Articles by " admin"
Nov 6, 2013 - Divrei Hayamim    No Comments

Divrei Hayamim II 3:5

Play

Podcast: Play in new window | Download (Duration: 1:08:48 — 23.6MB)

Subscribe: Email | RSS

ה וְאֵת הַבַּיִת הַגָּדוֹל, חִפָּה עֵץ בְּרוֹשִׁים, וַיְחַפֵּהוּ, זָהָב טוֹב; וַיַּעַל עָלָיו תִּמֹרִים, וְשַׁרְשְׁרֹת.

ו וַיְצַף אֶת-הַבַּיִת אֶבֶן יְקָרָה, לְתִפְאָרֶת; וְהַזָּהָב, זְהַב פַּרְוָיִם.

ז וַיְחַף אֶת-הַבַּיִת הַקֹּרוֹת הַסִּפִּים, וְקִירוֹתָיו וְדַלְתוֹתָיו–זָהָב; וּפִתַּח כְּרוּבִים, עַל-הַקִּירוֹת.  {ס}

ח וַיַּעַשׂ, אֶת-בֵּית-קֹדֶשׁ הַקֳּדָשִׁים–אָרְכּוֹ עַל-פְּנֵי רֹחַב-הַבַּיִת אַמּוֹת עֶשְׂרִים, וְרָחְבּוֹ אַמּוֹת עֶשְׂרִים; וַיְחַפֵּהוּ זָהָב טוֹב, לְכִכָּרִים שֵׁשׁ מֵאוֹת.

ט וּמִשְׁקָל לְמִסְמְרוֹת לִשְׁקָלִים, חֲמִשִּׁים זָהָב; וְהָעֲלִיּוֹת, חִפָּה זָהָב.

י וַיַּעַשׂ בְּבֵית-קֹדֶשׁ הַקֳּדָשִׁים, כְּרוּבִים שְׁנַיִם–מַעֲשֵׂה, צַעֲצֻעִים; וַיְצַפּוּ אֹתָם, זָהָב.

יא וְכַנְפֵי, הַכְּרוּבִים–אָרְכָּם, אַמּוֹת עֶשְׂרִים; כְּנַף הָאֶחָד לְאַמּוֹת חָמֵשׁ, מַגַּעַת לְקִיר הַבַּיִת, וְהַכָּנָף הָאַחֶרֶת אַמּוֹת חָמֵשׁ, מַגִּיעַ לִכְנַף הַכְּרוּב הָאַחֵר.

יב וּכְנַף הַכְּרוּב הָאֶחָד אַמּוֹת חָמֵשׁ, מַגִּיעַ לְקִיר הַבָּיִת; וְהַכָּנָף הָאַחֶרֶת, אַמּוֹת חָמֵשׁ–דְּבֵקָה, לִכְנַף הַכְּרוּב הָאַחֵר.

יג כַּנְפֵי הַכְּרוּבִים הָאֵלֶּה, פֹּרְשִׂים אַמּוֹת עֶשְׂרִים; וְהֵם עֹמְדִים עַל-רַגְלֵיהֶם, וּפְנֵיהֶם לַבָּיִת.  {ס}

Nov 5, 2013 - Divrei Hayamim    No Comments

Divrei Hayamim II 2:14

Play

Podcast: Play in new window | Download (Duration: 1:03:36 — 21.8MB)

Subscribe: Email | RSS

יד וְעַתָּה הַחִטִּים וְהַשְּׂעֹרִים הַשֶּׁמֶן וְהַיַּיִן, אֲשֶׁר אָמַר אֲדֹנִי–יִשְׁלַח, לַעֲבָדָיו.

טו וַאֲנַחְנוּ נִכְרֹת עֵצִים מִן-הַלְּבָנוֹן, כְּכָל-צָרְכֶּךָ, וּנְבִיאֵם לְךָ רַפְסֹדוֹת, עַל-יָם יָפוֹ; וְאַתָּה תַּעֲלֶה אֹתָם, יְרוּשָׁלִָם.  {פ}

טז וַיִּסְפֹּר שְׁלֹמֹה, כָּל-הָאֲנָשִׁים הַגֵּירִים אֲשֶׁר בְּאֶרֶץ יִשְׂרָאֵל, אַחֲרֵי הַסְּפָר, אֲשֶׁר סְפָרָם דָּוִיד אָבִיו; וַיִּמָּצְאוּ, מֵאָה וַחֲמִשִּׁים אֶלֶף, וּשְׁלֹשֶׁת אֲלָפִים, וְשֵׁשׁ מֵאוֹת.

יז וַיַּעַשׂ מֵהֶם שִׁבְעִים אֶלֶף, סַבָּל, וּשְׁמֹנִים אֶלֶף, חֹצֵב בָּהָר; וּשְׁלֹשֶׁת אֲלָפִים וְשֵׁשׁ מֵאוֹת, מְנַצְּחִים לְהַעֲבִיד אֶת-הָעָם.

פרק ג

א וַיָּחֶל שְׁלֹמֹה, לִבְנוֹת אֶת-בֵּית-יְהוָה בִּירוּשָׁלִַם, בְּהַר הַמּוֹרִיָּה, אֲשֶׁר נִרְאָה לְדָוִיד אָבִיהוּ–אֲשֶׁר הֵכִין בִּמְקוֹם דָּוִיד, בְּגֹרֶן אָרְנָן הַיְבוּסִי.

ב וַיָּחֶל לִבְנוֹת בַּחֹדֶשׁ הַשֵּׁנִי, בַּשֵּׁנִי, בִּשְׁנַת אַרְבַּע, לְמַלְכוּתוֹ.

ג וְאֵלֶּה הוּסַד שְׁלֹמֹה, לִבְנוֹת אֶת-בֵּית הָאֱלֹהִים:  הָאֹרֶךְ אַמּוֹת בַּמִּדָּה הָרִאשׁוֹנָה, אַמּוֹת שִׁשִּׁים, וְרֹחַב, אַמּוֹת עֶשְׂרִים.

ד וְהָאוּלָם אֲשֶׁר עַל-פְּנֵי הָאֹרֶךְ עַל-פְּנֵי רֹחַב-הַבַּיִת, אַמּוֹת עֶשְׂרִים, וְהַגֹּבַהּ, מֵאָה וְעֶשְׂרִים; וַיְצַפֵּהוּ מִפְּנִימָה, זָהָב טָהוֹר.

Pages:«1...471472473474475476477...610»