The Morning Kollel

Podcast: Play in new window | Download (Duration: 1:03:35 — 21.8MB)

Subscribe: Email | RSS

כב  אַךְ-בְּשָׂרוֹ, עָלָיו יִכְאָב;    וְנַפְשׁוֹ, עָלָיו תֶּאֱבָל.

פרק טו

א  וַיַּעַן, אֱלִיפַז הַתֵּימָנִי; וַיֹּאמַר.

ב  הֶחָכָם, יַעֲנֶה דַעַת-רוּחַ;    וִימַלֵּא קָדִים בִּטְנוֹ.

ג  הוֹכֵחַ בְּדָבָר, לֹא יִסְכּוֹן;    וּמִלִּים, לֹא-יוֹעִיל בָּם.

ד  אַף-אַתָּה, תָּפֵר יִרְאָה;    וְתִגְרַע שִׂיחָה, לִפְנֵי-אֵל.

ה  כִּי יְאַלֵּף עֲו‍ֹנְךָ פִיךָ;    וְתִבְחַר, לְשׁוֹן עֲרוּמִים.

ו  יַרְשִׁיעֲךָ פִיךָ וְלֹא-אָנִי;    וּשְׂפָתֶיךָ, יַעֲנוּ-בָךְ.

ז  הֲרִאישׁוֹן אָדָם, תִּוָּלֵד;    וְלִפְנֵי גְבָעוֹת חוֹלָלְתָּ.

ח  הַבְסוֹד אֱלוֹהַּ תִּשְׁמָע;    וְתִגְרַע אֵלֶיךָ חָכְמָה.

Podcast: Play in new window | Download (Duration: 1:01:51 — 21.2MB)

Subscribe: Email | RSS

יד  אִם-יָמוּת גֶּבֶר,    הֲיִחְיֶה:  כָּל-יְמֵי צְבָאִי אֲיַחֵל–    עַד-בּוֹא, חֲלִיפָתִי.

טו  תִּקְרָא, וְאָנֹכִי אֶעֱנֶךָּ;    לְמַעֲשֵׂה יָדֶיךָ תִכְסֹף.

טז  כִּי-עַתָּה, צְעָדַי תִּסְפּוֹר;    לֹא-תִשְׁמֹר, עַל-חַטָּאתִי.

יז  חָתֻם בִּצְרוֹר פִּשְׁעִי;    וַתִּטְפֹּל, עַל-עֲו‍ֹנִי.

יח  וְאוּלָם, הַר-נוֹפֵל יִבּוֹל;    וְצוּר, יֶעְתַּק מִמְּקֹמוֹ.

יט  אֲבָנִים, שָׁחֲקוּ מַיִם–    תִּשְׁטֹף-סְפִיחֶיהָ עֲפַר-אָרֶץ;   וְתִקְוַת אֱנוֹשׁ    הֶאֱבַדְתָּ.

כ  תִּתְקְפֵהוּ לָנֶצַח, וַיַּהֲלֹךְ;    מְשַׁנֶּה פָנָיו, וַתְּשַׁלְּחֵהוּ.

כא  יִכְבְּדוּ בָנָיו, וְלֹא יֵדָע;    וְיִצְעֲרוּ, וְלֹא-יָבִין לָמוֹ.

Podcast: Play in new window | Download (Duration: 53:43 — 18.4MB)

Subscribe: Email | RSS

ז  כִּי יֵשׁ לָעֵץ,    תִּקְוָה:  אִם-יִכָּרֵת, וְעוֹד יַחֲלִיף;    וְיֹנַקְתּוֹ, לֹא תֶחְדָּל.

ח  אִם-יַזְקִין בָּאָרֶץ שָׁרְשׁוֹ;    וּבֶעָפָר, יָמוּת גִּזְעוֹ.

ט  מֵרֵיחַ מַיִם יַפְרִחַ;    וְעָשָׂה קָצִיר כְּמוֹ-נָטַע.

י  וְגֶבֶר יָמוּת, וַיֶּחֱלָשׁ;    וַיִּגְוַע אָדָם וְאַיּוֹ.

יא  אָזְלוּ-מַיִם, מִנִּי-יָם;    וְנָהָר, יֶחֱרַב וְיָבֵשׁ.

יב  וְאִישׁ שָׁכַב,    וְלֹא-יָקוּם:   עַד-בִּלְתִּי שָׁמַיִם, לֹא יָקִיצוּ;    וְלֹא-יֵעֹרוּ, מִשְּׁנָתָם.

