Oct 22, 2014 - Mishlei    No Comments

Mishlei 6:16

Play

טז  שֶׁשׁ-הֵנָּה, שָׂנֵא יְהוָה;    וְשֶׁבַע, תועבות (תּוֹעֲבַת) נַפְשׁוֹ.

יז  עֵינַיִם רָמוֹת, לְשׁוֹן שָׁקֶר;    וְיָדַיִם, שֹׁפְכוֹת דָּם-נָקִי.

יח  לֵב–חֹרֵשׁ, מַחְשְׁבוֹת אָוֶן;    רַגְלַיִם מְמַהֲרוֹת, לָרוּץ לָרָעָה.

יט  יָפִיחַ כְּזָבִים, עֵד שָׁקֶר;    וּמְשַׁלֵּחַ מְדָנִים, בֵּין אַחִים.

כ  נְצֹר בְּנִי, מִצְוַת אָבִיךָ;    וְאַל-תִּטֹּשׁ, תּוֹרַת אִמֶּךָ.

כא  קָשְׁרֵם עַל-לִבְּךָ תָמִיד;    עָנְדֵם, עַל-גַּרְגְּרֹתֶךָ.

כב  בְּהִתְהַלֶּכְךָ, תַּנְחֶה אֹתָךְ–    בְּשָׁכְבְּךָ, תִּשְׁמֹר עָלֶיךָ;  וַהֲקִיצוֹתָ,    הִיא תְשִׂיחֶךָ.

כג  כִּי נֵר מִצְוָה, וְתוֹרָה אוֹר;    וְדֶרֶךְ חַיִּים, תּוֹכְחוֹת מוּסָר.

VN:F [1.9.21_1169]
Rating: 0.0/5 (0 votes cast)