Sep 29, 2014 - Mishlei    No Comments

Mishlei 4:16

Play

טז  כִּי לֹא יִשְׁנוּ, אִם-לֹא יָרֵעוּ;    וְנִגְזְלָה שְׁנָתָם, אִם-לֹא יכשולו (יַכְשִׁילוּ).

יז  כִּי לָחֲמוּ, לֶחֶם רֶשַׁע;    וְיֵין חֲמָסִים יִשְׁתּוּ.

יח  וְאֹרַח צַדִּיקִים, כְּאוֹר נֹגַהּ:    הוֹלֵךְ וָאוֹר, עַד-נְכוֹן הַיּוֹם.

יט  דֶּרֶךְ רְשָׁעִים, כָּאֲפֵלָה:    לֹא יָדְעוּ, בַּמֶּה יִכָּשֵׁלוּ.

כ  בְּנִי, לִדְבָרַי הַקְשִׁיבָה;    לַאֲמָרַי, הַט-אָזְנֶךָ.

כא  אַל-יַלִּיזוּ מֵעֵינֶיךָ;    שָׁמְרֵם, בְּתוֹךְ לְבָבֶךָ.

כב  כִּי-חַיִּים הֵם, לְמֹצְאֵיהֶם;    וּלְכָל-בְּשָׂרוֹ מַרְפֵּא.

כג  מִכָּל-מִשְׁמָר, נְצֹר לִבֶּךָ:    כִּי-מִמֶּנּוּ, תּוֹצְאוֹת חַיִּים.

VN:F [1.9.21_1169]
Rating: 0.0/5 (0 votes cast)