יג  מִי יִתֵּן, בִּשְׁאוֹל תַּצְפִּנֵנִי–    תַּסְתִּירֵנִי, עַד-שׁוּב אַפֶּךָ;  תָּשִׁית לִי חֹק    וְתִזְכְּרֵנִי.

יד  אִם-יָמוּת גֶּבֶר,    הֲיִחְיֶה:   כָּל-יְמֵי צְבָאִי אֲיַחֵל–    עַד-בּוֹא, חֲלִיפָתִי.

Podcast: Play in new window | Download (Duration: 1:02:08 — 21.3MB)

Subscribe: Email | RSS

א  אָדָם, יְלוּד אִשָּׁה  —  קְצַר יָמִים, וּשְׂבַע-רֹגֶז.

ב  כְּצִיץ יָצָא, וַיִּמָּל;    וַיִּבְרַח כַּצֵּל, וְלֹא יַעֲמוֹד.

ג  אַף-עַל-זֶה, פָּקַחְתָּ עֵינֶךָ;    וְאֹתִי תָבִיא בְמִשְׁפָּט עִמָּךְ.

ד  מִי-יִתֵּן טָהוֹר, מִטָּמֵא  —    לֹא אֶחָד.

ה  אִם חֲרוּצִים, יָמָיו — מִסְפַּר-חֳדָשָׁיו אִתָּךְ:    חֻקָּו עָשִׂיתָ, וְלֹא יַעֲבֹר.

ו  שְׁעֵה מֵעָלָיו וְיֶחְדָּל  —    עַד-יִרְצֶה, כְּשָׂכִיר יוֹמוֹ.

Podcast: Play in new window | Download (Duration: 1:03:20 — 21.7MB)

Subscribe: Email | RSS

טו  הֵן יִקְטְלֵנִי, לא (לוֹ) אֲיַחֵל;    אַךְ-דְּרָכַי, אֶל-פָּנָיו אוֹכִיחַ.

טז  גַּם-הוּא-לִי לִישׁוּעָה:    כִּי-לֹא לְפָנָיו, חָנֵף יָבוֹא.

יז  שִׁמְעוּ שָׁמוֹעַ, מִלָּתִי;    וְאַחֲוָתִי, בְּאָזְנֵיכֶם.

יח  הִנֵּה-נָא, עָרַכְתִּי מִשְׁפָּט;    יָדַעְתִּי, כִּי-אֲנִי אֶצְדָּק.

יט  מִי-הוּא, יָרִיב עִמָּדִי:    כִּי-עַתָּה אַחֲרִישׁ וְאֶגְוָע.

כ  אַךְ-שְׁתַּיִם, אַל-תַּעַשׂ עִמָּדִי;    אָז מִפָּנֶיךָ, לֹא אֶסָּתֵר.

כא  כַּפְּךָ, מֵעָלַי הַרְחַק;    וְאֵמָתְךָ, אַל-תְּבַעֲתַנִּי.

כב  וּקְרָא, וְאָנֹכִי אֶעֱנֶה;    אוֹ-אֲדַבֵּר, וַהֲשִׁיבֵנִי.

כג  כַּמָּה לִי, עֲו‍ֹנוֹת וְחַטָּאוֹת–    פִּשְׁעִי וְחַטָּאתִי, הֹדִיעֵנִי.

כד  לָמָּה-פָנֶיךָ תַסְתִּיר;    וְתַחְשְׁבֵנִי לְאוֹיֵב לָךְ.

כה  הֶעָלֶה נִדָּף תַּעֲרוֹץ;    וְאֶת-קַשׁ יָבֵשׁ תִּרְדֹּף.

כו  כִּי-תִכְתֹּב עָלַי מְרֹרוֹת;    וְתוֹרִישֵׁנִי, עֲו‍ֹנוֹת נְעוּרָי.

כז  וְתָשֵׂם בַּסַּד, רַגְלַי–    וְתִשְׁמוֹר כָּל-אָרְחוֹתָי;  עַל-שָׁרְשֵׁי רַגְלַי,    תִּתְחַקֶּה.

כח  וְהוּא, כְּרָקָב יִבְלֶה;    כְּבֶגֶד, אֲכָלוֹ עָשׁ.

Podcast: Play in new window | Download (Duration: 59:37 — 20.5MB)

Subscribe: Email | RSS

ז  הַלְאֵל, תְּדַבְּרוּ עַוְלָה;    וְלוֹ, תְּדַבְּרוּ רְמִיָּה.

