The Morning Kollel

Podcast: Play in new window | Download (Duration: 52:21 — 18.0MB)

Subscribe: Email | RSS

כז וּבַחֲנֻכַּת חוֹמַת יְרוּשָׁלִַם, בִּקְשׁוּ אֶת-הַלְוִיִּם מִכָּל-מְקוֹמֹתָם, לַהֲבִיאָם, לִירוּשָׁלִָם–לַעֲשֹׂת חֲנֻכָּה וְשִׂמְחָה וּבְתוֹדוֹת וּבְשִׁיר, מְצִלְתַּיִם נְבָלִים וּבְכִנֹּרוֹת.

כח וַיֵּאָסְפוּ, בְּנֵי הַמְשֹׁרְרִים, וּמִן-הַכִּכָּר סְבִיבוֹת יְרוּשָׁלִַם, וּמִן-חַצְרֵי נְטֹפָתִי.

כט וּמִבֵּית, הַגִּלְגָּל, וּמִשְּׂדוֹת גֶּבַע, וְעַזְמָוֶת:  כִּי חֲצֵרִים, בָּנוּ לָהֶם הַמְשֹׁרְרִים, סְבִיבוֹת, יְרוּשָׁלִָם.

ל וַיִּטַּהֲרוּ, הַכֹּהֲנִים וְהַלְוִיִּם; וַיְטַהֲרוּ, אֶת-הָעָם, וְאֶת-הַשְּׁעָרִים, וְאֶת-הַחוֹמָה.

לא וָאַעֲלֶה אֶת-שָׂרֵי יְהוּדָה, מֵעַל לַחוֹמָה; וָאַעֲמִידָה שְׁתֵּי תוֹדֹת גְּדוֹלֹת וְתַהֲלֻכֹת לַיָּמִין, מֵעַל לַחוֹמָה, לְשַׁעַר, הָאַשְׁפֹּת.