע;    וְשׂוֹנֵא מַתָּנֹת יִחְיֶה.

כח  לֵב צַדִּיק, יֶהְגֶּה לַעֲנוֹת;    וּפִי רְשָׁעִים, יַבִּיעַ רָעוֹת.

כט  רָחוֹק יְהוָה, מֵרְשָׁעִים;    וּתְפִלַּת צַדִּיקִים יִשְׁמָע.

ל  מְאוֹר-עֵינַיִם, יְשַׂמַּח-לֵב;    שְׁמוּעָה טוֹבָה, תְּדַשֶּׁן-עָצֶם.

VN:F [1.9.21_1169]
Rating: 0.0/5 (0 votes cast)