Articles by " admin"
Jul 2, 2014 - Iyov    No Comments

Iyov 32:2

Play

Podcast: Play in new window | Download (Duration: 1:03:37 — 21.8MB)

Subscribe: Email | RSS

ב  וַיִּחַר אַף, אֱלִיהוּא בֶן-בַּרַכְאֵל הַבּוּזִי–    מִמִּשְׁפַּחַת-רָם:  בְּאִיּוֹב, חָרָה אַפּוֹ–    עַל-צַדְּקוֹ נַפְשׁוֹ, מֵאֱלֹהִים.

ג  וּבִשְׁלֹשֶׁת רֵעָיו,    חָרָה אַפּוֹ:  עַל אֲשֶׁר לֹא-מָצְאוּ מַעֲנֶה–    וַיַּרְשִׁיעוּ, אֶת-אִיּוֹב.

ד  וֶאֱלִיהוּ–חִכָּה אֶת-אִיּוֹב, בִּדְבָרִים:    כִּי זְקֵנִים-הֵמָּה מִמֶּנּוּ לְיָמִים.

ה  וַיַּרְא אֱלִיהוּא–כִּי אֵין מַעֲנֶה, בְּפִי שְׁלֹשֶׁת הָאֲנָשִׁים;    וַיִּחַר אַפּוֹ.

ו  וַיַּעַן, אֱלִיהוּא בֶן-בַּרַכְאֵל הַבּוּזִי–    וַיֹּאמַר:   צָעִיר אֲנִי לְיָמִים,    וְאַתֶּם יְשִׁישִׁים;   עַל-כֵּן זָחַלְתִּי וָאִירָא,    מֵחַוֹּת דֵּעִי אֶתְכֶם.

ז  אָמַרְתִּי, יָמִים יְדַבֵּרוּ;    וְרֹב שָׁנִים, יֹדִיעוּ חָכְמָה.

ח  אָכֵן, רוּחַ-הִיא בֶאֱנוֹשׁ;    וְנִשְׁמַת שַׁדַּי תְּבִינֵם.

Jul 1, 2014 - Iyov    No Comments

Iyov 31:36

Play

Podcast: Play in new window | Download (Duration: 1:07:12 — 23.1MB)

Subscribe: Email | RSS

לו  אִם-לֹא עַל-שִׁכְמִי, אֶשָּׂאֶנּוּ;    אֶעֶנְדֶנּוּ עֲטָרוֹת לִי.

לז  מִסְפַּר צְעָדַי, אַגִּידֶנּוּ;    כְּמוֹ-נָגִיד, אֲקָרְבֶנּוּ.

לח  אִם-עָלַי, אַדְמָתִי תִזְעָק;    וְיַחַד, תְּלָמֶיהָ יִבְכָּיוּן.

לט  אִם-כֹּחָהּ, אָכַלְתִּי בְלִי-כָסֶף;    וְנֶפֶשׁ בְּעָלֶיהָ הִפָּחְתִּי.

מ  תַּחַת חִטָּה, יֵצֵא חוֹחַ–וְתַחַת-שְׂעֹרָה בָאְשָׁה:    תַּמּוּ, דִּבְרֵי אִיּוֹב.

פרק לב

א  וַיִּשְׁבְּתוּ, שְׁלֹשֶׁת הָאֲנָשִׁים הָאֵלֶּה–    מֵעֲנוֹת אֶת-אִיּוֹב:  כִּי הוּא צַדִּיק    בְּעֵינָיו.

ב  וַיִּחַר אַף, אֱלִיהוּא בֶן-בַּרַכְאֵל הַבּוּזִי–    מִמִּשְׁפַּחַת-רָם:  בְּאִיּוֹב, חָרָה אַפּוֹ–    עַל-צַדְּקוֹ נַפְשׁוֹ, מֵאֱלֹהִים.

Jun 30, 2014 - Iyov    No Comments

Iyov 31:29

Play

Podcast: Play in new window | Download (Duration: 1:03:35 — 21.8MB)

Subscribe: Email | RSS

כט  אִם-אֶשְׂמַח, בְּפִיד מְשַׂנְאִי;    וְהִתְעֹרַרְתִּי, כִּי-מְצָאוֹ רָע.

ל  וְלֹא-נָתַתִּי לַחֲטֹא חִכִּי–    לִשְׁאֹל בְּאָלָה נַפְשׁוֹ.

לא  אִם-לֹא אָמְרוּ, מְתֵי אָהֳלִי;    מִי-יִתֵּן מִבְּשָׂרוֹ, לֹא נִשְׂבָּע.

לב  בַּחוּץ, לֹא-יָלִין גֵּר;    דְּלָתַי, לָאֹרַח אֶפְתָּח.

לג  אִם-כִּסִּיתִי כְאָדָם פְּשָׁעָי–    לִטְמוֹן בְּחֻבִּי עֲו‍ֹנִי.

לד  כִּי אֶעֱרוֹץ, הָמוֹן רַבָּה–    וּבוּז-מִשְׁפָּחוֹת יְחִתֵּנִי;   וָאֶדֹּם,    לֹא-אֵצֵא פָתַח.

לה  מִי יִתֶּן-לִי, שֹׁמֵעַ לִי–    הֶן-תָּוִי, שַׁדַּי יַעֲנֵנִי;  ְסֵפֶר כָּתַב,    אִישׁ רִיבִי.

Pages:«1...420421422423424425426...610»