ח  הֲפָנָיו תִּשָּׂאוּן;    אִם-לָאֵל תְּרִיבוּן.

ט  הֲטוֹב, כִּי-יַחְקֹר אֶתְכֶם;    אִם-כְּהָתֵל בֶּאֱנוֹשׁ, תְּהָתֵלּוּ בוֹ.

י  הוֹכֵחַ יוֹכִיחַ אֶתְכֶם–    אִם-בַּסֵּתֶר, פָּנִים תִּשָּׂאוּן.

יא  הֲלֹא שְׂאֵתוֹ, תְּבַעֵת אֶתְכֶם;    וּפַחְדּוֹ, יִפֹּל עֲלֵיכֶם.

יב  זִכְרֹנֵיכֶם, מִשְׁלֵי-אֵפֶר;    לְגַבֵּי-חֹמֶר, גַּבֵּיכֶם.

יג  הַחֲרִישׁוּ מִמֶּנִּי, וַאֲדַבְּרָה-אָנִי;    וְיַעֲבֹר עָלַי מָה.

יד  עַל-מָה, אֶשָּׂא בְשָׂרִי בְשִׁנָּי;    וְנַפְשִׁי, אָשִׂים בְּכַפִּי.

טו  הֵן יִקְטְלֵנִי, לא (לוֹ) אֲיַחֵל;    אַךְ-דְּרָכַי, אֶל-פָּנָיו אוֹכִיחַ.

Podcast: Play in new window | Download (Duration: 58:33 — 20.1MB)

Subscribe: Email | RSS

כא  שׁוֹפֵךְ בּוּז, עַל-נְדִיבִים;    וּמְזִיחַ אֲפִיקִים רִפָּה.

כב  מְגַלֶּה עֲמֻקוֹת, מִנִּי-חֹשֶׁךְ;    וַיֹּצֵא לָאוֹר צַלְמָוֶת.

כג  מַשְׂגִּיא לַגּוֹיִם, וַיְאַבְּדֵם;    שֹׁטֵחַ לַגּוֹיִם, וַיַּנְחֵם.

כד  מֵסִיר–לֵב, רָאשֵׁי עַם-הָאָרֶץ;    וַיַּתְעֵם, בְּתֹהוּ לֹא-דָרֶךְ.

כה  יְמַשְׁשׁוּ-חֹשֶׁךְ וְלֹא-אוֹר;    וַיַּתְעֵם, כַּשִּׁכּוֹר.

פרק יג

א  הֶן-כֹּל, רָאֲתָה עֵינִי;    שָׁמְעָה אָזְנִי, וַתָּבֶן לָהּ.

ב  כְּדַעְתְּכֶם, יָדַעְתִּי גַם-אָנִי:    לֹא-נֹפֵל אָנֹכִי מִכֶּם.

ג  אוּלָם–אֲנִי, אֶל-שַׁדַּי אֲדַבֵּר;    וְהוֹכֵחַ אֶל-אֵל אֶחְפָּץ.

ד  וְאוּלָם, אַתֶּם טֹפְלֵי-שָׁקֶר;    רֹפְאֵי אֱלִל כֻּלְּכֶם.

ה  מִי-יִתֵּן, הַחֲרֵשׁ תַּחֲרִישׁוּן;    וּתְהִי לָכֶם לְחָכְמָה.

ו  שִׁמְעוּ-נָא תוֹכַחְתִּי;    וְרִבוֹת שְׂפָתַי הַקְשִׁיבוּ.

Podcast: Play in new window | Download (Duration: 1:04:47 — 22.2MB)

Subscribe: Email | RSS

ז  וְאוּלָם–שְׁאַל-נָא בְהֵמוֹת וְתֹרֶךָּ;    וְעוֹף הַשָּׁמַיִם, וְיַגֶּד-לָךְ.

ח  אוֹ שִׂיחַ לָאָרֶץ וְתֹרֶךָּ;    וִיסַפְּרוּ לְךָ, דְּגֵי הַיָּם.

ט  מִי, לֹא-יָדַע בְּכָל-אֵלֶּה:    כִּי יַד-יְהוָה, עָשְׂתָה זֹּאת.

י  אֲשֶׁר בְּיָדוֹ, נֶפֶשׁ כָּל-חָי;    וְרוּחַ, כָּל-בְּשַׂר-אִישׁ.

יא  הֲלֹא-אֹזֶן, מִלִּין תִּבְחָן;    וְחֵךְ, אֹכֶל יִטְעַם-לוֹ.

יב  בִּישִׁישִׁים חָכְמָה;    וְאֹרֶךְ יָמִים תְּבוּנָה.

