Iyov 
No Comments Iyov 26:14
Podcast: Play in new window | Download (Duration: 1:04:29 — 22.1MB)
יד הֶן-אֵלֶּה, קְצוֹת דְּרָכָו– וּמַה-שֵּׁמֶץ דָּבָר, נִשְׁמַע-בּוֹ; וְרַעַם גְּבוּרֹתָו, מִי יִתְבּוֹנָן.
פרק כז
א וַיֹּסֶף אִיּוֹב, שְׂאֵת מְשָׁלוֹ; וַיֹּאמַר.
ב חַי-אֵל, הֵסִיר מִשְׁפָּטִי; וְשַׁדַּי, הֵמַר נַפְשִׁי.
ג כִּי-כָל-עוֹד נִשְׁמָתִי בִי; וְרוּחַ אֱלוֹהַּ בְּאַפִּי.
ד אִם-תְּדַבֵּרְנָה שְׂפָתַי עַוְלָה; וּלְשׁוֹנִי, אִם-יֶהְגֶּה רְמִיָּה.
ה חָלִילָה לִּי, אִם-אַצְדִּיק אֶתְכֶם: עַד-אֶגְוָע– לֹא-אָסִיר תֻּמָּתִי מִמֶּנִּי.
ו בְּצִדְקָתִי הֶחֱזַקְתִּי, וְלֹא אַרְפֶּהָ; לֹא-יֶחֱרַף לְבָבִי, מִיָּמָי.
ז יְהִי כְרָשָׁע, אֹיְבִי; וּמִתְקוֹמְמִי כְעַוָּל.
ח כִּי מַה-תִּקְוַת חָנֵף, כִּי יִבְצָע; כִּי יֵשֶׁל אֱלוֹהַּ נַפְשׁוֹ.
ט הֲצַעֲקָתוֹ, יִשְׁמַע אֵל– כִּי-תָבוֹא עָלָיו צָרָה.
י אִם-עַל-שַׁדַּי יִתְעַנָּג; יִקְרָא אֱלוֹהַּ בְּכָל-עֵת.