Browsing "Iyov"
May 28, 2014 - Iyov    No Comments

Iyov 23:7

Play

ז  שָׁם–יָשָׁר, נוֹכָח עִמּוֹ;    וַאֲפַלְּטָה לָנֶצַח, מִשֹּׁפְטִי.

ח  הֵן קֶדֶם אֶהֱלֹךְ וְאֵינֶנּוּ;    וְאָחוֹר, וְלֹא-אָבִין לוֹ.

ט  שְׂמֹאול בַּעֲשֹׂתוֹ, וְלֹא-אָחַז;    יַעְטֹף יָמִין, וְלֹא אֶרְאֶה.

י  כִּי-יָדַע, דֶּרֶךְ עִמָּדִי;    בְּחָנַנִי, כַּזָּהָב אֵצֵא.

יא  בַּאֲשֻׁרוֹ, אָחֲזָה רַגְלִי;    דַּרְכּוֹ שָׁמַרְתִּי וְלֹא-אָט.

יב  מִצְוַת שְׂפָתָיו, וְלֹא אָמִישׁ;    מֵחֻקִּי, צָפַנְתִּי אִמְרֵי-פִיו.

יג  וְהוּא בְאֶחָד, וּמִי יְשִׁיבֶנּוּ;    וְנַפְשׁוֹ אִוְּתָה וַיָּעַשׂ.

יד  כִּי, יַשְׁלִים חֻקִּי;    וְכָהֵנָּה רַבּוֹת עִמּוֹ.

טו  עַל-כֵּן, מִפָּנָיו אֶבָּהֵל;    אֶתְבּוֹנֵן, וְאֶפְחַד מִמֶּנּוּ.

טז  וְאֵל, הֵרַךְ לִבִּי;    וְשַׁדַּי, הִבְהִילָנִי.

יז  כִּי-לֹא נִצְמַתִּי, מִפְּנֵי-חֹשֶׁךְ;    וּמִפָּנַי, כִּסָּה-אֹפֶל.

May 27, 2014 - Iyov    No Comments

Iyov 22:27

Play

כז  תַּעְתִּיר אֵלָיו, וְיִשְׁמָעֶךָּ;    וּנְדָרֶיךָ תְשַׁלֵּם.

כח  וְתִגְזַר-אֹמֶר, וְיָקָם לָךְ;    וְעַל-דְּרָכֶיךָ, נָגַהּ אוֹר.

כט  כִּי-הִשְׁפִּילוּ, וַתֹּאמֶר גֵּוָה;    וְשַׁח עֵינַיִם יוֹשִׁעַ.

ל  יְמַלֵּט אִי-נָקִי;    וְנִמְלַט, בְּבֹר כַּפֶּיךָ.

פרק כג

א    וַיַּעַן אִיּוֹב, וַיֹּאמַר.

ב  גַּם-הַיּוֹם, מְרִי שִׂחִי;    יָדִי, כָּבְדָה עַל-אַנְחָתִי.

ג  מִי-יִתֵּן יָדַעְתִּי, וְאֶמְצָאֵהוּ;    אָבוֹא, עַד-תְּכוּנָתוֹ.

ד  אֶעֶרְכָה לְפָנָיו מִשְׁפָּט;    וּפִי, אֲמַלֵּא תוֹכָחוֹת.

ה  אֵדְעָה, מִלִּים יַעֲנֵנִי;    וְאָבִינָה, מַה-יֹּאמַר לִי.

ו  הַבְּרָב-כֹּחַ, יָרִיב עִמָּדִי;    לֹא אַךְ-הוּא, יָשִׂם בִּי.

May 26, 2014 - Iyov    No Comments

Iyov 22:17

Play

יז  הָאֹמְרִים לָאֵל, סוּר מִמֶּנּוּ;    וּמַה-יִּפְעַל שַׁדַּי לָמוֹ.

יח  וְהוּא מִלֵּא בָתֵּיהֶם טוֹב;    וַעֲצַת רְשָׁעִים, רָחֲקָה מֶנִּי.

יט  יִרְאוּ צַדִּיקִים וְיִשְׂמָחוּ;    וְנָקִי, יִלְעַג-לָמוֹ.

כ  אִם-לֹא נִכְחַד קִימָנוּ;    וְיִתְרָם, אָכְלָה אֵשׁ.

כא  הַסְכֶּן-נָא עִמּוֹ וּשְׁלָם;    בָּהֶם, תְּבוֹאַתְךָ טוֹבָה.

כב  קַח-נָא מִפִּיו תּוֹרָה;    וְשִׂים אֲמָרָיו, בִּלְבָבֶךָ.