יג  עִמּוֹ, חָכְמָה וּגְבוּרָה;    לוֹ, עֵצָה וּתְבוּנָה.

יד  הֵן יַהֲרוֹס, וְלֹא יִבָּנֶה;    יִסְגֹּר עַל-אִישׁ, וְלֹא יִפָּתֵחַ.

טו  הֵן יַעְצֹר בַּמַּיִם וְיִבָשׁוּ;    וִישַׁלְּחֵם, וְיַהַפְכוּ אָרֶץ.

טז  עִמּוֹ, עֹז וְתוּשִׁיָּה;    לוֹ, שֹׁגֵג וּמַשְׁגֶּה.

יז  מוֹלִיךְ יוֹעֲצִים שׁוֹלָל;    וְשֹׁפְטִים יְהוֹלֵל.

יח  מוּסַר מְלָכִים פִּתֵּחַ;    וַיֶּאְסֹר אֵזוֹר, בְּמָתְנֵיהֶם.

יט  מוֹלִיךְ כֹּהֲנִים שׁוֹלָל;    וְאֵתָנִים יְסַלֵּף.

כ  מֵסִיר שָׂפָה, לְנֶאֱמָנִים;    וְטַעַם זְקֵנִים יִקָּח.

Podcast: Play in new window | Download (Duration: 1:03:30 — 21.8MB)

Subscribe: Email | RSS

כ  וְעֵינֵי רְשָׁעִים, תִּכְלֶינָה:    וּמָנוֹס, אָבַד מִנְהֶם; וְתִקְוָתָם, מַפַּח-נָפֶשׁ.

פרק יב

א    וַיַּעַן אִיּוֹב, וַיֹּאמַר.

ב  אָמְנָם, כִּי אַתֶּם-עָם;    וְעִמָּכֶם, תָּמוּת חָכְמָה.

ג  גַּם-לִי לֵבָב, כְּמוֹכֶם–לֹא-נֹפֵל אָנֹכִי מִכֶּם;    וְאֶת-מִי-אֵין כְּמוֹ-אֵלֶּה.

ד  שְׂחֹק לְרֵעֵהוּ, אֶהְיֶה–קֹרֵא לֶאֱלוֹהַּ, וַיַּעֲנֵהוּ;    שְׂחוֹק, צַדִּיק תָּמִים.

ה  לַפִּיד בּוּז, לְעַשְׁתּוּת שַׁאֲנָן–    נָכוֹן, לְמוֹעֲדֵי רָגֶל.

ו  יִשְׁלָיוּ אֹהָלִים, לְשֹׁדְדִים, וּבַטֻּחוֹת, לְמַרְגִּיזֵי אֵל–    לַאֲשֶׁר הֵבִיא אֱלוֹהַּ בְּיָדוֹ.

Podcast: Play in new window | Download (Duration: 1:03:39 — 21.9MB)

Subscribe: Email | RSS

יב  וְאִישׁ נָבוּב, יִלָּבֵב;    וְעַיִר פֶּרֶא, אָדָם יִוָּלֵד.

יג  אִם-אַתָּה, הֲכִינוֹתָ לִבֶּךָ;    וּפָרַשְׂתָּ אֵלָיו כַּפֶּיךָ.

יד  אִם-אָוֶן בְּיָדְךָ, הַרְחִיקֵהוּ;    וְאַל-תַּשְׁכֵּן בְּאֹהָלֶיךָ עַוְלָה.

טו  כִּי-אָז, תִּשָּׂא פָנֶיךָ מִמּוּם;    וְהָיִיתָ מֻצָק, וְלֹא תִירָא.

טז  כִּי-אַתָּה, עָמָל תִּשְׁכָּח;    כְּמַיִם עָבְרוּ תִזְכֹּר.

יז  וּמִצָּהֳרַיִם, יָקוּם חָלֶד;    תָּעֻפָה, כַּבֹּקֶר תִּהְיֶה.

יח  וּבָטַחְתָּ, כִּי-יֵשׁ תִּקְוָה;    וְחָפַרְתָּ, לָבֶטַח תִּשְׁכָּב.

יט  וְרָבַצְתָּ, וְאֵין מַחֲרִיד;    וְחִלּוּ פָנֶיךָ רַבִּים.

כ  וְעֵינֵי רְשָׁעִים, תִּכְלֶינָה:    וּמָנוֹס, אָבַד מִנְהֶם; וְתִקְוָתָם, מַפַּח-נָפֶשׁ.