Oct 6, 2014 - Mishlei    No Comments

Mishlei 5:16

Play

טז  יָפוּצוּ מַעְיְנֹתֶיךָ חוּצָה;    בָּרְחֹבוֹת, פַּלְגֵי-מָיִם.

יז  יִהְיוּ-לְךָ לְבַדֶּךָ;    וְאֵין לְזָרִים אִתָּךְ.

יח  יְהִי-מְקוֹרְךָ בָרוּךְ;    וּשְׂמַח, מֵאֵשֶׁת נְעוּרֶךָ.

יט  אַיֶּלֶת אֲהָבִים,    וְיַעֲלַת-חֵן:  דַּדֶּיהָ, יְרַוֻּךָ בְכָל-עֵת;    בְּאַהֲבָתָהּ, תִּשְׁגֶּה תָמִיד.

כ  וְלָמָּה תִשְׁגֶּה בְנִי בְזָרָה;    וּתְחַבֵּק, חֵק נָכְרִיָּה.

כא  כִּי נֹכַח, עֵינֵי יְהוָה–דַּרְכֵי-אִישׁ;    וְכָל-מַעְגְּלֹתָיו מְפַלֵּס.

כב  עֲווֹנֹתָיו–יִלְכְּדֻנוֹ אֶת-הָרָשָׁע;    וּבְחַבְלֵי חַטָּאתוֹ, יִתָּמֵךְ.

כג  הוּא–יָמוּת, בְּאֵין מוּסָר;    וּבְרֹב אִוַּלְתּוֹ יִשְׁגֶּה.

פרק ו

א  בְּנִי, אִם-עָרַבְתָּ לְרֵעֶךָ;    תָּקַעְתָּ לַזָּר כַּפֶּיךָ.

ב  נוֹקַשְׁתָּ בְאִמְרֵי-פִיךָ;    נִלְכַּדְתָּ, בְּאִמְרֵי-פִיךָ.

VN:F [1.9.21_1169]
Rating: 0.0/5 (0 votes cast)