כג  אִם-תָּשׁוּב עַד-שַׁדַּי, תִּבָּנֶה;    תַּרְחִיק עַוְלָה, מֵאָהֳלֶךָ.

כד  וְשִׁית-עַל-עָפָר בָּצֶר;    וּכְצוּר נְחָלִים אוֹפִיר.

כה  וְהָיָה שַׁדַּי בְּצָרֶיךָ;    וְכֶסֶף תּוֹעָפוֹת לָךְ.

כו  כִּי-אָז, עַל-שַׁדַּי תִּתְעַנָּג;    וְתִשָּׂא אֶל-אֱלוֹהַּ פָּנֶיךָ.

May 23, 2014 - Iyov    No Comments

Iyov 22:6

Play

ו  כִּי-תַחְבֹּל אַחֶיךָ חִנָּם;    וּבִגְדֵי עֲרוּמִּים תַּפְשִׁיט.

ז  לֹא-מַיִם, עָיֵף תַּשְׁקֶה;    וּמֵרָעֵב, תִּמְנַע-לָחֶם.

ח  וְאִישׁ זְרוֹעַ, לוֹ הָאָרֶץ;    וּנְשׂוּא פָנִים, יֵשֶׁב בָּהּ.

ט  אַלְמָנוֹת, שִׁלַּחְתָּ רֵיקָם;    וּזְרֹעוֹת יְתֹמִים יְדֻכָּא.

י  עַל-כֵּן, סְבִיבוֹתֶיךָ פַחִים;    וִיבַהֶלְךָ, פַּחַד פִּתְאֹם.

יא  אוֹ-חֹשֶׁךְ לֹא-תִרְאֶה;    וְשִׁפְעַת-מַיִם תְּכַסֶּךָּ.

יב  הֲלֹא-אֱלוֹהַּ, גֹּבַהּ שָׁמָיִם;    וּרְאֵה רֹאשׁ כּוֹכָבִים כִּי-רָמּוּ.

יג  וְאָמַרְתָּ, מַה-יָּדַע אֵל;    הַבְעַד עֲרָפֶל יִשְׁפּוֹט.

יד  עָבִים סֵתֶר-לוֹ, וְלֹא יִרְאֶה;    וְחוּג שָׁמַיִם, יִתְהַלָּךְ.

טו  הַאֹרַח עוֹלָם תִּשְׁמוֹר–    אֲשֶׁר דָּרְכוּ מְתֵי-אָוֶן.

טז  אֲשֶׁר-קֻמְּטוּ וְלֹא-עֵת;    נָהָר, יוּצַק יְסוֹדָם.

May 22, 2014 - Iyov    No Comments

Iyov 21:31

Play

לא  מִי-יַגִּיד עַל-פָּנָיו דַּרְכּוֹ;    וְהוּא-עָשָׂה, מִי יְשַׁלֶּם-לוֹ.

לב  וְהוּא, לִקְבָרוֹת יוּבָל;    וְעַל-גָּדִישׁ יִשְׁקוֹד.

לג  מָתְקוּ-לוֹ, רִגְבֵי-נָחַל:    וְאַחֲרָיו, כָּל-אָדָם יִמְשׁוֹךְ; וּלְפָנָיו, אֵין מִסְפָּר.

לד  וְאֵיךְ, תְּנַחֲמוּנִי הָבֶל;    וּתְשׁוּבֹתֵיכֶם, נִשְׁאַר-מָעַל.

פרק כב

א   וַיַּעַן, אֱלִיפַז הַתֵּמָנִי; וַיֹּאמַר.

ב  הַלְאֵל יִסְכָּן-גָּבֶר–    כִּי-יִסְכֹּן עָלֵימוֹ מַשְׂכִּיל.

ג  הַחֵפֶץ לְשַׁדַּי, כִּי תִצְדָּק;    וְאִם-בֶּצַע, כִּי-תַתֵּם דְּרָכֶיךָ.

ד  הֲמִיִּרְאָתְךָ יֹכִיחֶךָ;    יָבוֹא עִמְּךָ, בַּמִּשְׁפָּט.

ה  הֲלֹא רָעָתְךָ רַבָּה;    וְאֵין-קֵץ, לַעֲו‍ֹנֹתֶיךָ.

May 21, 2014 - Iyov    No Comments

Iyov 21:22

Play

כב  הַלְאֵל יְלַמֶּד-דָּעַת;    וְהוּא, רָמִים יִשְׁפּוֹט.

כג  זֶה–יָמוּת, בְּעֶצֶם תֻּמּוֹ;    כֻּלּוֹ, שַׁלְאֲנַן וְשָׁלֵיו.

