The Morning Kollel

Podcast: Play in new window | Download (Duration: 53:43 — 18.4MB)

Subscribe: Email | RSS

ז  כִּי יֵשׁ לָעֵץ,    תִּקְוָה:  אִם-יִכָּרֵת, וְעוֹד יַחֲלִיף;    וְיֹנַקְתּוֹ, לֹא תֶחְדָּל.

ח  אִם-יַזְקִין בָּאָרֶץ שָׁרְשׁוֹ;    וּבֶעָפָר, יָמוּת גִּזְעוֹ.

ט  מֵרֵיחַ מַיִם יַפְרִחַ;    וְעָשָׂה קָצִיר כְּמוֹ-נָטַע.

י  וְגֶבֶר יָמוּת, וַיֶּחֱלָשׁ;    וַיִּגְוַע אָדָם וְאַיּוֹ.

יא  אָזְלוּ-מַיִם, מִנִּי-יָם;    וְנָהָר, יֶחֱרַב וְיָבֵשׁ.

יב  וְאִישׁ שָׁכַב,    וְלֹא-יָקוּם:   עַד-בִּלְתִּי שָׁמַיִם, לֹא יָקִיצוּ;    וְלֹא-יֵעֹרוּ, מִשְּׁנָתָם.

יג  מִי יִתֵּן, בִּשְׁאוֹל תַּצְפִּנֵנִי–    תַּסְתִּירֵנִי, עַד-שׁוּב אַפֶּךָ;  תָּשִׁית לִי חֹק    וְתִזְכְּרֵנִי.

יד  אִם-יָמוּת גֶּבֶר,    הֲיִחְיֶה:   כָּל-יְמֵי צְבָאִי אֲיַחֵל–    עַד-בּוֹא, חֲלִיפָתִי.