Articles by " admin"
Jun 13, 2014 - Iyov    No Comments

Iyov 27:18

Play

Podcast: Play in new window | Download (Duration: 1:02:45 — 21.5MB)

Subscribe: Email | RSS

יח  בָּנָה כָעָשׁ בֵּיתוֹ;    וּכְסֻכָּה, עָשָׂה נֹצֵר.

יט  עָשִׁיר יִשְׁכַּב, וְלֹא יֵאָסֵף;    עֵינָיו פָּקַח וְאֵינֶנּוּ.

כ  תַּשִּׂיגֵהוּ כַמַּיִם, בַּלָּהוֹת;    לַיְלָה, גְּנָבַתּוּ סוּפָה.

כא  יִשָּׂאֵהוּ קָדִים וְיֵלַךְ;    וִישָׂעֲרֵהוּ, מִמְּקֹמוֹ.

כב  וְיַשְׁלֵךְ עָלָיו, וְלֹא יַחְמֹל;    מִיָּדוֹ, בָּרוֹחַ יִבְרָח.

כג  יִשְׂפֹּק עָלֵימוֹ כַפֵּימוֹ;    וְיִשְׁרֹק עָלָיו, מִמְּקֹמוֹ.

פרק כח

א  כִּי יֵשׁ לַכֶּסֶף מוֹצָא;    וּמָקוֹם, לַזָּהָב יָזֹקּוּ.

ב  בַּרְזֶל, מֵעָפָר יֻקָּח;    וְאֶבֶן, יָצוּק נְחוּשָׁה.

ג  קֵץ, שָׂם לַחֹשֶׁךְ, וּלְכָל-תַּכְלִית, הוּא חוֹקֵר:    אֶבֶן אֹפֶל וְצַלְמָוֶת.

ד  פָּרַץ נַחַל, מֵעִם-גָּר–הַנִּשְׁכָּחִים מִנִּי-רָגֶל;    דַּלּוּ מֵאֱנוֹשׁ נָעוּ.

Jun 12, 2014 - Iyov    No Comments

Iyov 27:11

Play

Podcast: Play in new window | Download (Duration: 1:01:22 — 21.1MB)

Subscribe: Email | RSS

יא  אוֹרֶה אֶתְכֶם בְּיַד-אֵל;    אֲשֶׁר עִם-שַׁדַּי, לֹא אֲכַחֵד.

יב  הֵן-אַתֶּם כֻּלְּכֶם חֲזִיתֶם;    וְלָמָּה-זֶּה, הֶבֶל תֶּהְבָּלוּ.

יג  זֶה, חֵלֶק-אָדָם רָשָׁע עִם-אֵל;    וְנַחֲלַת עָרִיצִים, מִשַּׁדַּי יִקָּחוּ.

יד  אִם-יִרְבּוּ בָנָיו לְמוֹ-חָרֶב;    וְצֶאֱצָאָיו, לֹא יִשְׂבְּעוּ-לָחֶם.

טו  שְׂרִידָו, בַּמָּוֶת יִקָּבֵרוּ;    וְאַלְמְנֹתָיו, לֹא תִבְכֶּינָה.

טז  אִם-יִצְבֹּר כֶּעָפָר כָּסֶף;    וְכַחֹמֶר, יָכִין מַלְבּוּשׁ.

יז  יָכִין, וְצַדִּיק יִלְבָּשׁ;    וְכֶסֶף, נָקִי יַחֲלֹק.

Jun 11, 2014 - Iyov    No Comments

Iyov 26:14

Play

Podcast: Play in new window | Download (Duration: 1:04:29 — 22.1MB)

Subscribe: Email | RSS

יד  הֶן-אֵלֶּה, קְצוֹת דְּרָכָו–    וּמַה-שֵּׁמֶץ דָּבָר, נִשְׁמַע-בּוֹ;  וְרַעַם גְּבוּרֹתָו,    מִי יִתְבּוֹנָן.

פרק כז

א   וַיֹּסֶף אִיּוֹב, שְׂאֵת מְשָׁלוֹ; וַיֹּאמַר.

ב  חַי-אֵל, הֵסִיר מִשְׁפָּטִי;    וְשַׁדַּי, הֵמַר נַפְשִׁי.

ג  כִּי-כָל-עוֹד נִשְׁמָתִי בִי;    וְרוּחַ אֱלוֹהַּ בְּאַפִּי.

ד  אִם-תְּדַבֵּרְנָה שְׂפָתַי עַוְלָה;    וּלְשׁוֹנִי, אִם-יֶהְגֶּה רְמִיָּה.

ה  חָלִילָה לִּי,    אִם-אַצְדִּיק אֶתְכֶם:  עַד-אֶגְוָע–    לֹא-אָסִיר תֻּמָּתִי מִמֶּנִּי.

ו  בְּצִדְקָתִי הֶחֱזַקְתִּי, וְלֹא אַרְפֶּהָ;    לֹא-יֶחֱרַף לְבָבִי, מִיָּמָי.

ז  יְהִי כְרָשָׁע, אֹיְבִי;    וּמִתְקוֹמְמִי כְעַוָּל.

ח  כִּי מַה-תִּקְוַת חָנֵף, כִּי יִבְצָע;    כִּי יֵשֶׁל אֱלוֹהַּ נַפְשׁוֹ.

ט  הֲצַעֲקָתוֹ, יִשְׁמַע אֵל–    כִּי-תָבוֹא עָלָיו צָרָה.

י  אִם-עַל-שַׁדַּי יִתְעַנָּג;    יִקְרָא אֱלוֹהַּ בְּכָל-עֵת.

Jun 10, 2014 - Iyov    No Comments

Iyov 26:7

Play

Podcast: Play in new window | Download (Duration: 1:03:47 — 21.9MB)

Subscribe: Email | RSS

ז  נֹטֶה צָפוֹן עַל-תֹּהוּ;    תֹּלֶה אֶרֶץ, עַל-בְּלִי-מָה.

ח  צֹרֵר-מַיִם בְּעָבָיו;    וְלֹא-נִבְקַע עָנָן תַּחְתָּם.

ט  מְאַחֵז פְּנֵי-כִסֵּה;    פַּרְשֵׁז עָלָיו עֲנָנוֹ.

י  חֹק-חָג, עַל-פְּנֵי-מָיִם–    עַד-תַּכְלִית אוֹר עִם-חֹשֶׁךְ.

יא  עַמּוּדֵי שָׁמַיִם יְרוֹפָפוּ;    וְיִתְמְהוּ, מִגַּעֲרָתוֹ.

יב  בְּכֹחוֹ, רָגַע הַיָּם;    ובתובנתו (וּבִתְבוּנָתוֹ), מָחַץ רָהַב.

יג  בְּרוּחוֹ, שָׁמַיִם שִׁפְרָה;    חֹלְלָה יָדוֹ, נָחָשׁ בָּרִחַ.

Pages:«1...424425426427428429430...610»