Nechemia 
No Comments Nechemia 6:8
Podcast: Play in new window | Download (Duration: 50:27 — 17.3MB)
ח וָאֶשְׁלְחָה אֵלָיו, לֵאמֹר–לֹא נִהְיָה כַּדְּבָרִים הָאֵלֶּה, אֲשֶׁר אַתָּה אוֹמֵר: כִּי מִלִּבְּךָ, אַתָּה בוֹדָאם.
ט כִּי כֻלָּם, מְיָרְאִים אוֹתָנוּ לֵאמֹר, יִרְפּוּ יְדֵיהֶם מִן-הַמְּלָאכָה, וְלֹא תֵעָשֶׂה; וְעַתָּה, חַזֵּק אֶת-יָדָי.
י וַאֲנִי-בָאתִי, בֵּית שְׁמַעְיָה בֶן-דְּלָיָה בֶּן-מְהֵיטַבְאֵל–וְהוּא עָצוּר; וַיֹּאמֶר נִוָּעֵד אֶל-בֵּית הָאֱלֹהִים אֶל-תּוֹךְ הַהֵיכָל, וְנִסְגְּרָה דַּלְתוֹת הַהֵיכָל–כִּי בָּאִים לְהָרְגֶךָ, וְלַיְלָה בָּאִים לְהָרְגֶךָ.
יא וָאֹמְרָה, הַאִישׁ כָּמוֹנִי יִבְרָח, וּמִי כָמוֹנִי אֲשֶׁר-יָבֹא אֶל-הַהֵיכָל, וָחָי; לֹא, אָבוֹא.
יב וָאַכִּירָה, וְהִנֵּה לֹא-אֱלֹהִים שְׁלָחוֹ: כִּי הַנְּבוּאָה דִּבֶּר עָלַי, וְטוֹבִיָּה וְסַנְבַלַּט שְׂכָרוֹ.