The Morning Kollel

Podcast: Play in new window | Download (Duration: 1:01:51 — 21.2MB)

Subscribe: Email | RSS

יד  אִם-יָמוּת גֶּבֶר,    הֲיִחְיֶה:  כָּל-יְמֵי צְבָאִי אֲיַחֵל–    עַד-בּוֹא, חֲלִיפָתִי.

טו  תִּקְרָא, וְאָנֹכִי אֶעֱנֶךָּ;    לְמַעֲשֵׂה יָדֶיךָ תִכְסֹף.

טז  כִּי-עַתָּה, צְעָדַי תִּסְפּוֹר;    לֹא-תִשְׁמֹר, עַל-חַטָּאתִי.

יז  חָתֻם בִּצְרוֹר פִּשְׁעִי;    וַתִּטְפֹּל, עַל-עֲו‍ֹנִי.

יח  וְאוּלָם, הַר-נוֹפֵל יִבּוֹל;    וְצוּר, יֶעְתַּק מִמְּקֹמוֹ.

יט  אֲבָנִים, שָׁחֲקוּ מַיִם–    תִּשְׁטֹף-סְפִיחֶיהָ עֲפַר-אָרֶץ;   וְתִקְוַת אֱנוֹשׁ    הֶאֱבַדְתָּ.

כ  תִּתְקְפֵהוּ לָנֶצַח, וַיַּהֲלֹךְ;    מְשַׁנֶּה פָנָיו, וַתְּשַׁלְּחֵהוּ.

כא  יִכְבְּדוּ בָנָיו, וְלֹא יֵדָע;    וְיִצְעֲרוּ, וְלֹא-יָבִין לָמוֹ.