Mar 2, 2015 - Mishlei    No Comments

Mishlei 24:6

Play

ו  כִּי בְתַחְבֻּלוֹת, תַּעֲשֶׂה-לְּךָ מִלְחָמָה;    וּתְשׁוּעָה, בְּרֹב יוֹעֵץ.

ז  רָאמוֹת לֶאֱוִיל חָכְמוֹת;    בַּשַּׁעַר, לֹא יִפְתַּח-פִּיהוּ.

ח  מְחַשֵּׁב לְהָרֵעַ–    לוֹ, בַּעַל-מְזִמּוֹת יִקְרָאוּ.

ט  זִמַּת אִוֶּלֶת חַטָּאת;    וְתוֹעֲבַת לְאָדָם לֵץ.

י  הִתְרַפִּיתָ, בְּיוֹם צָרָה–    צַר כֹּחֶכָה.

יא  הַצֵּל, לְקֻחִים לַמָּוֶת;    וּמָטִים לַהֶרֶג, אִם-תַּחְשׂוֹךְ.

יב  כִּי-תֹאמַר–    הֵן, לֹא-יָדַעְנוּ-זֶה:  הֲלֹא-תֹכֵן לִבּוֹת, הוּא-יָבִין, וְנֹצֵר נַפְשְׁךָ, הוּא יֵדָע;    וְהֵשִׁיב לְאָדָם כְּפָעֳלוֹ.

יג  אֱכָל-בְּנִי דְבַשׁ כִּי-טוֹב;    וְנֹפֶת מָתוֹק, עַל-חִכֶּךָ.

יד  כֵּן, דְּעֶה חָכְמָה–לְנַפְשֶׁךָ:    אִם-מָצָאתָ, וְיֵשׁ אַחֲרִית; וְתִקְוָתְךָ, לֹא תִכָּרֵת.

VN:F [1.9.21_1169]
Rating: 0.0/5 (0 votes cast)