May 11, 2012 - Yeshayahu    No Comments

Yeshayahu 32:5

Play

ה לֹא-יִקָּרֵא עוֹד לְנָבָל, נָדִיב; וּלְכִילַי, לֹא יֵאָמֵר שׁוֹעַ

ו כִּי נָבָל נְבָלָה יְדַבֵּר, וְלִבּוֹ יַעֲשֶׂה-אָוֶן–לַעֲשׂוֹת חֹנֶף, וּלְדַבֵּר אֶל-יְהוָה תּוֹעָה, לְהָרִיק נֶפֶשׁ רָעֵב, וּמַשְׁקֶה צָמֵא יַחְסִיר

ז וְכֵלַי, כֵּלָיו רָעִים; הוּא, זִמּוֹת יָעָץ, לְחַבֵּל ענוים (עֲנִיִּים) בְּאִמְרֵי-שֶׁקֶר, וּבְדַבֵּר אֶבְיוֹן מִשְׁפָּט

ח וְנָדִיב, נְדִיבוֹת יָעָץ; וְהוּא, עַל-נְדִיבוֹת יָקוּם

ט נָשִׁים, שַׁאֲנַנּוֹת–קֹמְנָה, שְׁמַעְנָה קוֹלִי; בָּנוֹת, בֹּטְחוֹת–הַאְזֵנָּה, אִמְרָתִי

י יָמִים, עַל-שָׁנָה, תִּרְגַּזְנָה, בֹּטְחוֹת:  כִּי כָּלָה בָצִיר, אֹסֶף בְּלִי יָבוֹא

יא חִרְדוּ, שַׁאֲנַנּוֹת, רְגָזָה, בֹּטְחוֹת; פְּשֹׁטָה וְעֹרָה, וַחֲגוֹרָה עַל-חֲלָצָיִם

יב עַל-שָׁדַיִם, סֹפְדִים; עַל-שְׂדֵי-חֶמֶד, עַל-גֶּפֶן פֹּרִיָּה

יג עַל אַדְמַת עַמִּי, קוֹץ שָׁמִיר תַּעֲלֶה:  כִּי עַל-כָּל-בָּתֵּי מָשׂוֹשׂ, קִרְיָה עַלִּיזָה

VN:F [1.9.21_1169]
Rating: 0.0/5 (0 votes cast)