כד  עֲטִינָיו, מָלְאוּ חָלָב;    וּמֹחַ עַצְמוֹתָיו יְשֻׁקֶּה.

כה  וְזֶה–יָמוּת, בְּנֶפֶשׁ מָרָה;    וְלֹא-אָכַל, בַּטּוֹבָה.

כו  יַחַד, עַל-עָפָר יִשְׁכָּבוּ;    וְרִמָּה, תְּכַסֶּה עֲלֵיהֶם.

כז  הֵן יָדַעְתִּי, מַחְשְׁבוֹתֵיכֶם;    וּמְזִמּוֹת, עָלַי תַּחְמֹסוּ.

כח  כִּי תֹאמְרוּ, אַיֵּה בֵית-נָדִיב;    וְאַיֵּה, אֹהֶל מִשְׁכְּנוֹת רְשָׁעִים.

כט  הֲלֹא שְׁאֶלְתֶּם, עוֹבְרֵי דָרֶךְ;    וְאֹתֹתָם, לֹא תְנַכֵּרוּ.

ל  כִּי לְיוֹם אֵיד, יֵחָשֶׂךְ רָע;    לְיוֹם עֲבָרוֹת יוּבָלוּ.

לא  מִי-יַגִּיד עַל-פָּנָיו דַּרְכּוֹ;    וְהוּא-עָשָׂה, מִי יְשַׁלֶּם-לוֹ.

לב  וְהוּא, לִקְבָרוֹת יוּבָל;    וְעַל-גָּדִישׁ יִשְׁקוֹד.

May 20, 2014 - Iyov    No Comments

Iyov 21:11

Play

יא  יְשַׁלְּחוּ כַצֹּאן, עֲוִילֵיהֶם;    וְיַלְדֵיהֶם, יְרַקֵּדוּן.

יב  יִשְׂאוּ, כְּתֹף וְכִנּוֹר;    וְיִשְׂמְחוּ, לְקוֹל עוּגָב.

יג  יבלו (יְכַלּוּ) בַטּוֹב יְמֵיהֶם;    וּבְרֶגַע, שְׁאוֹל יֵחָתּוּ.

יד  וַיֹּאמְרוּ לָאֵל, סוּר מִמֶּנּוּ;    וְדַעַת דְּרָכֶיךָ, לֹא חָפָצְנוּ.

טו  מַה-שַּׁדַּי כִּי-נַעַבְדֶנּוּ;    וּמַה-נּוֹעִיל, כִּי נִפְגַּע-בּוֹ.

טז  הֵן לֹא בְיָדָם טוּבָם;    עֲצַת רְשָׁעִים, רָחֲקָה מֶנִּי.

יז  כַּמָּה, נֵר-רְשָׁעִים יִדְעָךְ–    וְיָבֹא עָלֵימוֹ אֵידָם;  חֲבָלִים,    יְחַלֵּק בְּאַפּוֹ.

יח  יִהְיוּ, כְּתֶבֶן לִפְנֵי-רוּחַ;    וּכְמֹץ, גְּנָבַתּוּ סוּפָה.

יט  אֱלוֹהַּ, יִצְפֹּן-לְבָנָיו אוֹנוֹ;    יְשַׁלֵּם אֵלָיו וְיֵדָע.

כ  יִרְאוּ עֵינָו כִּידוֹ;    וּמֵחֲמַת שַׁדַּי יִשְׁתֶּה.

כא  כִּי מַה-חֶפְצוֹ בְּבֵיתוֹ אַחֲרָיו;    וּמִסְפַּר חֳדָשָׁיו חֻצָּצוּ.

May 19, 2014 - Iyov    No Comments

Iyov 20:28

Play

כח  יִגֶל, יְבוּל בֵּיתוֹ;    נִגָּרוֹת, בְּיוֹם אַפּוֹ.

כט  זֶה, חֵלֶק-אָדָם רָשָׁע–מֵאֱלֹהִים;    וְנַחֲלַת אִמְרוֹ מֵאֵל.

פרק כא

א  וַיַּעַן אִיּוֹב, וַיֹּאמַר.

ב  שִׁמְעוּ שָׁמוֹעַ, מִלָּתִי;    וּתְהִי-זֹאת, תַּנְחוּמֹתֵיכֶם.

ג  שָׂאוּנִי, וְאָנֹכִי אֲדַבֵּר;    וְאַחַר דַּבְּרִי תַלְעִיג.

ד  הֶאָנֹכִי, לְאָדָם שִׂיחִי;    וְאִם-מַדּוּעַ, לֹא-תִקְצַר רוּחִי.

ה  פְּנוּ-אֵלַי וְהָשַׁמּוּ;    וְשִׂימוּ יָד עַל-פֶּה.

