Articles by " admin"
Jun 9, 2014 - Iyov    No Comments

Iyov 25:4

Play

Podcast: Play in new window | Download (Duration: 1:01:48 — 21.2MB)

Subscribe: Email | RSS

ד  וּמַה-יִּצְדַּק אֱנוֹשׁ עִם-אֵל;    וּמַה-יִּזְכֶּה, יְלוּד אִשָּׁה.

ה  הֵן עַד-יָרֵחַ, וְלֹא יַאֲהִיל;    וְכוֹכָבִים, לֹא-זַכּוּ בְעֵינָיו.

ו  אַף, כִּי-אֱנוֹשׁ רִמָּה;    וּבֶן-אָדָם, תּוֹלֵעָה.

פרק כו

א  וַיַּעַן אִיּוֹב, וַיֹּאמַר.

ב  מֶה-עָזַרְתָּ, לְלֹא-כֹחַ;    הוֹשַׁעְתָּ, זְרוֹעַ לֹא-עֹז.

ג  מַה-יָּעַצְתָּ, לְלֹא חָכְמָה;    וְתֻשִׁיָּה, לָרֹב הוֹדָעְתָּ.

ד  אֶת-מִי, הִגַּדְתָּ מִלִּין;    וְנִשְׁמַת-מִי, יָצְאָה מִמֶּךָּ.

ה  הָרְפָאִים יְחוֹלָלוּ–    מִתַּחַת מַיִם, וְשֹׁכְנֵיהֶם.

ו  עָרוֹם שְׁאוֹל נֶגְדּוֹ;    וְאֵין כְּסוּת, לָאֲבַדּוֹן.

Jun 6, 2014 - Iyov    No Comments

Iyov 24:25

Play

Podcast: Play in new window | Download (Duration: 57:25 — 19.7MB)

Subscribe: Email | RSS

כה  וְאִם-לֹא אֵפוֹ, מִי יַכְזִיבֵנִי;    וְיָשֵׂם לְאַל, מִלָּתִי.

פרק כה

א   וַיַּעַן, בִּלְדַּד הַשֻּׁחִי; וַיֹּאמַר.

ב  הַמְשֵׁל וָפַחַד עִמּוֹ;    עֹשֶׂה שָׁלוֹם, בִּמְרוֹמָיו.

ג  הֲיֵשׁ מִסְפָּר, לִגְדוּדָיו;    וְעַל-מִי, לֹא-יָקוּם אוֹרֵהוּ.

Jun 5, 2014 - Iyov    No Comments

Iyov 24:20

Play

Podcast: Play in new window | Download (Duration: 1:03:42 — 21.9MB)

Subscribe: Email | RSS

כ  יִשְׁכָּחֵהוּ רֶחֶם, מְתָקוֹ רִמָּה–    עוֹד לֹא-יִזָּכֵר;  וַתִּשָּׁבֵר כָּעֵץ    עַוְלָה.

כא  רֹעֶה עֲקָרָה, לֹא תֵלֵד;    וְאַלְמָנָה, לֹא יְיֵטִיב.

כב  וּמָשַׁךְ אַבִּירִים בְּכֹחוֹ;    יָקוּם, וְלֹא-יַאֲמִין בַּחַיִּין.

כג  יִתֶּן-לוֹ לָבֶטַח, וְיִשָּׁעֵן;    וְעֵינֵיהוּ, עַל-דַּרְכֵיהֶם.

כד  רוֹמּוּ מְּעַט, וְאֵינֶנּוּ,    וְהֻמְּכוּ, כַּכֹּל יִקָּפְצוּן;   וּכְרֹאשׁ שִׁבֹּלֶת    יִמָּלוּ.

Jun 2, 2014 - Iyov    No Comments

Iyov 24:16

Play

Podcast: Play in new window | Download (Duration: 59:30 — 20.4MB)

Subscribe: Email | RSS

טז  חָתַר בַּחֹשֶׁךְ, בָּתִּים:    יוֹמָם חִתְּמוּ-לָמוֹ; לֹא-יָדְעוּ אוֹר.

יז  כִּי יַחְדָּו, בֹּקֶר לָמוֹ צַלְמָוֶת;    כִּי-יַכִּיר, בַּלְהוֹת צַלְמָוֶת.

יח  קַל-הוּא, עַל-פְּנֵי-מַיִם–    תְּקֻלַּל חֶלְקָתָם בָּאָרֶץ;  לֹא-יִפְנֶה,    דֶּרֶךְ כְּרָמִים.

יט  צִיָּה גַם-חֹם, יִגְזְלוּ מֵימֵי-שֶׁלֶג;    שְׁאוֹל חָטָאוּ.

Pages:«1...425426427428429430431...610»