The Morning Kollel

Podcast: Play in new window | Download (Duration: 1:04:32 — 22.2MB)

Subscribe: Email | RSS

ט  עַד-מָתַי עָצֵל תִּשְׁכָּב;    מָתַי, תָּקוּם מִשְּׁנָתֶךָ.

י  מְעַט שֵׁנוֹת, מְעַט תְּנוּמוֹת;    מְעַט, חִבֻּק יָדַיִם לִשְׁכָּב.

יא  וּבָא-כִמְהַלֵּךְ רֵאשֶׁךָ;    וּמַחְסֹרְךָ, כְּאִישׁ מָגֵן.

יב  אָדָם בְּלִיַּעַל, אִישׁ אָוֶן;    הוֹלֵךְ, עִקְּשׁוּת פֶּה.

יג  קֹרֵץ בְּעֵינָו, מֹלֵל בְּרַגְלָו;    מֹרֶה, בְּאֶצְבְּעֹתָיו.

יד  תַּהְפֻּכוֹת, בְּלִבּוֹ–חֹרֵשׁ רָע בְּכָל-עֵת;    מדנים (מִדְיָנִים) יְשַׁלֵּחַ.

טו  עַל-כֵּן–פִּתְאֹם, יָבוֹא אֵידוֹ;    פֶּתַע יִשָּׁבֵר, וְאֵין מַרְפֵּא.

טז  שֶׁשׁ-הֵנָּה, שָׂנֵא יְהוָה;    וְשֶׁבַע, תועבות (תּוֹעֲבַת) נַפְשׁוֹ.