ו  וְאִם-זָכַרְתִּי וְנִבְהָלְתִּי;    וְאָחַז בְּשָׂרִי, פַּלָּצוּת.

ז  מַדּוּעַ, רְשָׁעִים יִחְיוּ;    עָתְקוּ, גַּם-גָּבְרוּ חָיִל.

ח  זַרְעָם נָכוֹן לִפְנֵיהֶם עִמָּם;    וְצֶאֱצָאֵיהֶם, לְעֵינֵיהֶם.

ט  בָּתֵּיהֶם שָׁלוֹם מִפָּחַד;    וְלֹא שֵׁבֶט אֱלוֹהַּ עֲלֵיהֶם.

י  שׁוֹרוֹ עִבַּר, וְלֹא יַגְעִל;    תְּפַלֵּט פָּרָתוֹ, וְלֹא תְשַׁכֵּל.

May 16, 2014 - Iyov    No Comments

Iyov 20:19

Play

יט  כִּי-רִצַּץ, עָזַב דַּלִּים;    בַּיִת גָּזַל, וְלֹא יִבְנֵהוּ.

כ  כִּי, לֹא-יָדַע שָׁלֵו בְּבִטְנוֹ;    בַּחֲמוּדוֹ, לֹא יְמַלֵּט.

כא  אֵין-שָׂרִיד לְאָכְלוֹ;    עַל-כֵּן, לֹא-יָחִיל טוּבוֹ.

כב  בִּמְלֹאות שִׂפְקוֹ, יֵצֶר לוֹ;    כָּל-יַד עָמֵל תְּבֹאֶנּוּ.

כג  יְהִי, לְמַלֵּא בִטְנוֹ–יְשַׁלַּח-בּוֹ, חֲרוֹן אַפּוֹ;    וְיַמְטֵר עָלֵימוֹ, בִּלְחוּמוֹ.

כד  יִבְרַח, מִנֵּשֶׁק בַּרְזֶל;    תַּחְלְפֵהוּ, קֶשֶׁת נְחוּשָׁה.

כה  שָׁלַף, וַיֵּצֵא מִגֵּוָה:    וּבָרָק, מִמְּרֹרָתוֹ יַהֲלֹךְ; עָלָיו אֵמִים.

כו  כָּל-חֹשֶׁךְ,    טָמוּן לִצְפּוּנָיו:   תְּאָכְלֵהוּ, אֵשׁ לֹא-נֻפָּח;    יֵרַע שָׂרִיד בְּאָהֳלוֹ.

כז  יְגַלּוּ שָׁמַיִם עֲו‍ֹנוֹ;    וְאֶרֶץ, מִתְקוֹמָמָה לוֹ.

May 15, 2014 - Iyov    No Comments

Iyov 20:9

Play

ט  עַיִן שְׁזָפַתּוּ, וְלֹא תוֹסִיף;    וְלֹא-עוֹד, תְּשׁוּרֶנּוּ מְקוֹמוֹ.

י  בָּנָיו, יְרַצּוּ דַלִּים;    וְיָדָיו, תָּשֵׁבְנָה אוֹנוֹ.

יא  עַצְמוֹתָיו, מָלְאוּ עֲלוּמָו;    וְעִמּוֹ, עַל-עָפָר תִּשְׁכָּב.

יב  אִם-תַּמְתִּיק בְּפִיו רָעָה–    יַכְחִידֶנָּה, תַּחַת לְשֹׁנוֹ.

יג  יַחְמֹל עָלֶיהָ, וְלֹא יַעַזְבֶנָּה;    וְיִמְנָעֶנָּה, בְּתוֹךְ חִכּוֹ.

יד  לַחְמוֹ, בְּמֵעָיו נֶהְפָּךְ;    מְרוֹרַת פְּתָנִים בְּקִרְבּוֹ.

טו  חַיִל בָּלַע, וַיְקִאֶנּוּ;    מִבִּטְנוֹ, יֹרִשֶׁנּוּ אֵל.

טז  רֹאשׁ-פְּתָנִים יִינָק;    תַּהַרְגֵהוּ, לְשׁוֹן אֶפְעֶה.

יז  אַל-יֵרֶא בִפְלַגּוֹת–    נַהֲרֵי נַחֲלֵי, דְּבַשׁ וְחֶמְאָה.

יח  מֵשִׁיב יָגָע, וְלֹא יִבְלָע;    כְּחֵיל תְּמוּרָתוֹ, וְלֹא יַעֲלֹס.

יט  כִּי-רִצַּץ, עָזַב דַּלִּים;    בַּיִת גָּזַל, וְלֹא יִבְנֵהוּ.