Articles by " admin"
Jul 19, 2013 - Divrei Hayamim    No Comments

Divrei Hayamim I 4:28

Play

Podcast: Play in new window | Download (Duration: 56:25 — 19.4MB)

Subscribe: Email | RSS

כח וַיֵּשְׁבוּ בִּבְאֵר-שֶׁבַע וּמוֹלָדָה, וַחֲצַר שׁוּעָל.

כט וּבְבִלְהָה וּבְעֶצֶם, וּבְתוֹלָד.

ל וּבִבְתוּאֵל וּבְחָרְמָה, וּבְצִיקְלָג.

לא וּבְבֵית מַרְכָּבוֹת וּבַחֲצַר סוּסִים, וּבְבֵית בִּרְאִי וּבְשַׁעֲרָיִם; אֵלֶּה עָרֵיהֶם, עַד-מְלֹךְ דָּוִיד.

לב וְחַצְרֵיהֶם עֵיטָם וָעַיִן, רִמּוֹן וְתֹכֶן וְעָשָׁן; עָרִים, חָמֵשׁ.

לג וְכָל-חַצְרֵיהֶם, אֲשֶׁר סְבִיבוֹת הֶעָרִים הָאֵלֶּה–עַד-בָּעַל;  {ס}  זֹאת, מוֹשְׁבֹתָם, וְהִתְיַחְשָׂם, לָהֶם.

לד וּמְשׁוֹבָב וְיַמְלֵךְ, וְיוֹשָׁה בֶּן-אֲמַצְיָה.

לה וְיוֹאֵל; וְיֵהוּא, בֶּן-יוֹשִׁבְיָה, בֶּן-שְׂרָיָה, בֶּן-עֲשִׂיאֵל.

לו וְאֶלְיוֹעֵינַי וְיַעֲקֹבָה וִישׁוֹחָיָה וַעֲשָׂיָה וַעֲדִיאֵל, וִישִׂימִאֵל–וּבְנָיָה.

לז וְזִיזָא בֶן-שִׁפְעִי בֶן-אַלּוֹן בֶּן-יְדָיָה בֶן-שִׁמְרִי, בֶּן-שְׁמַעְיָה.

לח אֵלֶּה הַבָּאִים בְּשֵׁמוֹת, נְשִׂיאִים בְּמִשְׁפְּחוֹתָם; וּבֵית, אֲבוֹתֵיהֶם, פָּרְצוּ, לָרוֹב.

לט וַיֵּלְכוּ לִמְבוֹא גְדֹר, עַד לְמִזְרַח הַגָּיְא, לְבַקֵּשׁ מִרְעֶה, לְצֹאנָם.

מ וַיִּמְצְאוּ מִרְעֶה, שָׁמֵן וָטוֹב, וְהָאָרֶץ רַחֲבַת יָדַיִם, וְשֹׁקֶטֶת וּשְׁלֵוָה:  כִּי מִן-חָם, הַיֹּשְׁבִים שָׁם לְפָנִים.

מא וַיָּבֹאוּ אֵלֶּה הַכְּתוּבִים בְּשֵׁמוֹת בִּימֵי יְחִזְקִיָּהוּ מֶלֶךְ-יְהוּדָה, וַיַּכּוּ אֶת-אָהֳלֵיהֶם וְאֶת-המעינים (הַמְּעוּנִים) אֲשֶׁר נִמְצְאוּ-שָׁמָּה וַיַּחֲרִימֻם עַד-הַיּוֹם הַזֶּה, וַיֵּשְׁבוּ, תַּחְתֵּיהֶם:  כִּי-מִרְעֶה לְצֹאנָם, שָׁם.

מב וּמֵהֶם מִן-בְּנֵי שִׁמְעוֹן, הָלְכוּ לְהַר שֵׂעִיר, אֲנָשִׁים, חֲמֵשׁ מֵאוֹת; וּפְלַטְיָה וּנְעַרְיָה וּרְפָיָה וְעֻזִּיאֵל, בְּנֵי יִשְׁעִי–בְּרֹאשָׁם.

מג וַיַּכּוּ, אֶת-שְׁאֵרִית הַפְּלֵטָה לַעֲמָלֵק; וַיֵּשְׁבוּ שָׁם, עַד הַיּוֹם הַזֶּה.  {פ}

Jul 18, 2013 - Divrei Hayamim    No Comments

Divrei Hayamim I 4:22

Play

Podcast: Play in new window | Download (Duration: 52:08 — 17.9MB)

Subscribe: Email | RSS

 כב וְיוֹקִים וְאַנְשֵׁי כֹזֵבָא, וְיוֹאָשׁ וְשָׂרָף אֲשֶׁר-בָּעֲלוּ לְמוֹאָב–וְיָשֻׁבִי לָחֶם; וְהַדְּבָרִים, עַתִּיקִים.

כג הֵמָּה, הַיּוֹצְרִים, וְיֹשְׁבֵי נְטָעִים, וּגְדֵרָה; עִם-הַמֶּלֶךְ בִּמְלַאכְתּוֹ, יָשְׁבוּ שָׁם.  {ס}

כד בְּנֵי, שִׁמְעוֹן:  נְמוּאֵל וְיָמִין, יָרִיב זֶרַח שָׁאוּל.

כה שַׁלֻּם בְּנוֹ מִבְשָׂם בְּנוֹ, מִשְׁמָע בְּנוֹ.

כו וּבְנֵי, מִשְׁמָע–חַמּוּאֵל בְּנוֹ זַכּוּר בְּנוֹ, שִׁמְעִי בְנוֹ.

כז וּלְשִׁמְעִי בָּנִים שִׁשָּׁה עָשָׂר, וּבָנוֹת שֵׁשׁ, וּלְאֶחָיו, אֵין בָּנִים רַבִּים; וְכֹל, מִשְׁפַּחְתָּם, לֹא הִרְבּוּ, עַד-בְּנֵי יְהוּדָה.  {ס}

Jul 17, 2013 - Divrei Hayamim    No Comments

Divrei Hayamim I 4:20

Play

Podcast: Play in new window | Download (Duration: 55:02 — 18.9MB)

Subscribe: Email | RSS

כ וּבְנֵי שִׁימוֹן–אַמְנוֹן וְרִנָּה, בֶּן-חָנָן ותולון (וְתִילוֹן); וּבְנֵי יִשְׁעִי, זוֹחֵת וּבֶן-זוֹחֵת.

כא בְּנֵי, שֵׁלָה בֶן-יְהוּדָה–עֵר אֲבִי לֵכָה, וְלַעְדָּה אֲבִי מָרֵשָׁה; וּמִשְׁפְּחוֹת בֵּית-עֲבֹדַת הַבֻּץ, לְבֵית אַשְׁבֵּעַ.

כב וְיוֹקִים וְאַנְשֵׁי כֹזֵבָא, וְיוֹאָשׁ וְשָׂרָף אֲשֶׁר-בָּעֲלוּ לְמוֹאָב–וְיָשֻׁבִי לָחֶם; וְהַדְּבָרִים, עַתִּיקִים.

Pages:«1...496497498499500501502...610»