Iyov 
No Comments Iyov 27:18
Podcast: Play in new window | Download (Duration: 1:02:45 — 21.5MB)
יח בָּנָה כָעָשׁ בֵּיתוֹ; וּכְסֻכָּה, עָשָׂה נֹצֵר.
יט עָשִׁיר יִשְׁכַּב, וְלֹא יֵאָסֵף; עֵינָיו פָּקַח וְאֵינֶנּוּ.
כ תַּשִּׂיגֵהוּ כַמַּיִם, בַּלָּהוֹת; לַיְלָה, גְּנָבַתּוּ סוּפָה.
כא יִשָּׂאֵהוּ קָדִים וְיֵלַךְ; וִישָׂעֲרֵהוּ, מִמְּקֹמוֹ.
כב וְיַשְׁלֵךְ עָלָיו, וְלֹא יַחְמֹל; מִיָּדוֹ, בָּרוֹחַ יִבְרָח.
כג יִשְׂפֹּק עָלֵימוֹ כַפֵּימוֹ; וְיִשְׁרֹק עָלָיו, מִמְּקֹמוֹ.
פרק כח
א כִּי יֵשׁ לַכֶּסֶף מוֹצָא; וּמָקוֹם, לַזָּהָב יָזֹקּוּ.
ב בַּרְזֶל, מֵעָפָר יֻקָּח; וְאֶבֶן, יָצוּק נְחוּשָׁה.
ג קֵץ, שָׂם לַחֹשֶׁךְ, וּלְכָל-תַּכְלִית, הוּא חוֹקֵר: אֶבֶן אֹפֶל וְצַלְמָוֶת.
ד פָּרַץ נַחַל, מֵעִם-גָּר–הַנִּשְׁכָּחִים מִנִּי-רָגֶל; דַּלּוּ מֵאֱנוֹשׁ נָעוּ.