The Morning Kollel

Podcast: Play in new window | Download (Duration: 1:14:19 — 25.5MB)

Subscribe: Email | RSS

ב  כָּל-דֶּרֶךְ-אִישׁ, יָשָׁר בְּעֵינָיו;    וְתֹכֵן לִבּוֹת יְהוָה.

ג  עֲשֹׂה, צְדָקָה וּמִשְׁפָּט–    נִבְחָר לַיהוָה מִזָּבַח.

ד  רוּם-עֵינַיִם, וּרְחַב-לֵב–    נִר רְשָׁעִים חַטָּאת.

ה  מַחְשְׁבוֹת חָרוּץ, אַךְ-לְמוֹתָר;    וְכָל-אָץ, אַךְ-לְמַחְסוֹר.

ו  פֹּעַל אֹצָרוֹת, בִּלְשׁוֹן שָׁקֶר–    הֶבֶל נִדָּף, מְבַקְשֵׁי-מָוֶת.

ז  שֹׁד-רְשָׁעִים יְגוֹרֵם:    כִּי מֵאֲנוּ, לַעֲשׂוֹת מִשְׁפָּט.

ח  הֲפַכְפַּךְ דֶּרֶךְ אִישׁ וָזָר;    וְזַךְ, יָשָׁר פָּעֳלו

ט  טוֹב, לָשֶׁבֶת עַל-פִּנַּת-גָּג–    מֵאֵשֶׁת מִדְיָנִים, וּבֵית חָבֶר.

י  נֶפֶשׁ רָשָׁע, אִוְּתָה-רָע;    לֹא-יֻחַן בְּעֵינָיו רֵעֵהוּ.