Articles by " admin"
Sep 3, 2014 - Mishlei    No Comments

Mishlei 1:26

Play

Podcast: Play in new window | Download (Duration: 59:39 — 20.5MB)

Subscribe: Email | RSS

כו  גַּם-אֲנִי, בְּאֵידְכֶם אֶשְׂחָק;    אֶלְעַג, בְּבֹא פַחְדְּכֶם.

כז  בְּבֹא כשאוה (כְשׁוֹאָה), פַּחְדְּכֶם–    וְאֵידְכֶם, כְּסוּפָה יֶאֱתֶה;  בְּבֹא עֲלֵיכֶם,    צָרָה וְצוּקָה.

כח  אָז יִקְרָאֻנְנִי, וְלֹא אֶעֱנֶה;    יְשַׁחֲרֻנְנִי, וְלֹא יִמְצָאֻנְנִי.

כט  תַּחַת, כִּי-שָׂנְאוּ דָעַת;    וְיִרְאַת יְהוָה, לֹא בָחָרוּ.

ל  לֹא-אָבוּ לַעֲצָתִי;    נָאֲצוּ, כָּל-תּוֹכַחְתִּי.

לא  וְיֹאכְלוּ, מִפְּרִי דַרְכָּם;    וּמִמֹּעֲצֹתֵיהֶם יִשְׂבָּעוּ.

לב  כִּי מְשׁוּבַת פְּתָיִם תַּהַרְגֵם;    וְשַׁלְוַת כְּסִילִים תְּאַבְּדֵם.

לג  וְשֹׁמֵעַ לִי, יִשְׁכָּן-בֶּטַח;    וְשַׁאֲנַן, מִפַּחַד רָעָה.

פרק ב

א  בְּנִי, אִם-תִּקַּח אֲמָרָי;    וּמִצְו‍ֹתַי, תִּצְפֹּן אִתָּךְ.

Sep 2, 2014 - Mishlei    No Comments

Mishlei 1:20

Play

Podcast: Play in new window | Download (Duration: 1:01:25 — 21.1MB)

Subscribe: Email | RSS

כ  חָכְמוֹת, בַּחוּץ תָּרֹנָּה;    בָּרְחֹבוֹת, תִּתֵּן קוֹלָהּ.

כא  בְּרֹאשׁ הֹמִיּוֹת, תִּקְרָא:    בְּפִתְחֵי שְׁעָרִים בָּעִיר–אֲמָרֶיהָ תֹאמֵר.

כב  עַד-מָתַי, פְּתָיִם–    תְּאֵהֲבוּ-פֶתִי:  וְלֵצִים–לָצוֹן, חָמְדוּ לָהֶם;    וּכְסִילִים, יִשְׂנְאוּ-דָעַת.

כג  תָּשׁוּבוּ, לְתוֹכַחְתִּי:    הִנֵּה אַבִּיעָה לָכֶם רוּחִי; אוֹדִיעָה דְבָרַי אֶתְכֶם.

כד  יַעַן קָרָאתִי, וַתְּמָאֵנוּ;    נָטִיתִי יָדִי, וְאֵין מַקְשִׁיב.

כה  וַתִּפְרְעוּ כָל-עֲצָתִי;    וְתוֹכַחְתִּי, לֹא אֲבִיתֶם.

Sep 1, 2014 - Mishlei    No Comments

Mishlei 1:10

Play

Podcast: Play in new window | Download (Duration: 1:13:18 — 25.2MB)

Subscribe: Email | RSS

י  בְּנִי–    אִם-יְפַתּוּךָ חַטָּאִים, אַל-תֹּבֵא.

יא  אִם-יֹאמְרוּ,    לְכָה אִתָּנוּ:  נֶאֶרְבָה לְדָם;    נִצְפְּנָה לְנָקִי חִנָּם.

יב  נִבְלָעֵם, כִּשְׁאוֹל חַיִּים;    וּתְמִימִים, כְּיוֹרְדֵי בוֹר.

יג  כָּל-הוֹן יָקָר נִמְצָא;    נְמַלֵּא בָתֵּינוּ שָׁלָל.

יד  גּוֹרָלְךָ, תַּפִּיל בְּתוֹכֵנוּ;    כִּיס אֶחָד, יִהְיֶה לְכֻלָּנוּ.

טו  בְּנִי–אַל-תֵּלֵךְ בְּדֶרֶךְ אִתָּם;    מְנַע רַגְלְךָ, מִנְּתִיבָתָם.

טז  כִּי רַגְלֵיהֶם, לָרַע יָרוּצוּ;    וִימַהֲרוּ, לִשְׁפָּךְ-דָּם.

יז  כִּי-חִנָּם, מְזֹרָה הָרָשֶׁת–    בְּעֵינֵי, כָּל-בַּעַל כָּנָף.

יח  וְהֵם, לְדָמָם יֶאֱרֹבוּ;    יִצְפְּנוּ, לְנַפְשֹׁתָם.

יט  כֵּן–אָרְחוֹת, כָּל-בֹּצֵעַ בָּצַע;    אֶת-נֶפֶשׁ בְּעָלָיו יִקָּח.

כ  חָכְמוֹת, בַּחוּץ תָּרֹנָּה;    בָּרְחֹבוֹת, תִּתֵּן קוֹלָהּ.

Pages:«1...408409410411412413414...610»