The Morning Kollel

Podcast: Play in new window | Download (Duration: 1:03:37 — 21.8MB)

Subscribe: Email | RSS

ט  בְּאָזְנֵי כְסִיל, אַל-תְּדַבֵּר:    כִּי-יָבוּז, לְשֵׂכֶל מִלֶּיךָ.

י  אַל-תַּסֵּג, גְּבוּל עוֹלָם;    וּבִשְׂדֵי יְתוֹמִים, אַל-תָּבֹא.

יא  כִּי-גֹאֲלָם חָזָק;    הוּא-יָרִיב אֶת-רִיבָם אִתָּךְ.

יב  הָבִיאָה לַמּוּסָר לִבֶּךָ;    וְאָזְנֶךָ, לְאִמְרֵי-דָעַת.

יג  אַל-תִּמְנַע מִנַּעַר מוּסָר:    כִּי-תַכֶּנּוּ בַשֵּׁבֶט, לֹא יָמוּת.

יד  אַתָּה, בַּשֵּׁבֶט תַּכֶּנּוּ;    וְנַפְשׁוֹ, מִשְּׁאוֹל תַּצִּיל.

טו  בְּנִי, אִם-חָכַם לִבֶּךָ–    יִשְׂמַח לִבִּי גַם-אָנִי.טז  וְתַעְלֹזְנָה כִלְיוֹתָי–    בְּדַבֵּר שְׂפָתֶיךָ, מֵישָׁרִים.

יז  אַל-יְקַנֵּא לִבְּךָ, בַּחַטָּאִים:    כִּי אִם-בְּיִרְאַת-יְהוָה, כָּל-הַיּוֹם.