Oct 28, 2014 - Mishlei    No Comments

Mishlei 7:18

Play

יח  לְכָה נִרְוֶה דֹדִים, עַד-הַבֹּקֶר;    נִתְעַלְּסָה, בָּאֳהָבִים.

יט  כִּי אֵין הָאִישׁ בְּבֵיתוֹ;    הָלַךְ, בְּדֶרֶךְ מֵרָחוֹק.

כ  צְרוֹר-הַכֶּסֶף, לָקַח בְּיָדוֹ;    לְיוֹם הַכֵּסֶא, יָבֹא בֵיתוֹ.

כא  הִטַּתּוּ, בְּרֹב לִקְחָהּ;    בְּחֵלֶק שְׂפָתֶיהָ, תַּדִּיחֶנּוּ.

כב  הוֹלֵךְ אַחֲרֶיהָ, פִּתְאֹם:    כְּשׁוֹר, אֶל-טֶבַח יָבֹא; וּכְעֶכֶס, אֶל-מוּסַר אֱוִיל.

כג  עַד יְפַלַּח חֵץ, כְּבֵדוֹ–    כְּמַהֵר צִפּוֹר אֶל-פָּח;  וְלֹא-יָדַע,    כִּי-בְנַפְשׁוֹ הוּא.

כד  וְעַתָּה בָנִים, שִׁמְעוּ-לִי;    וְהַקְשִׁיבוּ, לְאִמְרֵי-פִי.

כה  אַל-יֵשְׂטְ אֶל-דְּרָכֶיהָ לִבֶּךָ;    אַל-תֵּתַע, בִּנְתִיבוֹתֶיהָ.

כו  כִּי-רַבִּים חֲלָלִים הִפִּילָה;    וַעֲצֻמִים, כָּל-הֲרֻגֶיהָ.

כז  דַּרְכֵי שְׁאוֹל בֵּיתָהּ;    יֹרְדוֹת, אֶל-חַדְרֵי-מָוֶת.

Got anything to say? Go ahead and leave a comment!