Apr 29, 2013 - Nechemia    No Comments

Nechemia 12:35

Play

לה וּמִבְּנֵי הַכֹּהֲנִים, בַּחֲצֹצְרוֹת–זְכַרְיָה בֶן-יוֹנָתָן בֶּן-שְׁמַעְיָה, בֶּן-מַתַּנְיָה בֶּן-מִיכָיָה, בֶּן-זַכּוּר, בֶּן-אָסָף.

לו וְאֶחָיו שְׁמַעְיָה וַעֲזַרְאֵל מִלְלַי גִּלְלַי מָעַי נְתַנְאֵל וִיהוּדָה, חֲנָנִי, בִּכְלֵי-שִׁיר דָּוִיד, אִישׁ הָאֱלֹהִים; וְעֶזְרָא הַסּוֹפֵר, לִפְנֵיהֶם.

לז וְעַל שַׁעַר הָעַיִן וְנֶגְדָּם, עָלוּ עַל-מַעֲלוֹת עִיר דָּוִיד, בַּמַּעֲלֶה, לַחוֹמָה:  מֵעַל לְבֵית דָּוִיד, וְעַד שַׁעַר הַמַּיִם מִזְרָח.

לח וְהַתּוֹדָה הַשֵּׁנִית הַהוֹלֶכֶת לְמוֹאל, וַאֲנִי אַחֲרֶיהָ; וַחֲצִי הָעָם מֵעַל לְהַחוֹמָה, מֵעַל לְמִגְדַּל הַתַּנּוּרִים, וְעַד, הַחוֹמָה הָרְחָבָה.

לט וּמֵעַל לְשַׁעַר-אֶפְרַיִם וְעַל-שַׁעַר הַיְשָׁנָה וְעַל-שַׁעַר הַדָּגִים, וּמִגְדַּל חֲנַנְאֵל וּמִגְדַּל הַמֵּאָה, וְעַד, שַׁעַר הַצֹּאן; וְעָמְדוּ, בְּשַׁעַר הַמַּטָּרָה.

מ וַתַּעֲמֹדְנָה שְׁתֵּי הַתּוֹדֹת, בְּבֵית הָאֱלֹהִים; וַאֲנִי, וַחֲצִי הַסְּגָנִים עִמִּי.

מא וְהַכֹּהֲנִים אֶלְיָקִים מַעֲשֵׂיָה מִנְיָמִין מִיכָיָה אֶלְיוֹעֵינַי, זְכַרְיָה חֲנַנְיָה–בַּחֲצֹצְרוֹת. 

מב וּמַעֲשֵׂיָה וּשְׁמַעְיָה וְאֶלְעָזָר וְעֻזִּי, וִיהוֹחָנָן וּמַלְכִּיָּה–וְעֵילָם וָעָזֶר; וַיַּשְׁמִיעוּ, הַמְשֹׁרְרִים, וְיִזְרַחְיָה, הַפָּקִיד.

Got anything to say? Go ahead and leave a comment!