Articles by " admin"
Aug 19, 2014 - Iyov    No Comments

Iyov 41:4

Play

Podcast: Play in new window | Download (Duration: 1:02:59 — 21.6MB)

Subscribe: Email | RSS

ד  לא- (לוֹ-) אַחֲרִישׁ בַּדָּיו;    וּדְבַר-גְּבוּרוֹת, וְחִין עֶרְכּוֹ.

ה  מִי-גִלָּה, פְּנֵי לְבוּשׁוֹ;    בְּכֶפֶל רִסְנוֹ, מִי יָבוֹא.

ו  דַּלְתֵי פָנָיו, מִי פִתֵּחַ;    סְבִיבוֹת שִׁנָּיו אֵימָה.

ז  גַּאֲוָה, אֲפִיקֵי מָגִנִּים;    סָגוּר, חוֹתָם צָר.

ח  אֶחָד בְּאֶחָד יִגַּשׁוּ;    וְרוּחַ, לֹא-יָבֹא בֵינֵיהֶם.

ט  אִישׁ-בְּאָחִיהוּ יְדֻבָּקוּ;    יִתְלַכְּדוּ, וְלֹא יִתְפָּרָדוּ.

י  עֲטִישֹׁתָיו, תָּהֶל אוֹר;    וְעֵינָיו, כְּעַפְעַפֵּי-שָׁחַר.

יא  מִפִּיו, לַפִּידִים יַהֲלֹכוּ;    כִּידוֹדֵי אֵשׁ, יִתְמַלָּטוּ.

יב  מִנְּחִירָיו, יֵצֵא עָשָׁן–    כְּדוּד נָפוּחַ וְאַגְמֹן.

Aug 18, 2014 - Iyov    No Comments

Iyov 40:30

Play

Podcast: Play in new window | Download (Duration: 1:01:16 — 21.0MB)

Subscribe: Email | RSS

ל  יִכְרוּ עָלָיו, חַבָּרִים;    יֶחֱצוּהוּ, בֵּין כְּנַעֲנִים.

לא  הַתְמַלֵּא בְשֻׂכּוֹת עוֹרוֹ;    וּבְצִלְצַל דָּגִים רֹאשׁוֹ.

לב  שִׂים-עָלָיו כַּפֶּךָ;    זְכֹר מִלְחָמָה, אַל-תּוֹסַף.

פרק מא

א  הֵן-תֹּחַלְתּוֹ נִכְזָבָה;    הֲגַם אֶל-מַרְאָיו יֻטָל.

ב  לֹא-אַכְזָר, כִּי יְעוּרֶנּוּ;    וּמִי הוּא, לְפָנַי יִתְיַצָּב.

ג  מִי הִקְדִּימַנִי, וַאֲשַׁלֵּם;    תַּחַת כָּל-הַשָּׁמַיִם לִי-הוּא.

Aug 15, 2014 - Iyov    No Comments

Iyov 40:19

Play

Podcast: Play in new window | Download (Duration: 1:03:42 — 21.9MB)

Subscribe: Email | RSS

יט  הוּא, רֵאשִׁית דַּרְכֵי-אֵל;    הָעֹשׂוֹ, יַגֵּשׁ חַרְבּוֹ.

כ  כִּי-בוּל, הָרִים יִשְׂאוּ-לוֹ;    וְכָל-חַיַּת הַשָּׂדֶה, יְשַׂחֲקוּ-שָׁם.

כא  תַּחַת-צֶאֱלִים יִשְׁכָּב–    בְּסֵתֶר קָנֶה וּבִצָּה.

כב  יְסֻכֻּהוּ צֶאֱלִים צִלְלוֹ;    יְסֻבּוּהוּ, עַרְבֵי-נָחַל.

כג  הֵן יַעֲשֹׁק נָהָר, לֹא יַחְפּוֹז;    יִבְטַח, כִּי-יָגִיחַ יַרְדֵּן אֶל-פִּיהוּ.

כד  בְּעֵינָיו יִקָּחֶנּוּ;    בְּמוֹקְשִׁים, יִנְקָב-אָף.

כה  תִּמְשֹׁךְ לִוְיָתָן בְּחַכָּה;    וּבְחֶבֶל, תַּשְׁקִיעַ לְשֹׁנוֹ.

כו  הֲתָשִׂים אַגְמֹן בְּאַפּוֹ;    וּבְחוֹחַ, תִּקֹּב לֶחֱיוֹ.

כז  הֲיַרְבֶּה אֵלֶיךָ, תַּחֲנוּנִים;    אִם-יְדַבֵּר אֵלֶיךָ רַכּוֹת.

כח  הֲיִכְרֹת בְּרִית עִמָּךְ;    תִּקָּחֶנּוּ, לְעֶבֶד עוֹלָם.

כט  הַתְשַׂחֶק-בּוֹ, כַּצִּפּוֹר;    וְתִקְשְׁרֶנּוּ, לְנַעֲרוֹתֶיךָ.

Pages:«1...411412413414415416417...610»