Articles by " admin"
Jul 11, 2014 - Iyov    No Comments

Iyov 34:30

Play

Podcast: Play in new window | Download (Duration: 1:01:59 — 21.3MB)

Subscribe: Email | RSS

ל  מִמְּלֹךְ, אָדָם חָנֵף–    מִמֹּקְשֵׁי עָם.

לא  כִּי-אֶל-אֵל, הֶאָמַר נָשָׂאתִי–    לֹא אֶחְבֹּל.

לב  בִּלְעֲדֵי אֶחֱזֶה, אַתָּה הֹרֵנִי;    אִם-עָוֶל פָּעַלְתִּי, לֹא אֹסִיף.

לג  הֲמֵעִמְּךָ יְשַׁלְּמֶנָּה, כִּי-מָאַסְתָּ–כִּי-אַתָּה תִבְחַר וְלֹא-אָנִי;    וּמַה-יָּדַעְתָּ דַבֵּר.

לד  אַנְשֵׁי לֵבָב, יֹאמְרוּ לִי;    וְגֶבֶר חָכָם, שֹׁמֵעַ לִי.

לה  אִיּוֹב, לֹא-בְדַעַת יְדַבֵּר;    וּדְבָרָיו, לֹא בְהַשְׂכֵּיל.

לו  אָבִי–יִבָּחֵן אִיּוֹב עַד-נֶצַח:    עַל-תְּשֻׁבֹת, בְּאַנְשֵׁי-אָוֶן.

לז  כִּי יֹסִיף עַל-חַטָּאתוֹ פֶשַׁע, בֵּינֵינוּ יִשְׂפּוֹק;    וְיֶרֶב אֲמָרָיו לָאֵל.

Jul 10, 2014 - Iyov    No Comments

Iyov 34:17

Play

Podcast: Play in new window | Download (Duration: 1:03:55 — 21.9MB)

Subscribe: Email | RSS

יז  הַאַף שׂוֹנֵא מִשְׁפָּט יַחֲבוֹשׁ;    וְאִם-צַדִּיק כַּבִּיר תַּרְשִׁיעַ.

יח  הַאֲמֹר לְמֶלֶךְ בְּלִיָּעַל–    רָשָׁע, אֶל-נְדִיבִים.

יט  אֲשֶׁר לֹא-נָשָׂא, פְּנֵי שָׂרִים,    וְלֹא נִכַּר-שׁוֹעַ, לִפְנֵי-דָל:  כִּי-מַעֲשֵׂה יָדָיו    כֻּלָּם.

כ  רֶגַע, יָמֻתוּ–    וַחֲצוֹת לָיְלָה: יְגֹעֲשׁוּ עָם וְיַעֲבֹרוּ;    וְיָסִירוּ אַבִּיר, לֹא בְיָד.

כא  כִּי-עֵינָיו, עַל-דַּרְכֵי-אִישׁ;    וְכָל-צְעָדָיו יִרְאֶה.

כב  אֵין-חֹשֶׁךְ, וְאֵין צַלְמָוֶת–    לְהִסָּתֶר שָׁם, פֹּעֲלֵי אָוֶן.

כג  כִּי לֹא עַל-אִישׁ, יָשִׂים עוֹד–    לַהֲלֹךְ אֶל-אֵל, בַּמִּשְׁפָּט.

כד  יָרֹעַ כַּבִּירִים לֹא-חֵקֶר;    וַיַּעֲמֵד אֲחֵרִים תַּחְתָּם.

כה  לָכֵן–יַכִּיר, מַעְבָּדֵיהֶם;    וְהָפַךְ לַיְלָה, וְיִדַּכָּאוּ.

כו  תַּחַת-רְשָׁעִים סְפָקָם–    בִּמְקוֹם רֹאִים.

כז  אֲשֶׁר עַל-כֵּן, סָרוּ מֵאַחֲרָיו;    וְכָל-דְּרָכָיו, לֹא הִשְׂכִּילוּ.

כח  לְהָבִיא עָלָיו, צַעֲקַת-דָּל;    וְצַעֲקַת עֲנִיִּים יִשְׁמָע.

כט  וְהוּא יַשְׁקִט, וּמִי יַרְשִׁעַ–    וְיַסְתֵּר פָּנִים, וּמִי יְשׁוּרֶנּוּ;  וְעַל-גּוֹי וְעַל-אָדָם    יָחַד.

Jul 9, 2014 - Iyov    No Comments

Iyov 34:1

Play

Podcast: Play in new window | Download (Duration: 1:00:14 — 20.7MB)

Subscribe: Email | RSS

א    וַיַּעַן אֱלִיהוּא, וַיֹּאמַר.

ב  שִׁמְעוּ חֲכָמִים מִלָּי;    וְיֹדְעִים, הַאֲזִינוּ לִי.

ג  כִּי-אֹזֶן, מִלִּין תִּבְחָן;    וְחֵךְ, יִטְעַם לֶאֱכֹל.

ד  מִשְׁפָּט נִבְחֲרָה-לָּנוּ;    נֵדְעָה בֵינֵינוּ מַה-טּוֹב.

ה  כִּי-אָמַר אִיּוֹב צָדַקְתִּי;    וְאֵל, הֵסִיר מִשְׁפָּטִי.

ו  עַל-מִשְׁפָּטִי אֲכַזֵּב;    אָנוּשׁ חִצִּי בְלִי-פָשַׁע.

ז  מִי-גֶבֶר כְּאִיּוֹב;    יִשְׁתֶּה-לַּעַג כַּמָּיִם.

ח  וְאָרַח לְחֶבְרָה, עִם-פֹּעֲלֵי אָוֶן;    וְלָלֶכֶת, עִם-אַנְשֵׁי-רֶשַׁע.

ט  כִּי-אָמַר, לֹא יִסְכָּן-גָּבֶר–    בִּרְצֹתוֹ, עִם-אֱלֹהִים.

י  לָכֵן, אַנְשֵׁי לֵבָב–    שִׁמְעוּ-לִי:   חָלִלָה לָאֵל מֵרֶשַׁע;    וְשַׁדַּי מֵעָוֶל.

יא  כִּי פֹעַל אָדָם, יְשַׁלֶּם-לוֹ;    וּכְאֹרַח אִישׁ, יַמְצִאֶנּוּ.

יב  אַף-אָמְנָם, אֵל לֹא-יַרְשִׁיעַ;    וְשַׁדַּי, לֹא-יְעַוֵּת מִשְׁפָּט.

יג  מִי-פָקַד עָלָיו אָרְצָה;    וּמִי שָׂם, תֵּבֵל כֻּלָּהּ.

יד  אִם-יָשִׂים אֵלָיו לִבּוֹ;    רוּחוֹ וְנִשְׁמָתוֹ, אֵלָיו יֶאֱסֹף.

טו  יִגְוַע כָּל-בָּשָׂר יָחַד;    וְאָדָם, עַל-עָפָר יָשׁוּב.

טז  וְאִם-בִּינָה, שִׁמְעָה-זֹּאת;    הַאֲזִינָה, לְקוֹל מִלָּי.

Pages:«1...418419420421422423424...610»