Jan 14, 2015 - Mishlei    No Comments

Mishlei 18:10

Play

י  מִגְדַּל-עֹז, שֵׁם יְהוָה;    בּוֹ-יָרוּץ צַדִּיק וְנִשְׂגָּב.

יא  הוֹן עָשִׁיר, קִרְיַת עֻזּוֹ;    וּכְחוֹמָה נִשְׂגָּבָה, בְּמַשְׂכִּתוֹ.

יב  לִפְנֵי-שֶׁבֶר, יִגְבַּהּ לֶב-אִישׁ;    וְלִפְנֵי כָבוֹד עֲנָוָה.

יג  מֵשִׁיב דָּבָר, בְּטֶרֶם יִשְׁמָע–    אִוֶּלֶת הִיא-לוֹ, וּכְלִמָּה.

יד  רוּחַ-אִישׁ, יְכַלְכֵּל מַחֲלֵהוּ;    וְרוּחַ נְכֵאָה, מִי יִשָּׂאֶנָּה.

טו  לֵב נָבוֹן, יִקְנֶה-דָּעַת;    וְאֹזֶן חֲכָמִים, תְּבַקֶּשׁ-דָּעַת.

טז  מַתָּן אָדָם, יַרְחִיב לוֹ;    וְלִפְנֵי גְדֹלִים יַנְחֶנּוּ.

VN:F [1.9.21_1169]
Rating: 0.0/5 (0 votes cast)